اوعدك ما أخليكِ وتوعديني ما تخليني؟
أذكر يومها أشوف بالدنيا بس أثنـين
قلبي اللي يحبك وقلبك اللي يحتويني
بعدها بأيام شفت ايدك تحتضن ايدين
وانصدمت يوم شفت انها غير ايديني
سكت لجل خاطرك وقلت مرحبا بالزين
مرحبا باللي القلب لجلـه حيل كاويني
مر يوم واسبوع وشهر وبعدها شهرين
وهو لازال ماتدري بأني شفتها بعيني
وأخاف اني أقول لها خاينة وتنجرح بعدين
واخاف أسكت وبسكوتي صمتي حيل يشقيني
واجهتها وانا ابكي و العين تحتضن العين
سألتها:ليه تنسـاني؟ولا ماكنتي تغليني؟؟
سكتت ولفت عني وخبت وجهها باليدين
الي كانت تحضني وغيرها ماتدفيني
سحبت وجهها ومسحت الدمع من على الخدين
وقلت لها والله أحبك ولو إنك تخليني ..!
سكتت فتره وقال لي: لازلت تحبني؟؟
بعد اللي تشوفه
لا زلتي تحبني؟؟
ابتسمت وقلت أجلك ماعرفتي إني للحين
أحبك حيل والي يرضيك يرضيني
سكت فتره وانا أعاود فرحة بقت لسنين
وتركتها وتركت حبها اللي بقى فيني
وصارت الدمعـة اذا هلّت أقول أهلين
والبسمة هجرتني ونست دربها فيني
بعدها بأيام سمعت خبر والله شين
سمعت انها ماتت وهي تطلب تلاقيني
ويوم اني رحت وصيتها لي بورقتين
الأولى بها أسمي كتبته بدمها تغليني
والثانيه تقول فيها:أبي اوضحلك شيين
الأولى أحبك حيل وماسكن غيرك شراييني
والثاني أمانه لا جيتي لأهلي تعزيّني
لا تنزل دموعك لي طلبتك لاتَبْكِينِي
كل اللي أبيه انك بالخير لي تدعين
وانك بالشهر مره بقبري تزورني
والي أبيك تعرفه ومهم انك تعرفيني
الي شفته معي كان بموتي يبشّرني
انا الي خليتك من كيفي و عنك تباعدت
لجل ماينجرح قلبك بلحظة موت تحتويني
تكفى لا تظن اني خنتك يا الغلا تكفى
واذا لازلت تحبني دايم بالخير أذكرني..
سكت وقلت :
ياليتني ظليت معاك يا زين وشفت الموت ياخذك مني
ولاكذا تخليني
تظنون اني نسيت أو الدمع جف بالعين؟
لا والله الين اليوم وهو معي يخاويني
لو تدور الدنيـا ولو تمر بعدها سنين
ما نسيتها لو أشوف أحفادي حواليني
رد مع اقتباس
