لما قريت الموضوع تذكرت واحد من ربعي ، كان مقدم برنامج اذاعي عن الاعشاب الشعبية ، المهم مرة اشتكيت من الام في اسفل البط ، راح جابلي شي ما اتذكره بالضبط بس اتذكر (شوك الجمل) او من هذا القبيل ، المهم رحت البيت وقلت للوالدة سوي هذا الدواء ، قالتلي وانت شو صارلك حتى تاكل ها الحشيش ، قلتلها ما عليه سويه وانا بشربة ، حاولت تقنعي ، وانا الا اشربه ، لا وبعد بدون شكر ، المهم ربع ساعة الا وهو جاهز ، تشوف لما تعصر 10 ليومونات وتجمع خلاصتهم عدل تخيل نفسك تشربهم في كوب كبير سعة نصف ليتر؟
بصراحة اتفشلت جدام امي ، ما ادري شو اسوي هل اكمل الشرب ويعورني بطني زيادة ولا اخليه وتضحك علي!!
قلتلها بروح اشربه بحجرتي ، وهوووووب صبيت الكوب بالمغسلة ، طبعاً الوالدة الله يحفظها ما ينقص عليها ، قالت ها صبيته ، خلاص اسمع الكلام وودر عنك الخرابيط هاي..
عموما: الطب الشعبي وايد ممتع وفيه دكتور براس الخيمة كله يوصي بالاعشاب الطبيعية خاصة للاطفال.
شكرا على الموضوع الجوكر
رد مع اقتباس
