يبت لكم طريقة الكرك اليمني اللي يفج الراس
هالطريقة يبتها من وحدة يمنية للأمانه
وحبيت اعطيكم طريقتها
المقادير
شاي ربيع ورق , ما ينفع اكياس
عودين جرفة , 3 اعواد قرنفل ( مسمار ) , هيل مدقوق مب ناعم
شكر , حليب رينبو ( ابو قوس )
الطريقة
صبي ماي في الغوري , وقبل ما يفور بشوي , حطي الهيل , واعواد الجرفة , والقرنفل
واذا ما تبغين القرنفل , تقدرين تستبدلينة بالزنجبيل الاخضر
حطي الشاي الورق والشكر , وخليه يفووور , لين تطلع ريحة البهارات
وصبي قوطي الرينبو في الغوري , وغطيه , وخليه يفوور لمدة 10 دقايق
صبي الحليب في الدلة , وبالعافية عليكم
رد مع اقتباس
المشاركة الأصلية كتبت بواسطة ابو نهيان
