طبعا على ايام العيد خذينا لفة بالمنطقة الشرقية من الدولة كانت رحلة وايد حلوة بس نقص الرحلة تكون الأجواء هناك ممطرة بس
ما بطول عليكم اخلكم ويا الصور
ها وانا اطالع من الرمس
وها قت ما وصلت دوار المطار
وهنيه لافتة على دوار خت الثاني
وعالخط صورت لكم هالمصنع طبعا اهل الجامعة يعرفونه زين ما زين
هنه عاد استلما خط الطويين
صور عوايل مخيمة
وكملنا كملنا وكله طبعا شوارع منحنيات شرق وغرب
طالعين نازلين
هاي الشعبية عالطريج مخبرني واحد ان فيها ريال عيونه تكسر الحصى ما ادري عيونه اقوى ولا عيون بعض الناس خخخخخ
وعالخط عيبني هالمنظر وصورته
ودخلنا منطقة دبا اخيرا
كنا بدبا الفجيرة ودشينا عقبها دبا الحصن
وهذا السوق عندهم
وطلعنا عقبها نبا منطقة الفغيت
وأخيرا وصلنا بس وين زحمة قبل عن الحين ( الحين شوي بس قبل ما تحصل شبر تمشي عليه )
وكملنا عقبها نبا خور فكان
ووصلنا مسيد البدية شفنا عالم وما ادري الحريم شو يخششهن هناك
حشى بكل مكان واقفين لنا شوك بالبلعوم
وعقب ما طفنا المسد مرينا على سوق الخميس
وهنيه وصلنا خور فكان وكان الوقت عالمسا شوي جذه وباذن المغرب
وكملنا عقب صوب قدفع وكنت ناوي اسير وادي مدحا وبالفعل سرت هناك مكان ولا اروع
استراحة صغيرة داخل وادي مدحا
صورة للوادي نفسه من داخل
وهذا السد مالهم
شي شقق فندقية للي يبا يبات
طبعا تحس نفسك كانك بمغامرة
وعقب ما طلعت من وادي مدحا يتني رسالة من اتصالات الامارات ترحب فيني تدرون عاد شخصية كبيرة ولها وزنها خخخخخ
والرسالة يت لان هالمنطقة تتبع سلطنة عمان
عالخط متجهين صوب الفجيرة وكلباء
هنيه شفنا مسيرة متحركة ما ادري شو عندهم
ووقفنا عند هالكافتيريا
وانا واقف صورت هالصورة
من الزحمة عاد ما قدرت اصور اكثر بالفجيرة
اخر شي وانا طالع صورت هاي
طالعين من الفجيرة متجهين نحو منطقة البثنة
ووصلنا المنطقة هاي وطفناها وهنيه وصلنا دوار مسافي
وهنيه وصلنا سوق الجمعة
وكملنا طريجن عقب متجهين الى راس الخيمة
طبعا سرعتي في اغلب الخطوط هي
وهنيه وصلنا ودخلنا الرمس وكنت وقتها منتهي مولية ههه
اسمحولي عاد يمكن شي صور هب واضحة او مايلة بس لاني كنت اسوق واصور بنفس الوقت فالمعذرة من الجميع
وطبعا مصور حول 330 صورة تقريبا بس اكتفي باللي حطيته
اتمنى يعيبكم الموضوع وشاكر لكم مروركم وتعليقكم
خاص
Just_me
خيماوي_2000
رد مع اقتباس
المشاركة الأصلية كتبت بواسطة { لقيت روح ـيے ~
