ما نسيتك يا عيوني حتى لو قلبك نساني
دام قلبي ما نسى حبّك وبالذكرى ملكته
اذكرك واذكر غلاك اللي بقى تحت المحاني
باقيٍ ما زعزعه بعدك.. حرام انّك هجرته
يا حبيبي لو غديت اليوم في صدّك أناني
من يحبك ما رخص حبك ولو انّك رخصته
احسب الساعه دهر وانته مع ايامك ثواني
يكفي ان الموت يا عمري مع الايام شفته
اكتم العبره على بعدك ويحكمني زماني
وانت تدري بالخفوق اللي مع هجرك حرقته
بس يكفي .. ما حصل منّك وما جاني كفاني
نصف قلبي بالضلوع ونصفه الثاني سرقته
رد مع اقتباس
