اليوم ريوقنا فطاير , سويت العجينة بيدي
عسب مايقول اخوي بونهيان ان فيني هيازة
المقادير
جيلة طحين رقم واحد ( 3 كاسات ) _ ذرة ملح _ كاس صغير شكر _ نص كاس زيت
2 ملعقة خميرة _ 6 ملاعق حليب نيدو _ مربى فراولة _ اي جبن ( مايكون سائل )
نعناع ناشف _ زعتر _ سمسم _ الحبة السودا _ بيضة مخلوطة بالحليب
الطريقة
انخلي الطحين , وحطي الملح والشكر والنيدو والخميرة والزيت ,,, واعجنيهم بماي دافي
هذي صورة العجينة بعد ما عجنتها ,, ( خليها تختمر لمده ساعتين او اكثر )
هذي صورة العجينة بعد ما اختمرت
افرد العجينة بشكل دائري بالنشاب . قطعيها بالسكين علامة +
حطي في كل قطعة جبن ومربى فراولة
اهنيه حشيتها بالجبن والزعتر
وهذي بالجبن والنعناع
لفي كل قطعة بمفردها , وصفيهم في صينية الفرن مدهونة بالزيت
ادهنيها بالبيض المخلوط بالحليب , وذري عليها سمسم والحبة السودا
هذي صورة الفطاير بعد ما طلعتها من الفرن
وبالعافية عليكم
رد مع اقتباس
المشاركة الأصلية كتبت بواسطة عاشق الطقس
