لا تحسبين العرس توفي وكتكات

[عاشقة القمم]

لاتحسبين العرس توفي و كتكات ... ولا تحسبينه توكس والا بونتي

ولا تحسبين العر س كيكة و طورطات... وصلة قطعتيها ووصلة بلعتي

ولاتحسبين العرس تصفيق و اصوات ... وانتي على صوت الغطاريف همتي

ولاتحسبين العرس كوشة و لمبات ... وانتي كما الطاووس فيها جلستي

ولاتحسبين العرس احلام في الشات ... ياما بنيتيها وياما هدمتي

ولا تحسبين العرس روحة و جيات ... هيا اقضبي بيتك عسى ما انهبلتي

ليلة سعيدة وانتي احلى الجميلات ... تشخص عيون الناس اذا حضرت

(واللاينر) حطيه بلا زيادات ... لا يخترب المكياج اذا دمعتي

(والمسكرة) تحتاج لطف ومدارات ... حتى يبان ازين اذا غمضتي

(والاسبريه ) رشيه حتى البصيلات ... يمسك شعرك زين ولو كان زدتي

وترى (المحدد) فن يحتاج رسمات ... يبان رسمه زين اذا ابتسمتي

العرس يابنية ماهو شعارات ... تفنى مراسيمه وتبقين انتي

ويبقى شريك العمر راعي الطويلات ... هذا هو العرس الحقيقي عرفتي؟

اول نصيحة لك حفظ الصلوات ... صلي العشا و الفجر في كل وقتي

وفي ليلة العرس الموفق وبالذات ... ادعي الكريم الله اذا سجدتي

والتعري لاترضين عند الكوفيرات ... و لبسك يملي العين اذا لبستي

واللي على زوجك تحرضك مرات ... ارجوك شوتيها شوتت بلنتي

والصبر في العشرة حتى على فتات ... ياماحلا فعلتك يومك صبرتي

واذا حفظت السر مع المدارات ... زوجك ترى في عيونه انتي كبرتي

والسوق يعني هاه وقت الضرورات ... والاترى زوجك يدور لمفتي

زيدي الغطاية وكثري في العبايات ... والله يرضى عنك اذا سترتي

اوصيك بالمكبوس وكثر اليدامات ... حتى لوانك من سببها متنتي

وخلي الرجيم اللي فشلتي فيه مرات ... سويه مرة واحدة لا ولدتي

مسرووووووقـ

[الزعابي77]

هى والله توفي وكتكات

[عاشقة القمم]

تسلم ع المرور أخوي
ربي يعطيكـ ألف عافيه

[بوسعود]

[align=center]
صحيح الابيات بطريقه السوالف بس فيه عبره ودروس

شكرا ع الطرح وبنتظار الجديد
[/align]

[خيماويهـ منفيهـ]

الابيات حلوه ولكن انا ضد اول بيتين ..هع لاني اعتقد انه العرس توفي وكتكات وبونتي وكيك واسكريم وفروت وجيلي وحتى فواله وباتشي.....مجرد راي..

[عاشقة القمم]

تسلمووووت ع المرور أخواني
ربي يعطيكمـ ألف عافيه
لاهنتوا

الابيات حلوه ولكن انا ضد اول بيتين ..هع لاني اعتقد انه العرس توفي وكتكات وبونتي وكيك واسكريم وفروت وجيلي وحتى فواله وباتشي.....مجرد راي..

ممممممم أختلف وياج بالراي ، لأن المقصد إن الحياة تتغير ومش دايماً تكون حلوووهـ شرات الككاو والحلويات ، الواحد تمر عليه مواقف وظروف تأثر على حياته ، بس الشاطر إلا يخلي حياته دووووووووم حلوهـ وإذا كانت مرهـ يسيطر ع الأمور ويحليها ، وماشي بيت ما يخلى من المشاكل ، ولو كانت مشاكل صغيرهـ وعابرهـ ، فالوحدهـ لازم توقف مع زوجها وقفت رياااال ، وتكون معاه بالحلووو والمررر ، ، ،


لو تشوفين حالياً كثرت نسبت الطلاق عندنا ، كل بنت صار ألها شي ويا زوجها طلبت الطلاق ، والعكس بعد ، فلازم الواحد يحطي في باله إن الحياهـ ما توقف لحد معين ، ونقدر نمشيها كيف نبي ، وهاييلا البنات أكثريتهم بعتقدون إن الحياهـ الزوجيه رومانسية وحب فقط >> طبعاً هذا أهم شي ، بس بعد لازم الزوجه تكون متفهمه الأمور ..


والسموحهـ منج ..


أوووووهـ نسيت >> تسلمينلي ع المرور حبوبه وإبداء رايج

[سلطان زمانه]

نعم فيها من العبر والدروس ما فيها وقال الاعراب سابقا ببيت موجه للعروس في ليلة زفافها ...لا تفرحين بالحيول .

[بوسعود]

نعم فيها من العبر والدروس ما فيها وقال الاعراب سابقا ببيت موجه للعروس في ليلة زفافها ...لا تفرحين بالحيول .

بس ماعرفنا الشاعر لا يكون عيسى بدر

[zmoon]

يسلمو على الطرح

[عاشقة القمم]

تسلمين ع المرور أختي