تعالي تعالي...
بين الليالي...
تعالي وشوفي ..آخر زوالي...
تعاليلي... وضمّيني لحالي...
وقولي وش كثر ولهانة للغالي...
فلا ظنّي أحد يملى...
مكانج الخالي...
وانا والله متولّه...
أناظر عينج العسلى...
عقب ما طال ترحالي...
أعانق خدّج الوردي...
واقول الموت يحلالي...
تعالي تعالي...
من متى موج البحر ينبذ احضان الشواطي
كلّما يبعد يرد في شغف والشوق ساطي
من متى شمس الضحى تهجر عيون النهار
من متى كان الحزن يسكن حياتج مرار
من متى وانتي معي ...
طفلة تداعب كنار...
بسافر للقمر وارحل... تعالي هناك
شبي بالأرض وش فيها...
بشر واملاك...
تركت الدنيا للطّماع...
بغيت النجمة والأفلاك...
في زحام الوجد جفني ماغضى عاف المنام...
بعثرتني حسرتي ياكيف قلبي مستهام...
يارحيمة ضمّدي جرحي قبل مسك الختام...
تدرين يا عيني تعصرني المتاعب
مهما دحرت الهم تهزمني المصاعب
من لي سوى قلبج اتسلّى وألاعب
حنّيتي ايدج عشاني..
وخضابها دمّي...
كثر الألم سمّي..
ضمّي بعد ضمّي...
أحبج واحتضر محروم
قدر مكتوب للمظلوم
يموت بعيد وينادي...
تعالي تعالي....
http://www.4shared.com/audio/Im6KraV4/__-__.html
رد مع اقتباس
