أول حادث لك في حياتك..؟ ارجو التثبيت موضوع كـشخه

[alawy911]

[align=center]


السلام عليكم ورحمة الله وبـركاته "


اشحالكم جميعا آخواني الأعضـاء عسآكم بخيير..



طبعا الموضوع امبين من عنوانه مايبي شـرح ^^

أول حادث لك ؟ وشو نوع السيارة او الدراجة؟ و هل أنت الغلطان؟


طبعا انا ببدي أول اذكر كنت مسرع زياده عن اللزوم في موقف سيارات وطلعتلي سيارة فجأة.!!!

وجان ادعم السيارة من ورى الحمدالله ماصار شي الشرطة قالو هو غلطان لأنه رجــع بــدون انتباه ..

وكان خوفي فـ الي يسوق يوم دعمته, بس الحمدالله ماصار شي وعقب التأمين اهتمو بالتصليحات..




يـلا الحين دوركــم نبي كل واحد يخبرنا شو اول حادث لـه سوى شباب او بنات ابي الكل يشارك ^^

وابي كل واحد يقولي شو كان شعوره يوم صار الحادث وكيف تصرف وقت الحادث شرد ولا وقف..؟


نبي مشاركات أخواني شدوو حيلكم شـوي ...
[/align]

[المشااكس]

تسلم اخووي عالطرح

[alawy911]

تسلم اخووي عالطرح

[align=center]
قتله نبي مشاركات قالي شكرآ عـ الطرح ولا يدري شسالفه ههههههههههههههههه


على العموم يسلمووو على المرور الطيب وان شاء الله غيرها بـغيرها ^^
[/align]

[alawy911]

[align=center]
سبحان الله مافي مشاركات يعني مافي ولا حادث مب معقوله ..!!!
[/align]

[حور راك]

شكرا اخوي ع الموضوع

[عنـ؛دي]

هههه .. عااد عن الفشيله اناا ما حاصت شي ادعمه غير باب بيتنااا .. يااهى سااالفه ..وربي يسلم باب بيتنااا و خرب سياارتي .. ههههه بس يلا الوكااله ما تقصر بهل السوااااااالف ..شعوررري ... كنت خااااااااااايف وااشوى و بصيح .. بس لانه الكل ضحك علي ضحكت و نسيت لى اليوم مااا ادخل سياارتى في مكاان ضيج لانى مااا اعرف و اخاااف .....

[alawy911]

[align=center]
الله سلمج آختي في الباب ولا فـيج ..

ويسلمووو آيـدج على المرور الحلووو "
[/align]

[البرنسيسهـ}}"]

اممم لاالحمدلله انا

مره كنت طالعه السوق وماحصلت باركنك ووقفت ورا السيارات اللي واقفه

ومن غير ماانتبه في واحد وقف سيارته ورا سيارتي وكان الوقت ليل وماشالله المخفي عندي مااقدر اشوف شي منه

واصلا ماشفته يوم وقف وراي وعقب الله يسلمكم كنت بحرك لان اللي واقفه وراه كان بيطلع وماشي وشوي واسمع طاااااخ وعقب

قلت لأختي شو هاااا؟

ولا الأخ نازل يكلمني وشوي ويصفعني وفالأخير شي بسيط فسيارتي بعد مب سيارته ..

الحمدلله ان على جي ^^ والحمدلله أحاول انتبه وانا اسوق لان في ناااس مايعرفون يسوقون بعد


والله يحفظ الجمييييع

[alawy911]

[align=center]
على طاري الباركنك انا مره صارلي شرات ها الموقف بس الحمدالله عقب انتبهت انه حد وراي واقف ..

والله سـلمج من ها الحادث بس مره ثانيه انتبهي ترى ها ماصفعج يمكن تحصلين غيره عصبي ويقوم يصفعج ههههههههه

تسلمين الغاليه على المرور الحلووو وربي يحفظج من شر الحوادث ..


يلا وين الي مسوين حوادث نبي بعد مشاركات ^^
[/align]

[RAKBOY783]

الله يبعدنا من شر الحوادث

ربي يحفظنا ويحفظ اخوان المسلمين

تسلم يالغالي ع الطرح