يا عين وين اللـي تودّيـن ياعيـن
ودّي اشوفـه اليـوم قبـل المماتـي
مااسمعت صوته صار لي حول سنتين
خلّيـه ياخـذ بالعـجـل تعزيـاتـي
مسكين قلـبٍ يشتكـي ليعـة البيـن
معلول حاله فـي هـوى الغانياتـي
نذرٍ علي وان كان وعد المحب ديـن
مااتوب عنّه من سكـن ركـن ذاتـي
ياعين فدوة نرتجـي كامـل الزيـن
الصاحب المعشوق عـذب الصفاتـي
عمري مضـى ويّـاه بالكـاد ثلثيـن
وشلـون ياربعـي مضـن سالفاتـي
ياعين لو بالهـمّ والحـظ ترضيـن
حتى البخت ماطاع يرضى بسواتـي
ترمينـي العـذّال بالهمـز والشيـن
فوق الجـروح السـت والمشكلاتـي
لـولا مـلام الأهـل مامـرّ عيديـن
دون الـذي نهـواه واقهـر عداتـي
وآخذ وليفي واترك النـاس صنفيـن
تضرب نعت بالعشق واغنـم حياتـي
اللـي بغانـي مابغينـاه بوحسيـن
واللـي بغيتـه راح ماظـنّ يـاتـي
يانفحة الناسم علـى خيـر تجزيـن
ودّي سلام الشـوق لغلـى البناتـي
وين الهوى وين العمر والصبا ويـن
وطـر المـودّة ويـن والماضياتـي
ياعين وش باقي من الدمـع ياعيـن
دمـعٍ تنثـر سـال فـوق اوجناتـي
للشاعر ناصر البكر الزعابي _2012
رد مع اقتباس
