أتصالات و للنصب دلالات.....

[! » |لشـפــيـﮱ « !]

السلام عليكم و الرحمه

حبيت أنقل لكم موضووووع هو مب موضووع واحد الصراحه مواضيع وايده بعد بس مب من ها المنتدى من منتدى ثاني و كاتب الموضووع هو عالي مستواه بس عشاان المصداقيه


الموضووع ها بصارحه حبيت أجمع لكم كل شي و كل واحد و اللي سوته أتصااالات ويااه


بس عشااان تنتبهووووووووووووووووووووووووووووووووووووووووووون

شيكوا على فواتيركم قبل لا تدفعون... اتصالات تنهبنا للشهر الثاني على التوالي وبعد في شهر رمضان خافوا ربكم

الى متى ياأتصالات هذا الاستغلال من غير وجه حق

حيث تفاجئة اليوم ان فاتورة الشامل زادت 214 درهم غير الايجار الشهري للانترنت الشامل

حيث ان ايجاري الشهري 249 درهم لخدمة الشامل 1 ميجابايت، وانصدمت للشهر الثاني على التوالي حيث ان الفاتوره لهذه الشهر الواحد وصلت 463 اي زادت على فاتورتي بمقدار 214 درهم من اين اتت لا ادري

اتصلت بخدمة العملاء على 101 حيث رد على موظف في الخدمة ان خلل بالخدمة وان خلل زيادة الفواتير يعاني منه كثير من الناس وللشهر الثاني على التوالي ، وقال لي بالحرف الواحد عليه ان ادفع اكثر عن ايجاري الشهري وان لم ادفع خلال يوم او يومين ينقطع عني النت والسبب الزيادة على ايجاري الشهري من غير وجه حق

للعلم ان العضوه " روح زايد " كتبت موضوع الشهر السابق عن هذه المشكلة والان نفس المشكله في هذا الشهر تحصل

ها أول تجربه أوكي

والله ان شر البلية ما يضحك !!

بقوللكم سالفتيه الفريش اللي استوت اليوم !!!

فاتورة تلفوني مشيكة عليها قبل لا هم يطرشون مسج ...

كانت 2400 و خردة

المهم طرشولي مسج قبل بداية هالشهر بيومين تقريبا قالوا عليج 3088 درهم !!!!!!

انا قلت جايز .. لان عندي وايد من هليه برا البلاد خص في المانيا و بريطانيا و انا زودت الاتصالات حبتين ....

دفعت لهم امس 3100 درهم

شيكت عقبها و طلع لي عندهم 10 دراهم حلو ؟؟

حطيت راسي و رقدت و يوم نشيت الظهر مادري شو خلا موضوع روح زايد يطري عليّه ... جان ادق #142*

كم تتوقعون طلع عليه التلفون ؟؟

1035 درهم !!!!

مــــــــــــــن ويــــــــــــــــــــن ؟؟

اتكلم وانا راقدة مثلا ؟؟؟؟؟؟؟؟؟؟؟؟؟؟

اتصلت بهم لعنت خيّر خيّر خيّرهم .... قالوا والله خلل بالسستم !!!

قلت له شو يعني خلل في السستم ؟؟ فهمني انا ما افهم .... يعني دايما الخلل اللي في السستم يعطي فوق قيمة الفاتورة ؟؟ ما كد استوى اقل ؟؟

قال والله راجعي المبيعات ...

قلت له شو يخص المبيعات ؟؟

قال اختي في خلل في السستم و راجعي المبيعات 0_ه

سكرت في ويهه و رديت اتصل لاني ادري واحد ثاني بيرد ههههههههههه

المهم يوم رد الشخص الثاني جان اقولله اخوي عندي سؤال ...

الحين انا رقمي فاتورة اوكي ؟؟ انا انسانة ما افهم شي و اريد اعرف تلفوني كم عليه بالضبط ... انت كموظف في خدمة العملاء بشو تنصحني ؟؟ من اسأل؟ او وين اسأل ؟؟

قال اختي اتصلي 142 او 143 هم بيعطونج اخر مبلغ عليج لين قبل ساعة

قلت له و هالسستم مال 142 مافي مجال يعطيني فاتورة غلط ؟؟

قال لالا اختي شو مافي مجال << حسيت بعمري اطالع حلقة من باب الحارة (افهموا عاد)

المهم قلت له عيل اسمع السالفة (و عدت الموال اللي قلته لربيعه اللي رقعت التلفون في ويهه)

ممكن تشيّك من عندك ؟؟

قال إي تكرمي .. لحظة شوي

------ < فترة هدوء

جان يقول إي مزبوط 1035 .. و مبين فعلا انك امس دافعة ..

اختي ممكن تراجعي الفرع ؟

قلت له ولا براجع فرع و غصن ... انتوا اساسا ما تحترمون عملاؤكم .. وانا ادري ان المكالمة مسجلة بس ياريت توصلها لاي مسؤول عندكم لانها امانة في رقبتك انته .. عيب عليهم اللي يسوونه

قال طوّلي بالك اختي .. ممكن تتنظري شوي؟ شكرا

جان يتم ساكت شوي و يقول اختي لحظة شوي ...

طق طق شوي على الكيبورد وانا اسمع .. جان يقول لا اختي بنعتذر الظاهر في خلل بالسستم تلفونج عليه 280 !!

قلت له كيف 280 و السيستم كان يقول 1035 ؟؟؟ فهمني

قال شيكي الحين

قلت له اخوي انا فوق عشر مرات مشيكة لين اتصلت فيك وانا اشيك !!!

جان يصرّ عليّه الا اجرب وانا عنده على الخط

*
1
4
2
#
ارسال

و المفاجأة !!

280.44 درهم !!

طبعا آخر خانتين فلوس !!

يعني 280 درهم !!!!!!!!!!!!!!!!!!!

سبحان الله بقدرة قادر طلع لي المبلغ الصحيح !!!

سكرت عنه و قلت بسير اشوف كم على الشامل اللي مفروض ما يزيد عن 450 !!

طلع الحمدلله مب زايدين عليه ولا درهم ... بس المشكلة الكونكشن مستوي مال 2 ميغا سرعة الداونلود من بدا رمضان و هي شبه ميتة !!!

على كثر ما كنت امدح اتصالات .. و لكن للاسف .... و اقولها بكل صراحة .................

سرقة علنية ... دعم فني من سيء لاسوأ .... خدمات متخلفة و المشكلة بعدهم يشوفون عمارهم فوق الجميع لانهم ما يقارنون نفسهم الا بـ دو !!

لو يشوفون زين ... فودافون ... كيوتل (اللي العالم مستهينين فيها) اعتقد بيعيدون حساباتهم !!

لكن اذا هذا حاكم مادري شيسمونه من بتحاكم ؟؟؟

و هاي الثانيه

انا ما اعرف شو السالفة ،،

قبل 3 ايام دخلت رصي د 25،، و رمست ،، و رضعت رضاع من الفون ،، توني اجيك 23 ،،

اتصالات طيبين ويايه ،،

أقسم بالله و انا صايم بعد و الله أتسوت لربيعي كاان رصيده شي و 30 و الله تم يرمس 1 كااااامل و لا تقص ولا ربيه وحده

شو هاي الشركه بكبرها خربااانه

عيل سالفتنا امس شيكنا وكانت الفاتورة 400 درهم هذا الصبح

وفي الليل شيكنا استون 1000 درهم وكيف ولي ومن وين ماعرف واليوم شيكنا استون 600 درهم

واتصلنا بهم قالوا 600 وبروحه مال الاتصالات متخبل


سرقة عيني عينك والله لو عندنا شركة زين ولا موبينيل ولا فودافون جان اتصالات ما قدرت تقص علينا ولو بدرهم واحد

يعله ان شاء الله زقوووووم في بطونهم

و الثالثه

^_^

انا دفعوني 6600 درهم ..
مع العلم باني محدد .. قيمة الفاتوره ..
يعني اول ما توصل 1200 .. تنقطع ..

ودفعت .. لهم المبلغ .. بعد ..
ما تضاربنا وياهم ..
وفالاخير هم الصح ..
ونحن الغلط

و الرابعه و الخامسه و و و و و و

و غير اللي يدفعون و ما يجيكوووون


الله يكوووووووووون فالعووون


و الموضووع عشان تنتبهوووون بس

و السموحه

[RAKBOY783]

الله المستعان

تسلم اخوي ع الطرح

[wolf biker]

حسبنا الله هو نعم الوكيل

[واصل]

حلو هاي ( أتصالات للنصب دلالات )

تسلم ع الخبر

[فتك الرمس]

الله المستعان بس انا اشوف اتصالات احسن من دو

[عاشقة القمم]

والله مآ عرف شو أقول
بس صج هآي حآلتنآ ويا أتصآلات


وآحد من هلي كآن مسآفر ومآخد معآهـ المبآيل بس مووول مآ كلم أحد >> وتفاجآ أن عليه 3000 وشي ..
وأهو متأكد أنه مآ رمس أحد لأن كآن مشتري خط من هنآك ..

ونحن من كم من شهر كنآ مسلمين مآل الشآمل
بس تفآجأنآ بعدهآ بشهر أنهم يقولون أن نحن مآ مسلمين من شهرين


نصب عيني عينك حتى لو نوديلهم الفوآتير

[! » |لشـפــيـﮱ « !]

الله المستعان بس انا اشوف اتصالات احسن من دو

هي أحسن لأنها مسيطره على كل شي

والله مآ عرف شو أقول
بس صج هآي حآلتنآ ويا أتصآلات


وآحد من هلي كآن مسآفر ومآخد معآهـ المبآيل بس مووول مآ كلم أحد >> وتفاجآ أن عليه 3000 وشي ..
وأهو متأكد أنه مآ رمس أحد لأن كآن مشتري خط من هنآك ..

ونحن من كم من شهر كنآ مسلمين مآل الشآمل
بس تفآجأنآ بعدهآ بشهر أنهم يقولون أن نحن مآ مسلمين من شهرين


نصب عيني عينك حتى لو نوديلهم الفوآتير

الله يعين و الله



و سالفت البلاك بيري و أنقطاع الخدمه عنهم

سووااالف وياده



بس مليييييييييييينا

[بنت راك 83]

انا بعد عندي سالفه فالشامل كنت دافعه من شهرين واتفاجأة هالشهر عليه 772 درهم كيف وانا ادفع شهريا 149 درهم وفوق هاكله مارجع النت لاوبعد شو سرت دفعت الفاتوره 600 درهم ولا رد وعقب قالوا من الدي اس ال وسرت بدلته وبعده ماشتغل ودقيت لهم وقالولي اذا بنطرشلج الفني من اول مكالمه يدقلج الفني احسبي كل ساعه 150 درهم انتوا متخيليين اللي اقوله يعني كثر ماتم الفني عندي انا ادفع وهم ان شا لله يستلمون رواتب من هالبيزات الي ينهبونها من عندنا ومن ورى الفواتيير

[Bo 3@bdallah]

وانا مرتين استوت لي

يخصمون مني رصيد ويستوي لي -95

واتصلت بالاتصالات اكثر من مره ويسون لي طلب شكوى وللحين لاخذت منهم لاحق ولا باطل

بس المره الثالثه اذا صارت لي ما راح اسكت ..

لانه المبالغ اللي ندفعها مب عشر ولا عشرين بالأميــات ..

[حلو الاطباعي]

تبون الصراحة نحن بعد زايدين علينا فاتورة الشامل وايد
غير عن العادة نهائيا
الله اعلم شو الحل؟؟؟ وليش جي يصير؟؟؟ ومن المسؤول؟؟؟ ووين الرقابة؟؟؟
الله المستعان