خبز بالدبس

[حرم علي]

اليوم سويت خبز وعجنتة بالدبس
طبعا الطريقة غريبة بس اطلعت نفس الخمير


المقادير


3 كاسات طحين _ كوب دبس التمر _ قوطي حليب رينبو _ ذرة ملح _ ملعقة خميرة _ 3 ملاعق سمن عربي

للوجه __ بيضة مخفوقة بحليب _ سمسم






الطريقة

اخلطي كل المقادير مع بعض واعجنيها بماي دافي ( صورة العجينة )






صورة العجينة بعد ما اختمرت






حطي قطعة صغيرة من العجينة عالنشاب وافرديها






خلصت فرد العجين






حطي بيض وسمسم عالعجينة






سخني الجهاز







حطي العجينة فوق الجهاز . بس ثواني وبسرعه شليها







افتحي الجهاز وحطي العجينة داخل الجدر






سكري الجهاز







كل شوي جيكي عالخبزة عن تحترق






شكلها النهائي

[نبض انسان]

ماشاء الله على الخبز الراهى هب شراتى ههه..ماعندى ها الجهاز مول

[ابو نهيان]

[quote=نبض انسان;1059491751]ماشاء الله على الخبر الراهى هب شراتى ههه..ماعندى ها الجهاز مول [quote]

الاعتراف بالحق فضيله اختي نبض انسااان
احسن لج اشتري مكينه خلاط الاسمنت
يمكن تضبط ويااااج خخخخخخخخ

[نبض انسان]

[QUOTE=ابو نهيان;1059491819][quote=نبض انسان;1059491751]ماشاء الله على الخبر الراهى هب شراتى ههه..ماعندى ها الجهاز مول

الاعتراف بالحق فضيله اختي نبض انسااان
احسن لج اشتري مكينه خلاط الاسمنت
يمكن تضبط ويااااج خخخخخخخخ

خخخخخخخخخخخ
ماتخيل يا ها الراس..
انا ماراح انكر انا ما احب وايد سوالف العجين اكثر شي انا بالحلويات والعيش والمكرونيات شوف كل شي بالجمع ..

[حرم علي]

[quote=نبض انسان;1059491824][quote=ابو نهيان;1059491819]

ماشاء الله على الخبر الراهى هب شراتى ههه..ماعندى ها الجهاز مول

خخخخخخخخخخخ
ماتخيل يا ها الراس..
انا ماراح انكر انا ما احب وايد سوالف العجين اكثر شي انا بالحلويات والعيش والمكرونيات شوف كل شي بالجمع ..

تدرين اني ماخذه هالجدر من مول سيدات الامارات ,, اشتريته من سنه
وأول مره استخدمة اليوم , قلت بجربه , بعد ما خلصت كم خبزه ,, وباقي 4
انفجر في ويهي , وطلع شرار , زين ما احترقت واحترقت الشقة
ربج حفظني وستر

[نبض انسان]

[QUOTE=حرم علي;1059491960][quote=نبض انسان;1059491824]

تدرين اني ماخذه هالجدر من مول سيدات الامارات ,, اشتريته من سنه
وأول مره استخدمة اليوم , قلت بجربه , بعد ما خلصت كم خبزه ,, وباقي 4
انفجر في ويهي , وطلع شرار , زين ما احترقت واحترقت الشقة
ربج حفظني وستر

بسم الله الحمد لله على سلامتج والله ..
خلاص لا تشترى شي منهم ..
دكان الايرانيه مكود عندهم أعتقد..

[ابو نهيان]

كل يوووووم تبدعين ماااا شااااء الله
عليج بس لا تنسينااااااا طرشي ليناااا

[حرم علي]

ههههه , بو نهيان ضحكتني ,, خلاط اسمنت مره وحده , هههه
هههههه مب قادره اسكت عسب اكتب ههههه خس الله ابليسك
ويا هالتعليق ,, وحليلها اختي نبض انسان ما ارضى عليها

[9amt el8alb]

الله حفظج اختيه حرم علي
ما شاء الله عليج شيفه فنانه
و انا بعد ما احب العجاين
حدي الحلويات و السوالف الخفيفه و المقبلات

و شي فنانه فيه ،، المحاشي بانواعها .. اما العجاين موليه تخصص الوالده

شد انتباهي حناج .. الحبيبه متحنيه !!

[حرم علي]

الله حفظج اختيه حرم علي


شد انتباهي حناج .. الحبيبه متحنيه !!

أغار إذا شفت إيدي مافيها حنا ,, اتقولين كأنها إيد ريال
خل اتحنى شو وراي ؟ الحنا زينة المرأة