ممكن تحللين شخصية اختج غزلان ^^
السلام عليكم والرحمه
أشحالج اختيه واخبارج
اممممممم حبيت انزل موضوع عني
عسب تحللين شخصيتي
*
1/ من انت ؟ صف لي نفسك ؟
انا من صفاتي اني كيوت حيييل طفوليه حساسه واحب الكشخه و البرستيج و الموضه و الرقه احب الناس احب أحلل شخصيات ربعي عسب اعرف كل شي فيهم يضايجهم ويفرحهم واجتماعيةحيل اتعامل باسلوب راقي وانا مزاجيه حيل واحب الوناسه والشقاوه والمغامرات و أساعد كل شخص يحتاجني وما ارد حده أبدا حتي لو كان فيه عذاب لي واحب التميز بحياتي و ان اكون شي مهم بحيات كل شخص و اطور من حال الاشخاص والمجتمع وطموحه حيل وخجوله وكتومه بدرجه غير معقوله ما حد يميز بين الحزن والفرح فيني امممممم اي موقف سلبي بحياتي ياثر فيني لاكن بعدها استرد قوتي وأصير اقوى من اول والثقه بالناس عندي معدومه**اكره شي عندي الكذب والخيانه والخداع والظلم .
*
2/ ماهي هواياتك ؟ وعلى ماذا تطرب وتسترخي ؟
من هواياتي والي اعشقها التصويرالفوتوغرافي وتجسيد الشخصيات بعدستي الشخصيه واحب الانشاد والرسم احب اكتب قصايد والتصميم *
الي احب اسمعه ؟ كل يديد بس الي احسه اني اميل اكثر شي للاغاني الي فيها دق قوي وربشه مثل اغنية شعلومه
*
3/ هدفك في الحياة ؟
أهدافي مرتبه واطمح في تحقيقهاع مرور الايام*
4/ هل لديك الثقة الكافيه بنفسك وبقدراتك ؟ ام انك لديك بعض من التردد في اختيار امورك القرارية ؟
لا احيانا أتردد لاني مابي اغلط غلط واحد بحياتي وياثر علي*
5/ جريء / ام حيوي ؟
ع حسب المواقف بس الاكثر حيويه*
6/ كيف هو النظام في حياتك ؟ هل تجد نفسك انسان منظم ودقيق وتحب الترتيب ؟ ام انك*
انا منظمه بكل شي احب الترتيب بحياتي بس مب مرتبه بشي واحد ( وقت الدراسه ووق اللعب يعني العب اكثر من اذاكر ) وبس
*
7/ كيف ينظر اليك من حولك ؟
اني وايد خجوله ودلوعه وطيوبه والشي الي يزعجني انهم يعتبروني ( يااااهل ) و اممممم طيوبه حنونه احصل اعجاب بشخصيتي وايد وبعد شي مميز يحب اكثر الناس ان يكتشفه واكثر الاشخاص الي يمرون بحياتي يحاولون التقرب مني بسبب غموضي بكل شي و بعد اني وايد كتومه وأمممممم راعية ثقه فيني برود في بعض المواقف **
8/ الامر الذي يؤلمك اكثر في الحياة والذي يفرحك ؟
الي يالمني ؟ ان في احلام عندي يكون بيني وينها حاجز ما اقدر اكسره
ويالمني حال الناس هاي الايام وأي شي يضايج اي انسان بحياتي
يالمني اي شي كنت اعتبره شي وهو ولاشي وبعد انخداعي باشخاص وايد
وقلت ثقتي بالناس مثل ما يقولون ( ماتو الطيبين هع )*
الي يفرحني ؟*
اي شي اسويه يكون فيه سعاده لشخص ما*
يفرحني اني اكملت نص طموحاتي
يفرحني فرح كل شخص بالدنيا
يفرحني اي شي يستوي وياي يكون له بسمه وسعاده لي
واتمنى منج اختيه امرأه لا تنسي
انج تحللين شخصيتي*
وربي يعيطج العافيه
اختج :غزلان (:
** * * *
رد مع اقتباس
