فطااايري عطريقتي^___^أسهل وأحلى وأسرع عجينة شو تبين أحسن عن جي؟؟!!!
هلاااا يا عسووولاات ^^
فالويكند الي طااف اهلي كان فخاااطرهم اسوي خبز زعتر ,,عقوولتهم خبزي أحلى من المخبز وبالذااات اختي عفاااااري اتموووت عليه >_< اقوولهم عن اصدق عمري هههههه,,بس لاحظوا خواتي ترى يوم يبرد الخبز مال المخااابز غالباً اتلاااقينه ييبس عندج ,بس الحمدلله نوعية خبزي ما تيبس لو اتخلينها 3ايااام بتم لج هشة وملمسها ناااااعم^^,,المهم انا قلت دااامني فاااظية خل اسويلهم وبالمرة ابتكر سوالف ثانية ^^
وبلا شك كان معاااي حبيبي الشيف خليفة عسب يسااعدني فالطبخ ^____^فديته احين كل من اصووره يقوول اني بتحطيني فاللابتووب عشان البنات يشوفوني ههههههه اقوله هيه حبيبي ,,خلاص فهم الموضوع>_<
ما علينا ,,هاتي ورقة وقلم وسجلي المقاااادير
3اكواب طحين رقم1(انخليهم زين قبل ما اتحطينهم فالكاسات) – كوب ماي دافي –ربع كوب زيت – فنيااان شكر – خاشوقتين كبار خميرة -3خواشيق حليب بودرة- رشة ملح
شوفي المضاارب الي بستخدمها فهالعجينة (بس اذا ماعندج خذي مضرب الايد العادي فأول مرحلة)
فأول مرحلة بنحط كوب طحين
كوب ماااي
فنياااان الشكر
الخميرة والحليب ورش الملح كلهم مع بعض واخلطهم بمضرب الشبك
لاحظي الفقاقيع
احينه بغيير المضرب وبحط الثاااني الخاااص بالعجن,,وبضيف عليهم باقي الطحين بس على فترااات
احينه الزيت
لازم جذا اتكووون شرااات اللبااان
غطيتها بنااايلون واترييت عليها 10دقايق
فالوقت الي تخمر فيه العجينة ,,سرت اجهز المكونات ,,اهنا الزعتر وزيت الزيتون
هاي لأني قلت بسوي فطاااير (جبن بس مب املح ماعرف شسمه انا ذقته عند الريال فالجمعية وخذت نص كيلو) ومعاهم زيتون اسود وأخضر
كان الاسود امريحني امقطع وجاااهزبس الاخضر تعبني اشوي>_<
واهنا الجبن قطعته اول شي شرايح عقب مربعات صغار
مممم هذا تخصص اختي امووونه تتفنن فيهم,, بغت اتسوي فطااير ديااااي وبتكون مكونات خلطة الدياي مالها عباااارة عن (دياي امقطع شرايح –فلفل أخضرحار وبارد-بصل-ثوم-طماط-صلصة طماط-ملح وفلفل اسود –اشوي كركم –بزار)
الله يبااارك لاحظوا كيف انتفخت خلال10دقايق
وهاي المكونات خلاص جهزناها :خلطة الدياي-خلطة زعتر-خلطة الجبن والزيتون
اهنا كنت اصوور امووونه وهي اتسوي فطااايرها
وصكرتها من النص وضغطت عالاطرااف بالشوووكة
اهنا دهنت السطح بالبيض واشوية حليب ساائل وذرت عليهم السمسم (لاحظوا الي عليهم سمسم هاييلا فيهم دياي والي ما عليهم سمسم هاييلا بالجبن والزيتون عسب ما نتخربط)
عاد احينه ياااا دووووري >_< شليت قشي واتيلست عالارض ,,استخدمت جدر الخمير
حطيت العجينة اول شي عالسطح وعقب حطيت الزعتر عليها
اترييتها تنتفخ اشوي ورفعتها من تحت عسب اتأكد اذا احمرت ولا لأ ,بعدين انزلها فالجزء التحتي من الجدر
وهاي اول وحدة خلصتها ^__________^
هاي اول طاااسة طرشتها بيت أخوي
لاحظوا كيف من تحت ,,هشة وطرية ^^
واهنا امووونه خلصت من فطاايرها وطلعاانهم من الفرن^^
حبيبي فديته يالس يعرض الفطاااير^^
مارمت اقااااوم >.< يمي يمي وييلي عالجبن والزيتووون
عقب يت اختي العوودة فطيم اتقوول وين الدبس ,,كانت امسويه القيمات فالمطبخ البراااعي
وانا فهالوقت خلصت الزعتر
هذا الي تم من خلطة الدياي ,,حطيناها فطااسة صغيرونه لأن الوالد يحب ياكله ويا الخبز الأسمر اللبناني^^ويلي عالي يسووون رجيييييم انا
واهنا اختي فطيييم فاجئتنا بالصالة انها امسويه كمن شغلة ^^يمي يمي ويلي عالملفوووووف
ورق عنب حااااااااااامض,,ههههه بس مالي انا أحلى ><
بسبوووسة (المرة اليايه بعلمكم طريقتي )
بيتزا بالخضرة,,سويتها بس قلت مب لااازم احط الخطوااات لأنها سهله^^
والترمس ^^صارلي اسبوعين انقعه بالمااااي لين لاااعت جبدي جااان افوره ويستوي >_<الحمدلله الخميس الي طاااف جهز^^ ,,معني ماحبه بس تموا يقضرون منه لي الفجر ,,لأنه كااان ويكند واتعرفوون عااااد فالاجازات الواحد يحب يسهر ^_______^
حبيب الملااااااايين فيمتوووو ههههههه سويته وحطيت وياااه كسراااات ثلج ^^ مادري حسيته جوو رمضااااان
وووووووووووووووسلامتكم
أي سؤال حاااظرين عالعاااام^___^
رد مع اقتباس
