رحلتي لراس الخيمه

[زهرة التوليب]

يوم السبت الموافق 18/07/2009

قررنا انا وربيعتي نووووتي انروووح راك علشان انصور برفقة 3 مصورين ومرشدنا السياحي ســ.....


ويوم الاحد بدات رحلتنا ومغامرتنا مع اني كنت نعساااانه و اسوق وخاااطري بس الحمدلله وصلنا راك على الساعه 12:15 الظهر ودخلنا المنار ننتظر المرشد السياحي ســ.... (مايبغينا نذكر اسمه اونة معروف في راك)
وفي طريقنا لمنطقة شفنا شي وااااااايد عجبنا مب موجود منه في دبي الا في المزارع



فديته وايد كيوووت بصراحه حبيته كان ودي في واحد مثله اربيه في بيتنا
تبغون الصراحه كنت اسرقه بس قلبي عورني
وصلنا لمنطقة علشان انصور القلعه الي فوق الجبل ..





بصراااااااحه الجوووو كاااان فضيييييع (حر ) بس كانت مغامرة ولا اروع



وصعدنا فووووووووووووووق (بصراحه تعبت من الحر وكل شوي اخذ بريك واقعد الين ماا ملوا الجماااعة مني)



وبعد فووووووووق

ومن زوووود التعب امرتهم انهم يوقفون التصوير لاني هلكت من التعب انا وربيعتي وقررنا انروح المنار نتغدا



وعلى الساعه 4 العصر كملنا رحلة التصوير في راك

ومرينا على برج يجنن في الرمس



وعقبها مرينا على بيت مهجور وقديم

ونحن امروحين مرينا على البحر وشفت منظر عجبني وااااااااااااااايد





وللاسف وانتهت رحلتنا بسرعه على الساعه 6 المغرب ردينا دبي ... ونحن نتمنى ان انكرر تجربتنا مرة ثانية..


وان شاءالله تعجبكم الصور ورحلتنا الحلووووه

[ملك بدون مملكه]

ماشاء الله ,,,

نورتو البلاد ,,,,, ان شاء الله تتكرر هالرحله والزيارات

الجميل انه بلادنا تركت انطباع جيد


يا اهلا وسهلا فيكم دائما ,,,,شكرا على الصور والتقرير الجميل

[زهرة التوليب]

تسلم يا اخوي على مرورك وعلى ردك لموضوعي..

وبصراحه صيفنا حار بس والله الصيف في بلادنا رووووعه واتجنن

وعندنا اماكن واااااايد حلووووه

[العتيبي]

شي جميل و الله ..

و أن شاء الله تتكرر الزيارة .. و صور جميله و ذكريات حلوه بتبقي في ذاكرتكم

العتيبي

[ملاك المشاعر@]

ماشاء الله عليج يازهرة التوليب
ربي لاهانج ع الصور الغاويه ربي يحفظج وكل يوووم تعالي
مودتي لك

[alrams]

تغطيه جميله .. ان شاء الله تكون لكم زياره يديده وتصوروا اكثر

والسموحه صغرت الصور

[جروح]

حياااكم مره ثاانيه

بس انصحج تيووون فاالاشتا اخير لان الجو وايد وايد حلوو يكون ودج ماتظهرين من راس الخيمه

[الذهبيـہ]

تصوييييييييير رااااااااائع

وان شاءالله بعد اتيوون اتزوروون رااااااااااااااااااااااااك مره ثاانية ^_^



وشكـــــــــــــــرا ع الصــــــور

[سفير جلفار]

منورين راس الخيمة ^^

الصور حلوة والزوايا عجيييييبة يا فنااانة

تسلمين أختي زهرة التوليب ع الطرح الفنتك

ودوووم زورونا

[زهرة التوليب]

تسلمون يالغلا على مرورك وردودكم الغاااااويه
alrams ثاااانكس لانك صغرت لي الصور حااااولت اصغرهم ما قدرت.. وتسلم ايديك الموضوع صار احلى وارتب عن قبل
وربي لا يحرمني من وجودكم ..

وان شاءالله انكون موجودين في الشتاء بس بصراحه اخاف وااااااااايد من المطر واخاف على كاميرتي ومعداتي (دافعه عليهم دم قلبي)..