غدانا اليوم عيش بالرمان وسمك مشواي
المقادير
جيلة عيش _ ملح _ كركم _ بقدونس مفروم _ 3 بصل كبار مفروم _ رمان ايراني مجفف
بهارات عربية _ سمك _ زيت
الطريقة
اغسلي العيش زين , وخليه منقوع في ماي ملح لمدة 10 دقايق
فوري العيش وحطي ملعقة كبيرة ملح وبعد ما ينضى اشخليه
افرمي بصل وشيطيه في جدر العيش وحطي شوي زيت
حطي ذرة ملح وكركم
حطي الرمان وقلبيه مع البصل وخليه يذبل
حطي البقدونس عالبصل والرمان
حطي العيش المشخول فوق اللشياط
غطي البصل بالعيش وسكري عليه , وخليه على نار هااادية جدا
اغسلي السمكة زين ونظفيها ,, وادحقيها من الملح والليمون , وخليها 10 دقايق
ردي اغسلي السمكة عن الملح ,, وحطي ملح مره ثانية وبهارات عربيه
حطي السمكة في صينية الفرن وحطي تحتها قصدير مدهون بشوي زيت عسب ما تلصق
خلصنا الغدا
وبالعافيه عليكم
رد مع اقتباس
المشاركة الأصلية كتبت بواسطة بنتـ dxb
