السلام عليكم ورحمة الله وبركاته
شكرا طبعا لزيارتك لموضوعي المتواضع واتمنى انك ما تمر مرور الكرام وتتكرم بالمشاركة حتى لو بقراض
هاك اليوم طال عمركم قبل اربع شهور تقريبا رحت لسيراميك راك ويا بعض الشباب يبون يشترون وجيه وطبعا ما كنت مجهز نفسي لاني تفاجات برغبتهم بالذهاب الى هالمكان وما كنت شال كاميرتي ويايه فصورت لكم من الفون وطبعا الصور مب هاك الزود بس الجود بالموجود يقولكم وطبعا فضت البطارية وصارت سالفة خلوها على الله بس وطبعا من يومها وانا ابا انزل الصور بس عيازة ههههه
اخليكم ويا الصور
هنيه طبعا اول ما وصلنا ونزلنا من السيارة وبدين نخطي صوب المبنى
وجفت لكم هناك منظر عند البوابة حصى فيها نافورة صغيرة وتحتها سمج زينة
وعقبها دخلنا وجفت لافتة لمواعيد العمل للي يبا يزور يعني يجيك قبل لا يسير
ودخلنا طال عمركم عقبها لفت انتباهي هالمنظر
ودشينا وجان اشوف لكم حنفيات وما حنفيات وبوف بصورة على طول ماشي وقت
وعقبها كملنا ع داخل قسم الحمامات ومطتلباته
وهنيه مسابح
وهنيه مغاسل يد ووجه
وهنيه قلت اخلني اجرب اصور عمري سامت اوني خخخخخخ
وهنيه مطابخ بس ما صورت وايد
وهذي هدية لكل من دش وشارك بالموضوع
كرفاية بس شو مريحة يا جماعة انسدحت ما بغيت انش
هنيه قسم السيراميك الارضي واليدران
خاويكم يحب يتفنن فسويت هالشكل ( مال أول خخخخخخخخ )
المكان كله حركة
وعقبها دشينا مكان احتياجات المطبخ وادواته
لكن يا هو حظ طلع هالمكان استراحة الموظفين لليم يم
وعقبها طلعنا من هالمكان وجفنا كاتالوج للمعروضات
وطلعا جفت هالزهور واحطها هنيه عشان تعطر الموضوع وتنعشكم بس لا تدمنو عليها خخخخخ
متفرقات من البوابة ( هيه بوابة وهي بعد طلعة )
وعقبها طلعنا وخذيت صورة للمبنى مرة ثانية وانا ما ابا اطلع لاسباب خخخخ
واشكر هنيه الاخت اللي كانت ويانا وتعرفنا على المكان والمعروضات صح طلعنا لها قرون بس شو نسوي بس فرحناها اشتروا الجماعة عقب فترة بسيطة
اتمنى يعيبكم الموضوع
وشاكر الغالي لو بشي بسيط
ارحب بالانتقاد البناء
وشكرا
Just_me
خيماوي_2000
رد مع اقتباس
المشاركة الأصلية كتبت بواسطة maryam.m
