الشاعر: أحمد بن علي الكندي
القافية : ياء
أنا ونيت والخاطر تكسر
من الفرقى وليعات الزماني
محبي بعد حبه لي تنكسر
وش أسباب الزعل أول وثاني
بدى الهجران مثل الشمس يظهر
وما ينوي حبيبي ما خفاني
الله أكبر على من هو تكبر
قسى قلبه ومن عطفه نساني
قطع حبلي وعنه الطير خبّر
وهان الود عنده والمعاني
صبر قلبه وقلبي ما تصبر
يِخيِله في الدقايق والثواني
أبو عقصاً على المضمر تحدّر
وعود مثل عود الخيزراني
وخد مثل خد الريم وأنور
وعنق مثلما عنق الدماني
أحبه من صميم القلب وأكثر
رفيع القدر عندي ما يهاني
ولكن ويش بيدي في المقدّر
رضيت بما كتب والله عطاني
كذا راعي اللهوى يربح ويخسر
وما جئت به ليالي اللسعد فإني
إذا زرعي بخل ما علد يثمر
فكيف اسجيه بالسيع السواني
رد مع اقتباس
