رول الدجاج بالخبز الايراني

[حرم علي]

بعد اتعايزت اصور لكم المقادير , مادري ليش انسى
مب مهم ,, المهم الخطوات و الطريقة


المقادير

دجاج _ ملح _ ملعقة صغيرة فلفل اسود مطحون _ 4 بصل جوانح _ ملعقة صغيرة كركم _ كيس خبز ايراني _ ملعقة صغيرة سماق _ عودين جرفة


الطريقة


قطعي الدياي , واغسليه زين





فوري في الجدر ماي حار وحطي ملعقة صغيرة كركم , وحبات فلفل اسود وجرفة





حطي الدياي في الجدر , وخليه يستوي





قطعي الخبز الا يراني مثلثات







نتفي الدياي واتركيه على جنب





شيطي البصل لين يذبل





حطي الدياي والملح والسماق والفلفل الاسود عالبصل وقلبيهم زين








هاتي قطعة الخبز , وبلليها بماي الدجاج , بس شوي ( لا اتغرقينها )
, وحطي حشوة الدياي في الوسط , واثني الاطراف ولفيها ..





حطيهم في صينية الفرن ورشي عليهم سماق , ودخليها الفرن لمدة 5 دقايق بس





طلعيها من الفرن وخليها تبرد شوي




هذا شكلها النهائي






وبالعافيه عليكم

[نبض انسان]

تسلم ايدج أختي
ان شاء الله راح اجرب طريقتج فديتج.. انا أحب السماق لانه حامض ..

[فديت غرووري]

ربي يعاااااافيييج وتسلم يمنااااااج

على الاكل الحلووووو ...

ونتريااا الزوووود منج ....

[ابو نهيان]

يم يم ايدج اختي حرم علي
مووو مثل اختي نبض انساان
مااا تعرف شي خخخخخخخخخخخ

[حرم علي]

يم يم ايدج اختي حرم علي
مووو مثل اختي نبض انساان
مااا تعرف شي خخخخخخخخخخخ

الحين بتتولاك .. اتحمل اللي بييك

[نبض انسان]

يم يم ايدج اختي حرم علي
مووو مثل اختي نبض انساان
مااا تعرف شي خخخخخخخخخخخ

فص اعيونك اقول شو دراك عن اطباخى انا ها ..
الحمد لله حرمه بيت انا بروحتى اتعلمت الطبخ من كنت اصغيره ماحد علمنى .. وعلى فكره اسوى براتا ازقرتى بعدخخخ..

[حرم علي]

فص اعيونك اقول شو دراك عن اطباخى انا ها ..
الحمد لله حرمه بيت انا بروحتى اتعلمت الطبخ من كنت اصغيره ماحد علمنى .. وعلى فكره اسوى براتا ازقرتى بعدخخخ..

وحليله يسولف , ماقال شي , كليتيه بقشورة .... صدق انج ماخذه طبع بنات سيدات الامارات
المهم حبوبه ,, ابغي طريقة البراتا ,, ملينا من الصمون , والخمير , والرقاق ما اضبطة

[نبض انسان]

وحليله يسولف , ماقال شي , كليتيه بقشورة .... صدق انج ماخذه طبع بنات سيدات الامارات
المهم حبوبه ,, ابغي طريقة البراتا ,, ملينا من الصمون , والخمير , والرقاق ما اضبطة

لا ادرى ماكان يقصد شي بس بروحى ارد عيه جدا مال اخبال ..
ان شاء الله بعطيج الطريقه او يمكن احطها لكم ..

[الكابتن]

ما يدهنون الخبز بالبيض قبل ما يدخل الفرن؟

[حرم علي]

ما يدهنون الخبز بالبيض قبل ما يدخل الفرن؟

بيض ودياي !!! وين يالسين ؟؟
لا مايحطون ... شفتني حطيت بيض ؟؟؟
جربها ما اتمتن , وعقبها كاس زنجبيل