بيني وبينكم

[7oor UAE]

مرحباااا

انا استوالي موقف وماادري شو اسوي واباا اخذ رايكم فيه

>>>

من يومين يتنا بالجامعه حملة التبرع بالدم وسرت انا عسب بس اعرف شو فصيله دمي
بس النيرس قالتلي ليش ماتتبرعين وانا اصلاا اخااف من الابر فقلتلها ماابا قالتلي حراام دمج بينقذ طفل او عيوز من الموت وتمت تتفلسف عن هالسوالف فقلتلها انااا باجر عندي امتحاان وبسير اذاكر وباجر بيي صوبكم ومسكتني وقالت مابقولج فصيله دمج الا اذا اتبرعتي بدمج والله كيف بوفقج بالامتحاان وانتي مااتبرعتي وبصرااحه زغت قلتلها اتريي بخبر باباتي فقالت شو يخص ابوج بالسالفه واصلا كيف بترضين تطلعين من دون مااتتبرعين واتكلت ع الله واتبرعت
هو صح ارتحت بس احين شو اقوول حق باباتي هو مايباني اتبرع اصلااا

دخيلكم شو اسوي ....؟؟
بتريا اردودكم

[العتيبي]

مرحب اختي

شو يعني لو تبرعتي ..؟؟ هل هو حرام .. ؟؟

بعدين اختي .. أفتخري و قولي له انج تبرعتي بدمج علشان المحتاج و هذا عمل خير ... و انج بصحه و عافيه

ما أظن فيها شي .. و أكلي سلطه بيرد دمج

و في ميزان حسناتج ان شاء الله

العتيبي

[7oor UAE]

مشكور اخوي العتيبي ع المرور

هو ص ان التبرع موب حراام بس انا متردده شو اقوول حق ابوي
وشكلي مابقول لاهلي الا بعد مابيمر شهر او بعد مااتخرج هههه

[قلپ حسآس]

شو يعني لو تبرعتي ..؟؟ هل هو حرام .. ؟؟

بعدين اختي .. أفتخري و قولي له انج تبرعتي بدمج علشان المحتاج و هذا عمل خير ... و انج بصحه و عافيه

ما أظن فيها شي .. و أكلي سلطه بيرد دمج

و في ميزان حسناتج ان شاء الله<<<<<<<<<<<مثل ماقال لج اخووونا العتيبي
واكييد هالشي بكون في ميزان حسناتج ولازمن تفتخري بهالشي

.....تقبلي مروري.....

[*الرمس*]

السالفه بسيطه ومايحتاي كل هذا الخوف و ابوج مابيقولج شي انتي ماسويتي شي غلط

[Her Highness]

شو فيها يعني لوتبرعتي ؟؟


مافيها شي


بالعكس تاخذين اجر وبنفس الوقت ماله اي ضرر


مرات الاهل يعاروضون فالبدايه لانهم يخافون ع عيالهم ودوم عيالهم فنظرهم صغار


بس يوم بتقولين الهم انا سويت هالشي بيستانسون لانه مب غلط ولا حرام

[7oor UAE]

مشكوره اختي ام دحمااني عالرد

[Time_Racer]

لم أصبحنا نتردد في أداء المعروف ونحتاج للنصح

وجرأتنا في المنكر لا تحتاج إلى ذلك أو استشارة حتى

المهم أختي الكريمة سوف يفتخر والدك بك، بل سيعلم أنك أصبحت ناضجة تعرفين ما تفعلين وتعقلينه

ومن ناحية أخرى تصرف الممرضة خاطئ فلم تجبرك على هكذا موقف ، ولربما يثير هذا حفيظة الوالد أن إبنته أجبرت على التبرع وليس برضاها

فوازني الأمر ، فأنت كبيرة بما يكفي وعقلك يستطيع التصرف بذاته

[7oor UAE]

Time_Racer


ثاااانكس ع المرور

[عاشقة القمم]

وايد أهالي جيه >> يخااافون ع عيالهمـ ويتحسبون أنهمـ إذا تبرعوا بيصير فيهمـ شي ، معنى الدمـ يتعوض حتى لو بشربه عصير ..

قوليله أنا فكرتـ بالناس المحتاجين دمـ بالناس اللي يمووووتون ويتعذبوووون ، فتبرعتـ >> وأبوج يومـ بيشوفج بصحة وعافيه بالعكس يمكن ما رح يمنع خواتج ( إذا عندج ) من هذا الشي ، بيعرف إن هذا الشي ماله ضرر ..


>>> مشكله خووووف الأهالي ، أحياناً يكون الشي لمصلحتـ العيال بس أهمـ يخاااافون علينا وما يخلونا نسويه ..


(( ذكريه بأجر اللي يتبرعـ ))



والسموحه ع المداخله