يا مسير الكون
ياحي ياصمد يامسير الكون تسيير
انت عليك انتكالي وانت من خلقنا
كل ما يجرالنا فالدنيا منك بتدبير
وانته عالم بسرار نفوسنا وماجهرنا
انته الواحد الاحد مقدر المقادير
وانته ع الخير والشر لك حمدنا
نعبدك ونصلي لك ونكبرك تكبير
ولك على الرمل والحصى كلنا سجدنا
اغفر ذنوبنا واتقبل من عبد الفقير
وارحم عبيدك العصاه ياخير من رحمنا
وانظر لحالنا واللي سار عله من تغيير
الدرب اللي بديناه بشد اليوم عنه توخرنا
وبعد ماكنا صف واحد سرنا طوابير
وزاد كرهنا وعداوه البعضنا
سار اكبر همنا في الدنيا جمع الدنانير
والهث وراء دنيا عن الحق ابعدتنا
يارب ياعزيز انت للمظلوم نصير
ارحمنا من بعض انفوس تجهمنا
من بعض ناس شوفهي في الدنيا ضرير
وافكارهي على قد تحطيم تماسكنا
لاعلم يستند عله ولا يملك العقل البصير
وجهله بعلم الدين خلخل توازنا
لولا الله راد لينا ابحسن التدبير
وصد مكايد الشيطان اللي تربصنا
يارب انا ادعوك وانا كلي تقصير
تصلح حالنا مثل حال من سبقنا
وتنور اعقولنا بالايمان والعلم المنير
وبكل خير ومحبه ازيد ترابطنا
وزيد ودنا البعضنا من غير تحقير
والتسامح والحبه للناس تكون هدفنا
ونرجع لعهدنا الاول ونترك الاخير
ونتذكر كيف كانت ابعضنا علاقتنا
كنا قلب واحد في صدر كبير
شريانه الأيمان وريده عقيدتنا
ونبضه الاسلام صافي من غير تعكير
وتحت راية الاسلام كلنا تجمعنا
رد مع اقتباس