يوم كنا في الابتدائية كنا نشل كتبنا على ظهورنا ونجلس على حافة الشارع ننتظر باص المدرسة , ولااااا والمكيفات حدث ولا حرج الدرايش اولى هي اللي تبرد وتهفهف على الراس , وماشي كراسي نكون واقفين طول فترة حتى الوصول للمدرسة . والله كريم .........
ويوم نوصل المدرسة ’’’’’’’’’’’’’’’’’’ عاد تعال يافلان ليش متأخر وليش مب حال الواجب ولا ولا ولا ؟؟؟؟؟؟؟
المهم ............
في الحصة الثانية ولا الثالثة عندي قلاص مال بطاطس اللي فيه مال الصقر لو تذكرونه الاصفر.
وكنت حاطنه وين داخل الدرج , وكل ما يكتب الاستاذ على السبوره , يعني يدري وجه للوح على قولته
نقرمش من هذا البطاطا على الصبح , مع احترامي لاخوانا السورين والمصرين فول وطعمية على الصبح ولا جبن وزعتر ولا مربى >جام< يعني.
ولا والشباب عاده الشله التعبانه اللي وراك مب مخلينك على راحتك تأكل تقرمش , عطني وعطني .
لين ماخلص شو استفدنا . ولا طشة .........
زخنا الاستاذ :-
1- خصم 5 درجات . كأنه هو تعبان فيها . لكل واحد الا ما قدر الله . عفى الله عما سلف . هذا لو سامحك ؟
2- ست عصي على اليد صح من اللي خاطركم فيه , وين يعورك ولا وين يحبه خاطرك .
3- اخرتها تختار تطلع برع الحصة ولا تجلس وتجب على قولته ولا نفس .
واليوم اكتشف اللي مثل سني اللحين بلاك بيري , اي كان نوعه + اي فون اي كان نوعه في الصف ويغرد في تويتر .
منوا عاد ياحظي واحد ابناء اصدقائي يرسل على تويتر تغريدة + صورة للمعلم يبتسم له .
عيل يوم كنت انا واقف في الباص ماحد قال شي ؟
ويوم انا انضرب ماحد قال شي ؟
الصراحة باصات مرفه للشباب الصغير مكيف 100/100
الله يرحم ايام زمان .
هل من تعليق ؟؟؟؟؟؟؟
رد مع اقتباس
