حالت آخرهم وفا بعد السبعين_سجـــع
هذي شخابيط يعني شوية سجع
يعني لا خاطرة ولا قصيدة
بس وصف لحالي بعد
السبعــــــيــــن
منسدح عظهري يمب الباب
الحوش مكركب والبيت خراب
ميهود ومزجم وجني سكراب
الحفل دعوته عامة للذباب
وشوي ودق علي أحد الأحباب
يبا أسياخ وبهار للجباب
ذابح بعير من بعران نجد
وناميلس وإيدي عالخد
وياري زطي وميحشم حد
ونا اليوع ذابحني وهادني هد
جان سكت عنه مابيعزمني
يعني ملزم أرز فويهي وجرشي
وحيد ساكن عزوبي بالفريج
لاعندي صديج ولاحتى رفيج
والناس قامت تتمصلح بالسلام
وذاسلمت دار ظهره وغير الجلام
الدولة ممقصرة فينا يالمواطنين
تارسه مخابينا تمر وطحين
معاش التقاعد ميسد ماي ورد
لاني بصراف ولايطالبني حد
مفلس ومصرفي عالقد
ولكم مني سلام يالحاضرين
عساني مانحرم منكم ولوبعدحين
مروركم علي سرور ووناسة
وناجني داير فمحماسة
العين عورة ويخس هالطاسة
متغربل بغبا وقلة فهامه
وأعض على إيدي من الندامة
صرفت فشبابي ولادسيت درهم
واليوم أنا نادم أشد الندم
طايح عفراشي وهدمان هدم
وآخرهم وفا يتاجرلي بالفحم
تحياتي لكم/ن
30آخرهم وفا30
رد مع اقتباس
