السلام عليكم ورحمة الله وبركاته
نثرت الغلا والأرض خصبه وانا فلاّح=عسى الله يوفق واجني الحب واثماره
تخيلت زايد يكتب البيت وانه ناح=على الأرض دمعي يلثم الرمل وغباره
تذكرت شيخٍ شل شعبه بكف الراح=هدا الشعب حبه واحترامه ومقداره
بنى الدوله اللي مسكها في البريه فاح=عسى الله يحرّم ويهه السّمح عن ناره
عسى البرزخ اللي يعبره زايدٍ سمّاح=كثير البراد و واسع وتِحمَد اسراره
عسى زايدٍ فيه المسافر أو السوّاح=يمرّه مريح ومقعده فيه يختاره
لعلّه على كثر العطايا لقى وارتاح=عطاه الله اكثر من عطاياه واثاره
عسى مسكنه فردوس ربي مع اللي راح=عسانا نشوفه داخل الخلد زواره
نحبه ويشهد ربنا الواحد الفتاح=محبه بناها في حياته بإصراره
رحل زايد ولكن بقى موطنه ياصاح=تسلم مقاليد الحكم فيه صقّاره
خليفهْ خليفة زايدِ المومن اللي لاح=سنا رحمة الله في خطاويه واخباره
خليفه إذا طاحت نجوم السما ما طاح=تدور الكواكب حوله وتعكس انواره
عطاه الله محمد وهو منبع الافراح=محمد مدار وحوله الناس دوّاره
محمد ومعه محمد الواهب المنّاح=ولد زايد اللي قادة العالم انصاره
وبو محمدٍ سلطان وحميدٍ النصّاح=وبو محمد سعود وحمد شرقي دياره
وبو راشد سعود المعلا شرا الاصباح=شيوخ ٍ على وضح النقا تكسب الشاره
قلوبِ البشر طِلجه لهم دونما مفتاح=تربع عليها حبهم واطلق افكاره
عساهم ذخر للدار ومدافع الاتراح=عسى ترابنا دايم بهم يذبح اكداره
مع أجمل تحية من أخيكم
رد مع اقتباس
