اطلق السعيد اللي بداخلك (حملة للضحك)*يمنـع دخول النفسيـات ..!!
وان ضحك صرت احس الفرح ماله حدود
صرت اشوف الأرض جنة والسماء تمططر عسل .
,
صــبـاح ومساءالأشيــاء الأنيـقة ذات المــلح كـ " ابتســامتي " مثلاً
صبــاحكم ومساكم أنـيـق يرتـدي قبعـة التفاؤل ويذهـب لـ اصطيـاد الحـظ
صباحـكم ومساكم سحابـه حنونــة تدور في السمـاء باحثـه عن كـل حزين
لتسكـب على قلـبه مطـر من أمـل ..
< يمديكم ع الكلام الحلو
اولاً اشتقـت لكم ياال قهوة الكـرام
نخش بالموضوع , بتكلم عن الضحك
اول شيء وشو الضحك هي تعابير تظهر بوجهك على صورة فررررح ووناسسة
وطبعاً له اسباب متعدده منها نكته خطافيه ولا موقف يضحك ومثل هكذا
,
قبل ندخل في فوائده لما تشوف شخص دايم يضحك
كذا سبحان الله تلقاك تحبه وتحب تجلس معه
عكس اللي منفس طول الوقت وحتى وجهه
يجيب لك الكأبة جرب تقول له نكته بيقولك طيب وبعدين ؟
ياخي الشرهه على اللي يبي يطلعك من جوك المخيس
,
بعدين ترى الدنيا ماتسوى < موسيقى حزينة
لا صدق يعني تلقاه طاقتن به الغلقه ومكتم عشان فريقه خسر ولا عشانه نقص كم درجة
< يعني نزعل شوي كذا حق دقايق ونرجع للوضع الطبيعي
,
وبعدين شيء حلو لما يكون الواحد متضايق مرة ياخي لا تجلس مع احد رح اقعد من نفسك
ولا تنفس عليناهذولي الناس دايم يخربون ام ام الجلسه
وشيء بعد انا عندي طريقة اسويها اذا زعلت وصرت عبده
اروح اناظر نفسي فالمرايه واهزأني واطلع الحره بنفسي ولا امسك لي اي جماد قدامي واهاوشه
واطلق الخال اللي بداخلي
لا تقولون هبال بالعكس كذا تفريغ واذا خلصت تضحك على نفسك
,
لما تفكر شوي وتتعمق , هيا فكروا عيشوا الجو بالكلام اللي بقوله< فيس لابس نظارات ويتفلسف
اول شيء عندك اصدقاء طيبين ويتمنون لك الخير وتكيتهم مامثلها
الطمأنينة وراحة البال < اهم شيء
تنام وفيه سقف يقيك الحاجة والذل
تشوف منظر يسر خاطرك وعطر يغير مزاااجك ويروقك
عندك شخص يحبك ويتحمل اخطائك
كلمات جميلة تقراهاا وتتأملها
حنان امك وابوك عليك
جلسة اخت او اخ تزيح همومك وتنسيك اياه
احترام اللي حوالينك
ابتسامة طفل بريئة يحسسك بالوناسةة
تجيك هدية من شخص عزيز
طيب عندك كل هذا
ليش تعيش حياة معقدة ؟ اشتقت لأحدهم ؟ اتصل به
تريد لقاء احد ؟ ادعه !
تبي تكون مفهوم ؟ فسر نفسك !
عندك اسئلة ؟ إسـأل !
,
فوائـد الضحكـ :
- الضحك يفيد الجسم والعقل.
- يحقق السعادة والسلام النفسي.
- يمنحك التجدد.
- يقلل من الضغوط.
- يزيد من قدرتك علي التأمل والاسترخاء.
- يقوي جهاز المناعة ووسائل الدفاع الطبيعية الموجودة في الجسم.
- يزيد من قدرتك علي التحدث إلى الآخرين بلباقة.
- يطور من شخصيتك وقدرتك علي القيادة.
- يجعلك تبدو أكثر شباباً.
- ينمي روح المشاركة وروح العمل الجماعي.
- يعطي الشخص الثقة بالنفس.
- ينمي قدرة الشخص الإبداعية.
- يرفع من روحك المعنوية.
- يجعلك تفكر بشفافية.
- يخرجك من دائرة الروتين.
- تتلألأ عينيك عندما تضحك وتصبح أكثر وسامة.< يخليكم طخمان
- يرفع من مستوى أدائك العقلي ومن قدرتك علي الاحتفاظ بالمعلومات
لأطول فترة ممكنة ويقوي الذاكرة.< الأختبارات قريبة
- يجدد الطاقة.
- يحطم طبيعتك المتحفظة.
- يذكرك دائماً بالصورة الأشمل والأعم في حياتك أي تفكر وترسم لمستقبلك.
,
نعـم الله علينا كثثيرةةة كثييييييرةة الحمدلله
تشوف , تسمع , تحس , اعضائك كاملة , عندك اهـل واصدقاء وووو
ليش ماتضحك طيب
ليش تخلي الناس يشفقون عليك
عندي وحدة فالبي بي كل كاستاتها حزن وتجيب الهم
خلاص لما تقرونه تحسون انها بتموت بكرة
شيء تشاؤمي فضضيعع
الله يتوب علينا بس
قـال تعالـى :
((لَئِنْ شَكَرْتُمْ لَأَزِيدَنَّكُمْ )) > (( وَقَلِيلٌ مِنْ عِبَادِيَ الشَّكُورُ))
< تأملوا
,
شلـون تعيش يومك
دور على نكته سخيفه واضحك بقوة
فكر افكـار غبية اذا قلت لأحد عنها ودوك لـ شهار
ارسـم قلـب كبيــــر واكتب حروف اسمك عليها بس حروف اسمك
لا تتوضا عشان تصلي لا توضا عشان تاخذ أجـر همين صل عشان تأجر مرة ثانية
لا تردد الأذان بكلل بل تغنى به واطرب الأكوان بصوتك
اذا وقفت عند المرايه امدح نفسك ولو انك شين
,
استمتـع بكـل خطوة تدق بهـا الأرض بكل شهقه تدخل فيها الأكسجين
أنظـر إلى اللوحات الرخيصة بـ أثمن النظرات بادلها الثناء وارفع من شأنها
إفـهم كل م يأتي به قلبك , ترجم طلاسـم عقلك
*كـن مجنوناً مع نفسـك وعاقـلاً مع غـيرك ,
< تلـك فلسفة الـروح
,
فيه ناس سعادتهم تكمل ب أشيـاء معيـنة
يعني بعض الناس
يكون سعيدة لما يشرب قهوة
لما يرقصصاذا اكل شوكلت
اولمـا يغرد بتويتر
والكثــير اللهم لكـ الحمد
,
لذالك فكروا فـ الأشياء اللي تسعدكم
فـ الناس اللي تحبونهم
سووا شيء متأكدين انه بيوسع صدوركم
اشياء بسيطة مرة ممكن تغير مزاجنا
اعطوا اكثر من انكم تاخذون
قمة السعادة فـ العطططاء
,
بـ أختصار خلونا ننظر للحياة بـ إيجابية عشان نحس اننا عايشين
وترى الدنيا فانية والعمر واحد
وبالنهاية اكثروا من الحمد
الحمدلله كثيــراً
,
رد مع اقتباس
[/align]