غيرت اشوي منه وظفت كراسي
من غير المكتب الي احم احم بيكون لي ^____^
ثرني دوووم احلم اني اشتغل فمكان خاص فيني
وماحب حد يتأمر علي
أحب اكون انا الرئيسة وما كون مرؤوسه من قبل حد
لي مكتبي الخاص وآخذ وأعطي مع زبايني من عليه ^____^
الحمدلله تحقق حلمي ولو كان صغير وتوه فبدايته
عقبال ما افتتح المحل الخااص فيني قريباً بإذن الله وراح اعزمكم بس قولوا آمين
عز الله لو بنتريا وظايف الحكومة جان شاب شعر راسنا >_<
لذا انا مب امحطيه فبالي اشتغل ولاغيره والحمدلله الجميع أيدني فرايي
المهم مابطول عليكم فبخليكم ويا الصور ^____^
ياسلااااااااااااام شوفوا شوفوا هناااك الي عجهة اليمين ^___^ اهنا مكان ام محمد ومالها غيره
المنظر من صووب مكتبي ^____^ ياخي توني احس بإحساس المدير العام كيف يكون,,من حقه يخق ^__^
لاحظوا الادراج هاذي ماكان مكانها اهنا ^___^ قلت بغير وبحطهن بين الفساتين
هاي بعد طاولة الاكسسوارات والصابون ماكانت اهنا ,,خليتها امجبله حجرة لقياس ^___^
المساكر بأنواعها والاكسسوارات ^____^
الصابون والطين المغربي والزيوت والاقنعة^__^
وعن انسى هالمخلط من فترة مشترية منه كمية ونسيت اصوره ,,شفت واحد فالحجرة فقلت بصورة لكم شي منه نسائي ورجالي ,,اسمه مخلط الامارات وريحته اعربية وها الي فالصورة نسائي ^__^ على 45درهم
اهنا من داااخل ^___^ شكله مادري بشو يذكرني؟!!!بس الغرشة تشبه غرشة عطر معروف ناسية عنه
والسموووحه منكم
رد مع اقتباس
