ابن 14 وفوق
السلااام عليكم ورحمه الله وبركاته
شحاااااااالكم عسااكم مرتاحين
حبيت اطرح لكم موضوع وخلونا نشوف ارائكم
ولد عمره 14 سنه يطلع وقت ما يبي وسينما وسهر ورقاد برع البيت وسياره وحاله وبدون مايشاور اهله ويرد البيت على نص الليل وبنفس العمر ولد ثاني مايطلع الا بمشوره اهله ويرد من وقت عشا بالبيت السينما يزورها مره بالويكند مايسهر ومايسوق
تعتقدون هالاولاد وبهالسن لازم نعطيهم الحريه الكافيه يطلع وقت اللي يبي ولا نحدد له وقت معين ونرقابهم بشده؟! لاتنسون انهم مراهقيين
وشي من الاولاد اهلم عاطينهم الحريه واحد منهم لا اذا ماراح معاهم المكان الفلاني ولا ماساق سياره وغيرها من الامور اطنزو عليه وقالو له ولد امك ولا ولد ابوك طبعا هالكلمه دوم نسمعه ويرددونها الشباب اللي هي ولد امك
يعني اذا امه منعته من الروحه يعني خلاص هو صار ولد امه ياخي الولد بار با اهله ومايبي يطلع الا بشور امه عشان تكون راضيه عليه
شو رايكم بهالموضوع
اختكم \\ قد الحب
رد مع اقتباس
