طريقه عمل لحم بالفرن
طريقه عمل لحم محمر بالفرن بالصور
طبق لذيذ وسهل
لحم مغسول ومنظف
نسوي فيها شقوق
نجهز التتبيلة المكونة من
ملح - فلفل اسود - لومي اسود بودرة - كمون - ثوم بودرة - زنجبيل بوردة - كركم -بزار
نضيف عليه زيت الزيتون وعصير الليمون وملعقة طعام معجون طماط
ونتبل فيه اللحم والخضار
الخضار اللي حطيتها بطاطا وجزر وبصل وفلفل اخضر وثوم وحبتين طماط بس صورت الصينية قبل لا احط الطماط
المهم اني حطيت الطماط على عدالهم بدون ما اقطعهم
هنيه رشيت اوريغانو ورشة حبق
ونسكر الصينية بالقصدير
ونحطها بالفرن درجة الحرارة 200 لمدة ساعتين
اخر شي نشل القصدير ونولع من فوق بس حتى يتحمر
ويقدم مع الخبز او الرز والسلطة طبعا
انا قدمته مع الخبز
طريقة الخبز
كوبين طحين
ملعقة صغيرة خميرة فورية
ملعقة صغيرة ملح
ملعقة طعام سكر
اربع ملاعق طعام زيت
ماي دافي حسب العجن
نعجنها ونخليها ترتاح لمدة ساعة ويتضاعف حجمها وبعدين نفردها على سطح مرشوش بالطحين ونخبزها في فرن حار
مكونات السلطة
خس
جزر مبشور
خبز محمص
ملح وفلفل اسود
زيت زيتون وليمون
عين الجمل
وصوص السلطة
رد مع اقتباس
المشاركة الأصلية كتبت بواسطة المروي 1
رد: طريقه عمل لحم بالفرن
