عيش صيني بالدياي والخضروات
المقادير
دياي _ جيلة عيش _ حزمة بصل اخضر مفروم _ كيس خضروات مشكلة _ ملفوف
علبة كبيرة فطر _ 4 بيضات _ ملح _ فلفل اسود _ صويا صوص _ ( ربيان حسب الرغبة )
الطريقة
قطعي الدياي وفوريه (وحطي شوي كركم , جرفة )
فوري الفطر
اقلي البيض _ وحركيه عسب يتفتفت
اغسلي العيش , وفوريه , وحطي ملعقة ملح
اشخلي العيش ... واتركيه على جنب
نتفي الدياي ,, وحطيه في الجدر مع شوي زيت
حطي هالمكونات في الجدر ( الملفوف _ الفطر _ البيض _ البصل _ الخضروات _ ماجي )
واخلطيهم مع بعض , وغطي الجدر , وخفي عالنار
هذي المكونات بعد ما خلطتهم
حطي العيش فوق المكونات اللي خلطيها ,,, واخليهم زين
وحطي ملعقة طعام صلصة الصويا صوص
هذا شكل العيش الصيني
بالعافية عليكم
رد مع اقتباس
المشاركة الأصلية كتبت بواسطة عذبه الشحوح
