مواطن يوفر خدمات 5 نجوم للكلاب ؟؟؟؟

[احمد النعيمي]

مواطن يوفر خدمات 5 نجوم للكلاب

( صوره تعبيريه )

صحيفة الانباء \ الرمس نت :

لم تمنع التحديات الدينية والاجتماعية الإماراتي حسن محمد من تحقيق حلمه في ان يفتتح أول مكان مخصص لخدمات الرعاية والعناية بالكلاب من فئة الـ 5 نجوم في امارة دبي، ففي هذا المكان الذي بلغت كلفته ما يقارب من 300 الف دولار، تتمكن هذه الحيوانات الأليفة من التواصل مع بعضها البعض، وتناول الطعام الصحي، الى جانب الاستمتاع بخدمة الإقامة في غرف مكيفة.

[بو راشد الطنيجي]

هــوايته اللي يستمتع بها

[مؤمنه]

الايتام المسلمين اولى بهذا كله

الله المستعااان

[روز كازان]

بزنس يديد اعتقد بيكون اقبال كبير واصحاب الحيوانات بيكونوا مطمنين ادا سافرواان حيواناتهم في ايدامينه

[البزي]

هذا هو الي يسمونه التقليد الاعمى

والله حاله هذا الي نحنا فالحين به نقلد

اي تقليعه من تقليعات الغرب والمصيبه انه الناس

تقول عليه مطور اي تطور والله انه تدهور

الله المستعان بس فيه شريحه من الناس بتستانس على

هذا المشروع وانتو ادرى بهم ......

الله يستر علينا من باجر مادري بيفتحون شوه

[القـــالكبيرـلب]

صراحه خبر يستحق التعليق

الحين من الممكن الريال فكر صح من حيث البزنس ,,,,, لان ما شاء الله الاجانب (الغربيين) وكلابهم كثروا في البلاد والحين بشكل يومي تحصلونهم يتمشون على الكورنيش او بالشوارع ويا "البوبيز" مالهم. واكيد في منهم بسافرون ويضعون جلابهم في ايدي امينه وفندق خمس نجوم.

الله المستعان ,,,, زمن غريب وعجيب
شكرا لك اخوي أحمد على الخبر بس ياريت تكمله

[الناقد]

مع احترامي :

الصراحه المشروع مميز واكيد النجاح بيكون فيه مميز على الاقل هذا ولد لبلاد حسن من الوافد وترى نجاح البزنس في التميز والجوده وما اعتقد انه هو اللي بيشتغل هو حط الفكره وحدد الهدف وفتح المشروع .

وكان المفروض نقول عقبال ما يتوسع مشروعه ويكون هب للكلاب بس يعني باقي الطيور والحيوانات واعتقد انه الشي هذا مميز بالفعل مميز ----- الله يوفقه

[مايد راك]

الله يوفقه بتفكيره و يا جماعة الخير كل شخص حر بهواياته و في بيزاته !! و خلو الناس بحالها و لا تحبطون أي شخص بشي هو يرتاح له !! الله يهديكم بس ... ! و الله يوفقك يا أخ حسن بمشروعك

[الكابتن]

يقبلون العنز اللي عندي

تراها من الحيوانات الأليفة بعد

[بنت البريرات]

هههههههههه صح كلام الكابتن

العنز اولى من الكلاب

اللي عندهم كلاب الحين فارينهم بالشارع ولا شو تلاحق هوشنا عكيفها