من خانك مره ..يبي باكر يخونك
الحوار عباره ان كل من الحبيبين يرد على الثاني بمقطع من اغنيه او شعر ... طويله شوي بس صدقوني تستاهل
البدايه...
اخفى حبه لها لايام طويله .. حتى تعب ولم يستطع الاحتمال فقرر مصارحتها بحبه ...
هو حين قرر ان يعترف بحبه:
احبك حب صعب يوصف شعوري ... عن التعبير يعجز بي لساني
هي بكل قسوه .. بسبب تجربه حب مريره :
تدعي بالحب وانته ما تحب ... كل ما ودك تمتلك شخصي وذاتي
هو مجروح القلب :
ليه اذا حبيتك اكثر زدت قسوة ... وان دريت بحاجتي لك زدت جفوه
و ان عطيتك من حياتي ما تريده ... ما كفاك و تحسب ان الحب نزوه
هي بعد ان هدات من فكره تجربه الحب مره اخرى :
اعفيني ما اقدر احب .. فيني تعب فوق التعب ..
مو ذنبي لو انته تحب .. ذنبي انا ما اقدر احب ..
هو بكل صراحه :
ما اريد الحب منك بالرغم ... لا حشا و الله ما كان المراد ..
يا عساني الموت و افنى و انعدم ... لو رضيت الحب منك باللزام ..
هي تخبره عن قلبها و معاناته :
عطيت وما عطوا مثلك .. و ضيعت بهواك سنين ..
و اخر هالتعب كله .. تطلع خالي الكفين ..؟!
هو :
صدقيني قلبي يحكي لك حقيقه .. صدقيني ما ارى غيرك ملاك ..
من اجل وصلك بتخذ ايه طريقه ..ما ابالي لو طريقي لك هلاك ..
هي بخوف :
ابي وعد وعهد منك .. ابد لا يدور في ظنك
تغيب و نبتعد عنك .. و لا لحظه تخلينا ..
هو بكثير من التفاؤل :
قول لي بس كلمه احبك ... و اترك الباقي علي
هي :
كنت عايش في حياتي مهتني .. لين ما القدر حطك في طريقي
هو باصرار :
قول احبك و انته تعرف صاحبي وش رد فعلي ..
هي بعد ان رقت له :
انا ما احبك ............انا اتنفس هواك ..
هو و بمنتهى السعاده :
سمعت احلى احبك في حياتي كلها بشفاك
اثر بعض الشفايف همسها غيمه و براقي ...
هي :
ان غفت عيني على صدرك .. احلف لك لا توقظني .. لا توقظني
هو :
تبي اكثر اغلى اعطيك ... تبي عمري اذا يرضيك ..
فداك العمر و احلامي ... و كل لحظه من ايامي ..
هي بتوتر :
سويتها فيني و خليتني اهواك ..
هو بتحدي :
بحر الحب و الهوى دوم جذاب .. يا اللي وقع فيه يا ويله ..
هي بلهفه :
انا ابيك توعدني .. حبيبي ما تفارقني .. و على وصلك تعودني ..
هو :
انته امر بس تدلل و اترك الباقي علي ..
هي بحب :
كل دقه قلب فيني لك قصيده ... تكفي الدنيا مع الاحباب غنوه
و كل هاجس ما يجيب الا خيالك ... سلوتي في العمر في صحوه وغفوه
هو :
خلهم عليك يخافون ... حارس يحرسك مني
و اهلك ترى ما يدرون ... حبك اللي مجنني
هي بتحدي :
لو عاذلوني الناس و اهلي و الاقربا .. مالي عزا دونك ولا سلواني
هو بنبره تساؤل :
كيف نخفي حبنا والشوق فاضح .. وفي ملامحنا من اللهفه ملامح
عاشقين و نبضنا طفل حنون .. لو تزاعلنا يسامح ...
و مضى الحال هكذا ... حب و عشق و هيام .. لعده اشهر الى ان بدأت علامات التغيير تظهر على احد الطرفين ..؟؟!
هي بحيره :
قالوا يمكن يخونك ... يمكن يسهر عيونك .؟؟
هو بكل برود :
مدام معاي القمر مالي و مال النجوم ..
هي بقلل من بروده :
عودتني كل يوم اسمع انا صوتك .. عودتني لي ضاق صدري ما تخليني
و الله وغيابك طال .. مدري وش اسبابه ..؟؟
هو و بمنتهى الجرأه :
خلاص اصبحتي الماضي و للنسيان اصبحتي ..
و انا انسان ما اقدر اعيش بوقتي الماضي ..
هي و الصدمه تكاد تذبحها :
بيني و بينك شي اكثر من الاحلام .. حقيقه حبي لك ماهو حكي واوهام
هو بقسوه تفوق حنين اللقاء الاول :
مسكين قلبك يحسب اني مولع بك .. و انا نسيتك و هذا من كرم طيبي
هي بترجي :
شبيه الريح انا ما اقدر اكدر صفوك العاصف
شبيه الريح انا من لي سوى احساسك الجارف ؟؟؟
هو و بقمه الصراحه :
ما توقعته فوادي بحب غيرك ينجرف
بس جتني اللي في هواها جت صريحه وواضحه ...
هي تكاد لا تقوى على الوقوف :
انا الذي لبيت لك كل ما بغيته .. لكنك انت السبب في كل ما جنيته
بعدين تفهم يا حبيبي .. و تحس فيني ..
هو ليخفف عنها :
اكيد ان الزمن يقدر ينسينا ... كذا من دوره الايام لا بدي ..
هي بحزن :
و شلون ابنساك ؟؟؟؟؟؟
و هم بالرحيل فقالت :
تمنيتك تشوف الجرح الاول ... قبل تجرح فوادي جرح ثاني
و مرت الايام عليها كانها دهور .. لم تستطع النوم او الراحه فيها
فقررت الذهاب اليه عله يكون قد عاد لرشده......
هي بكثير من الالم :
ادري اني بقلبك مالي مكان .. بس وش حيلتي يوم انك في قلبي اغلى انسان ..؟؟
هو بلا مبالاة : ......................... لا تعليق
هي والشوق يغمرها :
مشتاق لك بالحيل مشتاق مشتاق
ارجوك ارجع لا تضيع المودة
هو ينظر لساعته يريد الخلاص منها
هي :
شي غريب اني احبك رغم ما تسويه فيني
وراضي لو ابقى بقربك حتى لو رافض تبيني
هو بمنتهى القسوة :
ابتعد عني نسيتك .. صرت اسوا ذكرياتي
هي بعد ان صدمها بسكوته وقتلها بكلامه :
روح الله يسامحك روح .. يكفي شقى ويكفي جروح
هو هم بالرحيل
هي قبل ان يرحل :
لا تنسى تجمع جروحي ودمعي واهاتي معك
وقلبي بعد ما قتلته يا رفيقي ما في قدر يمنعك
بعد ان رحل .. اخذت تحدث نفسها :
رايح انا جدواه بي عوق و اعلال .. وساعة وصلته ما عطاني دواها
رديت من عنده وانا خايب الفال .. زاد الجروح اجروح لا ما شفاها
ومرت الايام تلو الايام تقاسي احزانها ولا تجد من يواسيها .. فعاهدت نفسها على ان لا تهب قلبها لاحد سواه مهما كان مقدار حبه لها .....
وفي يوم من الايام فوجأت بوجه ليس بغريب عليها يقترب منها
هو مكسور القلب :
ابي تعذرين احساسي اذا قصرت .. وابي تعذرين لو قصرت في حقك ..
هي لا تصدق ما تراه عيناها وما تسمعه اذنيها :
........................................
هو نادم على ما بدر منه :
ابى اعتذر عن كل شي الا الهوى .. ما للهوى عندي عذر ..
هي بعد ان افاقت من صدمتها :
لا . لا تعتذر بدموع هاذي النهاية ..
أبعد وانا أبعد ما ورى البعد ترجيع ..
هو :
خلاص ارحمني وعـــــود ..
يـــا هوى كل الوجــــــود ..
هي :
خيبت ظني فيك وانته مناية ..
حاولت اكمل بس ما منك تشجيع ..
والله ما ظنيت هذا جزاية ..
واني بحبك كنت لا اشري ولا ابيع ..
هو باحتياج :
ابيك اكثر من الدنيا .. ابيك اكثر من اللازم ..
هي وبكل عزة وشموخ :
لا تفتكرني خاضعة يوم ودك .. لا يا حبيبي عزتي تاج راسي
هو بكل ندم :
غصب عني حل فيني شي لا ما ينوصف ..
لا تلوميني دخيلك لا تكوني جارحة ..
هي :
لا تقول اللي صار غصب عني .. معتقد شي بلا رغبة يصير
هو بشوق :
مشتاق ابا اسمع همسة الحب بشفاك ..
مشتاق حيل لساعة بها تحييني ..
هي تذكره بما مضى :
هجرتني واحرمتني من وصالك .. يوم انا محتاج لك قمت صديت ..
هو يبرر خطاه :
اعترف لك اني خنتك يا عيوني اعترف
في دقايق ضعف مني خنت وعدي البارحة
هي وبكل قسوة .. بعد ان قتلت نفسها قبل ان تقتله بكلامه :
ترى ما اشتاق لوصالك .. وقلبك مول ما امره
تفضل روح في حالــك .. وانا ما اباك بالمرة
هو وبمحاوله لكسب قلبها :
يا رفيقي بالعمر كله .. ما يفيد البعد نوصل له
وان حكمت ان الخطا مني ..لا تفرق بيننا زلة
هي لتضع حدا لهذا العذاب الذي شملهما معا :
1 _ من خانك مرة يبي باكر يخونك .
2 _احسن لنا نبعد وننسى الحكاية .. احسن ولا بالوهم نبني مشاريع
حدر الثرى ندفن هواك وهواية .. والصورة اللي فيها لا اشري ولا ابيع
هو قبل ان تهم بالرحيل :
سامحيني لو قسى قلبي عليك ..
لو جرحتك ما ملا عيني سواك ..
هي بينها وبين نفسها .. وبعد ان استدارت للرحيل :
تظنوني ابا انساكم ؟؟
وكيف انسى وانا روحي معاكم ؟؟
__________________ النهايــــــــة _______________________
تمنيت انه النهايه تكون سعيده بس مثل ما قالت هي :
من خانــــــك مره ... يبي باكــــــر يخونك
رد مع اقتباس
المشاركة الأصلية كتبت بواسطة just_me
