حلج السمكة

[حرم علي]

اليوم يبت لكم شي غريب .. مادري كيف طلعت هالاسم !!!
تعايزت اكمل الدونات ,, ومن نفس العجينة , اخترعت هالاكله

المقادير

نفس مقادير الدونات ( موجود في الصورة ))

الطريقة

نفرد العجينة عالنشاب , ونقطعها دوائر , ( لا تقطعينها في الوسط )
اقليها في زيت غزير ,,, وحطيها على ورق نشاف

اخذي قطعة وقصي طرفها بالسكين . بس شوي عسب تحشينها

مقادير الحشو اختياري ( موجود في الصورة )

قشطة . لبنه , جبن بالفلفل الحار . بيض . خيار , طماط , زعتر
مخلل خيار . مايونيز بالفلفل . زيتون . او احشيها بالدياي

وهذا شكلها النهائي

جربوها وبيتعيبكم

[نبض انسان]

امبين عليها الاكله طيبه وااااااايد...
تسلم ايدج اختي بارك الله فيج..

[فديت غرووري]

يوعتيني ....


تسلم يمنااااج شكهاا لذيذ

[عاشق الطقس]

الصراحه شكله اشهي ولزيز اوي

بس انا ما اقتنع بسرعه لازم آكل منه اول وبعدين بخبركم

يم يم يم

طرشيه بالبريد الممتاز

يسلموووووووووووو وينتظار الز الطبخات يا شيفه من الدرجه الاولى

[حرم علي]

الصراحه شكله اشهي ولزيز اوي

بس انا ما اقتنع بسرعه لازم آكل منه اول وبعدين بخبركم

يم يم يم

طرشيه بالبريد الممتاز

يسلموووووووووووو وينتظار الز الطبخات يا شيفه من الدرجه الاولى

من مطبخي , لين البريد الممتاز .. لين يوصلك , الله اعلم في اي امارة
الا الطبخة عفنت , وقطنت , واتغير طعمها
وعقب بتتنقد فيني و بتقول طباخي مب شي

[ابو نهيان]

شو هالاكله قاااصين عليناااا
ويااالسين اتألفوااا عليناااا
الله يعينااااااا شكلهاااا
طبخه هنديه خخخخخخخ

[بنتـ DxB]

تسلمين حبيبتي حرم علي ع الوصفه ..
امم أنا أسوي نفسها بس نفس عجينه الفصاير و احطهن في الفرن و أحشيهن بالدياي ..
لاكن ولا مره جربت اقليهن ... ان شآء الله المره اليايه أجربها ..

[حرم علي]

بو نهيان ... جربها وعقب انتقدها

[الكابتن]

بو نهيان ... جربها وعقب انتقدها

ما انصحك يا بو نهيان ... بيطيح ببطنك ترا

[حرم علي]

ما انصحك يا بو نهيان ... بيطيح ببطنك ترا

هههههه ... ماعليك منه , جربها وايد حلوة
هو مايقدر يجربها , فيها دهون , وما يبا يشرب الزنجبيل