نويت ارحل من حياتك

[المتأمل]

هالابيات قريتهاا في احدى المجلات واعجبتني وحبيت اكتبهاا لكم ....




نويت أرحل من حيآتك وأطوي صفحـة التذكـار
نويت أرحل .. نويت أرحل .. وعيش بتذكاري



هديه والوداعيـه : (عيونـي ودمعتيـن صغـار)
بعدها القلب لك كله .. ولكن صون أسراري


أمانه كان لي خاطر .. دخيلك انسي اللي صـار
بلاش تتعّب اقليبك .. بطول السهـر .. وتـداري


أنا ماجيت لعيونك .. عشان اكتب لـك الاشعار
وترى ما اكتب لك الأبيات عشان افخر بأشعاري


عرفت الهم من صغري ومن غيره بدربي سار
وعرفت ان [الأمل] بالذات مجرد كذبـة أفكـاري


لقيت القلب من طيشك .. حزين ومنكسر منهـار
ولقيت العين من جورك .. غذاها دمعي الجاري


عجزت ألفظ "أحبك موت" غدرني لساني الغـدار
والا من قلتها لك؟ تقول وش الطاري؟؟


وصلنا اليوم يا فلان .. نهايـة آخـر المشوار
تعبت أركض ورى قلبك .. بعد ماطال مشـواري


أنا برحل من دروبـك؟ ولكن الزمن دوار
يجي لك يوم لاتنسى .. يجيبـك شـوق إجبـاري


وعشان اطمّنك أكثـر .. قول وردد أمـرار
(توفى اللي وفى بحبـه وكـان لدنيتـي شـاري)


أنا ماشي من الدنيا وبتـرك لـك بهـا .. إنـذار
لعله ينفعك في يوم يكـون مـن الفـرح عـاري


ترى عقبي صعب تلقى صحاري جوفهـا أنهار
وعشان اكون صريح أكثر ما اظن تتكرر انهاري

يجوز تلقى بالظاهـر ولكن ..هاليهود كثار
خذ بالك عدل منهم .. وهـذي زبـدة إنـذاري


خلاص اليوم لاتسأل .. وش هي آخـر الأخبـار
أنا راحل من الدنيـا .. ماعـاد تهمّـك أخباري





بانتظااااااااااار ردووووووودكم

[الأميرة الحسناء]

كلماتك تحاكي الوجدان لمالها من بوح مؤلم تنادي بالفراق ..
ولكن ياعزيزي نحنوا في هذه الدنيا مسافرون
لابد لنا في يوم من الفراق وهكذا حال البشر..
دمت في رعاية الله وحفظه ..