مجموعه اطبااااق
السلام عليكم ورحمه الله و بركاته
مجموعه اطباق
مجموعه اطباق متنوعه ..
عجبتني حيل .. فحبيتكم تشوفونها ..
إن شاء الله تعجبكم ..
برياني باللحم
المقادير :
( للكيلو الواحد )
1 كيلو لحم بدون عظم
علبة زبادي
فصين ثوم
زيت
بصل + ملعقتين صلصه
ملعقة بابريكا ( فلفل احمر مطحون )
ليمون اسود
فلفل حار
دارسين
هيل
الطريقه :
نحمر البصل مع الزيت في قدر ضغط ونحط اللحم وباقي المقادير لمده نص ساعه تقريبا على نار صغيره
نسلق الرز مع زيت وفلفل نص سلق ( يعني مانتركه يستوي)
بعد كذا نجيب قدر ونحط فيه خلطه اللحم وفوقها بصل محمر وبقدونس ونعناع ونضيف الرز ( نسوي اكثر من طبقه بنفس الطريقه لما يخلص المقدار )
نتركهم على نار هاديه وبعد كذا نضيف موية ورد مع زعفران ( تنقع قبل فتره ) ونصبها على الوجه ونتركهم يطبخون على نار هاديه لما يستوون
ونقلبها بصحن التقديم وتتزين بالليمون وممكن بالمكسرات او الرمان المجفف
وصحتين على قلوبكم
( المقدار اللي بالصوره تقريبا 3 كيلو )
~
جريش
المقادير والطريقه :
كاس جريش نغسله مرتين
نحط بقدر كاسين مويه وكاسين لبن ونضيف لهم ملح خشن
نحمس بصل مع زبده ونضيف كمون بعد مايذوب البصل
نضيف البصل للقدر اللي فيه اللبن ونحط عليه الجريش ونتركه على نار هاديه ونضيف له فلفل حار ونتركه على النار من ساعتين ونص الى 3 ساعات
نحط على الوجه زبده وفلفل اسود وممكن كشنه
( نستخدم له قدر الجريش ونبعده عن النار بقطعة بلاط عشان مايحترق )
وصحتين على قلوبكم
~
محشي كوسا
المقادير :
ربع كيلو لحم مفروم
كاس رز
ملح
فلفل
ثوم
بقدونس
كزبره
دبس رمان
طماط
ماجي
بهارات
الطريقه :
نفرغ الكوسه
نخلط الاشياء اللي فوق كلها مع بعض بدون الطماط والماجي والبهارات
نصفهم بصينيه بايركس ، نقطع بطاطس لشرايح ونحطه معهم ونصب عليهم الطماط بعد مانطحنه ونضيف له الماجي والبهارات والفلفل
نغطيه بقصدير وندخله بالفرن لما يستوي ونحط على الوجه بقدونس مقطع ونعناع
وصحتين على قلوبكم
~
سلطه
المقادير والطريقه :
خس وفلفل بارد وجبن ( اللي مثل الشيدر بس ابيض ) وزعتر
نقطعهم زي مانحب ونضيف لهم صوص عباره عن زبادي وليمون وشوي ثوم وفلفل اسود
وصحتين على قلوبكم
~
سلطه ثانيه
المقادير :
كل شي عندكم بالثلاجه حطوه [ اختياري ع حسب ذوقكم ] ..
والصوص عباره عن زيت زيتون وملح وليمون وفلفل اسود
وصحتين على قلوبكم
~
قوالب الدجاج
نتبل الدجاج بـ ( ملح ، فلفل اسود ، ثوم ، ليمون ، خل )
نحمر الدجاج على النار ونضيف له بهارات
نكون سالقين بازلا ونضيفها للدجاج
نقطع فلفل بارد ونضيفه لهم
نصف شرايح البف باستري بصينيه الكب كيك ( الحجم الكبير )
نحشيها بالخلطه ونضيف للوجه جبن شرايح وزعتر
ندخلها الفرن لما تستوي
وصحتين على قلوبكم
~
كريم كراميل
المقادير :
5 بيضات
كاسين حليب سايل ( 3 ملاعق حليب بودره لكل كاس )
3 فناجيل سكر
برش ليمون
ملعقة فانيلا
الطريقة :
نذوب فنجالين سكر على النار لما يصير لونها غامق ونصب الكراميل في صينيه الكريم كراميل
نخلط المقادير اللي فوق بـ زبديه ونحركها كويس وبعدين نضيفها فوق الكراميل
ندخلها الفرن لما تتماسك
وبعد كذا نتركها ( تنحط بحمام مويه بارد ) وتدخل الفريزر وتقلب عند التقديم
تزين بالويبينق كريم
اللي بالوسط كريم كراميل المراعي
وصحتين على قلوبكم
~
أم علي
المقادير :
6 شرايح بف باستري
3 كاسات حليب ساخن
3 فناجيل سكر او احسب الرغبه
نص ملعقه فانيلا
نص غطا علبة موية الزهر ( يعني الغطا ينحط في نصه مويه زهر
نص ملعقة قرفه
مكسرات وجوز هند حسب الرغبه
الطريقه :
نحمر البف باستري لما تنتفش
نضيف للحليب القرفه والسكر والفانيلا
نصف البف باستري بصينيه بايركس ونحط عليها مكسرات
نسقيها بالحليب
ونغطي وجهها بالقشطه
وندخلها الفرن لما تتحمر
وبالعافيه على قلوبكم ..
رد مع اقتباس
المشاركة الأصلية كتبت بواسطة نبض انسان
