حبك كسر كل القيود .. ورماني في بحر الهوى ..

[خيماوية دلع 99]

السلام عليكم ..
كيف الحااال .. وشووو الصحه ..

قاااعده بالدوام ملانه وطفرانه ..

قلت بجرب اكتب قصه .. وان شاء الله تنال على رضااااكم ..

هذي اول مره لي .. بس بشكل عااام احب التاليف ..


تدور قصتنا اليوم في مجتمع محافظ على عاداته وتقاليده وغير معترف بشي اسمه الحب ولكن القدر شاء ان يحكم على هذه الحب ويكسر قيود كادت ان تنهي حياة .. مزون ..

عائلة مزون .. الاب سعيد .. اعمال حرة وادارة شركات ..
الام نوره .. ربة منزل وام الاربعه مشاغبين..
مزون البنت الكبره وعمرها 23 سنه موظفه ..
محمد شاب وسيم عمره 21 سنه طالب بكلية التقنيه
سالم عمره 18 سنه ثانويه عامه
واخر العنقود منيرة 16 سنه اول ثانوية ودلوعه البيت

.................................................. ......................

بومحمد قاعد على السفره ناطره اعياله ينزلون على الفطور وكــــــل عاده اللي بعده ما نش واللي يسبح واللى بعده متاخره .. ومن عوايد بومحمد ما يفطر الا على لمة اعياله حوليه .. قامت نوره تنادي اعيالهم على الفطور و اول شخص نزل الدلوعه ميروووووه .. صباااح الخير اماااايه .. هاااااااي بابي اشحاااااااااااااااااالكم ...
بو محمد ونوره .. وعليكم السلاااااااااااااااااااام هب هااااي ..
ميرووووووووووه ... شوووو بو الشباب بعدك قاااعد .. انا لو كنت مكانك ما بنطر حد بترس بطني وبسير شغلي ..
بومحمد .. ميروووه لما تكبرين وتخلفين اعيال بتعرف شو قيمة المه والجمعه مع العيله ..
نوره .. ومنو بياخذ ام السانين ..
ميرووووه .. امااااااااااااااايه انا الحين ام السانين .. افا والله افاااا .. ما هقيتهااا منج ..
نوره .. فديت بنوتي اناااا ..
ميروووووه .. هي هذا الكلام الحلوووو من الصبح ..
سالم ... افففففففففففففففففففف من الصبح دلع ..
ميرووووووووه .. الناس تقول صباح الخير .. يقولون شوووف ويه العنز واحلب لبن ..
سالم ... شوووو مب عاااجبنج .. مب مهم .. اهم شي امطيح البنات من حولي .. احم احم ..
وسار حب ابوووه على راسه صبااااااااااااح الخير بو الشباب اشحاااالك ..
بو محمد .. الحمد الله .. وينك .. ليش متاخر .. اكييييييييييييييييييد سهران ..
ميرووووه .. اقوووووووووول اقوووووووووول ..
سالم .. الله ياخذج اسكتي عني ..
نوره .. اشفيكم .. ليش تتساسرون ..
سالم .. ولا شي ..
ميروووه .. كم تعطيني واسكت ..؟؟؟
سالم .. بلا مذله واسكتي احسن لج .. عقب نتفاهم ..
ميرووووووووه .. بفكر .. بس بشرط ..
سالم .. شوووووو ..؟؟
ميروووه .. عقب العصر توديني بيت اربيعتي عقب تاخذني المول وعقبهااا تعشيني وتردني ..
سالم .. بللللللللل .. كل هذه بيوم وااااااااااااااااااحد .. ليش ... ..؟؟ ارحميني ..!!!
ميروووه .. اموافق او اقوووووووووول لباباتي وين كنت البارحه وليش متاخر بالنشه ..
سالم .. خلص خلص اتفقنا ..
ويقطع حديثهم نزول مزون ومحمد .. صبحكم الله بالخير ..
الجميع .. صبحكم الله بالنوره ..
مزون ومحمد اشحااااااااااااالكم ..
بومحمد .. الحمد الله ..
مزون .. حمود ممكن اتوصلني لدوام .. سيارتي بالكراج ومحد عندي ..
محمد .. وليش ما تسيرين عند سالم وميروووه ..
مزون .. فديتك اخوووي هذيل محد يسير عندهم .. حشششششششششششششششى ما عليهم السان طول الطريج نجره والسان طووويل توصل الدوام امصدع مالك خاطر بشي ..
نوره.. وصله حمود .. هذي البجر وما تهون علي ..
محمد .. ان شاء الله اماااااااااااية على امرج ..
طلع الكل من البيت كلن رايح بشغلته ..
وصلت مزون الدوام وكانت متاخره ..
على مكتب مزون كانت موجود مراجعين الاول عبدالله .. والثاني خليفه ..
عبدالله شاب وسيم عمره 31 سنه متزوج وعنده ثلاث اولد .. عمر .. ومحمد وعلي ..
خليفه يقارب وسامه عبدالله .. عمره 29 سنه عزابي وملسون حبتين ..
............................................

عبدالله .. صارت الساعه 8 والاخت لحين ما داومت ..
خليفه .. تلقاه توصل اعيالهااا المدرسه ومتاخره على ريلها بالريوق .. خخخخ
عبدالله .. عيل تيسل ابيتها ابرك لهااا ولا تاخر الناس ..
خليفه .. ما عليك انطر بس .. خلها توصل وانا بطيح فيها ..
عبدالله .. الله يخليك اسكت ما فينا تعصب وما تخلصنا .. وانت ما شاء الله عليك .. السانك محد يقدر عليه ..
خليفه .. ههههه .. اصبر انت وما عليك .. بخليهاا تخلصنا وبثواني بعد ..
عبدالله .. خلص بنشوف ..
وبذاك الوقت .. ادخل وحده من الموظفات .. السلام عليكم ..
الاثنين .. وعليكم السلام ..
خليفه .. اختي صارت الساعه 8 ونص بعدج ما خلصتينا ونحنا من السبع قاااعدين ..
الموظفه .. السموحه اخوي بس مزون تاخرة اليوم ومب عوايدهااا ان شاء الله اول ما توصل تخلصكم على طووووول ..
عبدالله .. ان شاء الله خير..
الموظفه .. عن اذنكم بعد ما خذة الاوراق اللي على مكتب مزون ..
خليفه .. عيوز خلص شووو مقعدنج على الكرسي للحين ..
عبدالله .. خخخ .. حرام عليك يا رياااال .. بعدهااا هب عيوز ..
خليفه .. احم احم .. كل يرى الناس بعين طبعه ..
عبدالله .. شوووو تقصد فديتني بعدني شباب .. ومحد يروم علي ..
خليفه .. وقبل ما يتكلم .. يسمع صوت من وراه ..
السلام عليكم ..
الاثنين وعليكم السلام ..
..... السموحه على التاخير ..
خليفه .. يصد صوبهاا ويبغي يتكلم بس ما قدر ..
وعبدالله نفس الحاااال ..
مزون .. اي خدمه ..
خليفه ما تكلم كان مبهور من جمالهاااا .. مزون بنت متوسطه القامة حنطيه البشره عليهااا عيون عسليه ومن يشوفهااا ينصدم من جمالهااا الطفولي ..
عبدالله يضرب على ريل خليفه .. عسب يحس على نفسه اشوي ..
للعلم خليفه ريااااااااااااال مغاااازلتي ومحد يروم عليه ..
عبدالله .. نحناااااا ياين عسب جي وجي وجي ..
مزون .. ان شاء الله .. بس السموووحه موضوعكم يباله وقت اشوي ..
خليفه .. عااادي وشو الاشكال ..
مزون .. تقدرون تسيرون وعقب ساعه تقريبن تردون ..
خليفه لاااااااااااا .. مافي داعي بننطر.. ما ورانا شي ..
عبدالله .. يكلم خليفه بصوت واطي .. قوووم خلنا نسير نتريق انا ميت من اليوع ..
خليفه .. وحد يترك هالجمال ويقابلك انت ..
عبدالله .. خلنا نسير وعقب نتفاهم قم ابسرعه فضحتنا ..
خليفه .. خلص عيل .. السموحه شيختي .. نحنا سايرين وان شاء الله قبل الوقت بنرد ..
مزون .. ان شاء الله ..
عبدالله .. مع السلامه ..
........................................
طلع عبدالله وخليفه من المكتب .. وسارو يتريقون بمكان جريب ..
خليفه ... وااااااااااااااابوي صرااااحه عمري ما شفة بنت حلوووه جي ..
عبدالله .. البنت عااادي ومب ذاك الزود ..
خليفه .. وشووو عرفك انت بالجمال ..
عبدالله .. فديتني انا .. الجمال كله اهنيه ..
خليفه .. كيف بنسى ذيج لعيون ولويه الحلوووووووو ..
عبدالله .. اسكت الله يخليك خلنا نتريق وعقب انسير باشغالنا ..
خليفه .. حد يجابل الاكل وشايف ذاك القمر ..
عبدالله .. الله يعينك .. اقووووووووول ..
خليفه .. خير اشفيك ..
عبدالله .. اطالع من وراك ..
خليفه .. بل ... مااااااااااالت ..
عبدالله .. افااااا .. هب هذي الحب ..
خليفه .. خلاص كنسلناهاااا ..
عبدالله .. ههههه .. موتر شووو ..
خليفه .. خلص نويت ابدا من يديد .. ان ما اعرف كيف كنت اطلع مع هالشيفه .
عبدالله .. صارت شيفه بعد .. هههه .. مسكينه البنت تحبك ..
خليفه .. اسكت لا .. غطيني لا تشوفني ..
عبدالله .. ههههه .. الاخت شافتنا ويايه صوبنا ..
خليفه .. قوم بسرعا خلنا نسوي عمرنا سايرين ..
عبدالله .. وريوقي .. بعدني ما ترسة بطني ..
خليفه .. قوووم عاااد .. بفطرك باحسن مكان ..
عبدالله .. والحساب ..
خليفه .. انا بدفع انت بس قوووووووم ..
عبدالله .. يالله سايرين ..
ريم .. السلام عليكم ..
الاثنين .. وعليكم السلام ..
ريم اشحالك خليفه ..
خليفه ابخير والحمد الله ..
ريم .. ابغيك بروحنا ممكن ..؟؟؟
خليفه .. السموحه ريماني .. اربيعي مستعيل ولازم نسير .. وانا ياي عنده موتري محد ..
ريم .. هب مشكله .. انا بوصلك ..
خليفه .. لاااااا .. ولو شافنا حد انا ما ارضى عليج تراني ..
ريم .. خلص عيل بينا فون ..
خليفه .. ان شاء الله ..
عبدالله .. اقعد معهااا اشوي ما ورانا شي ..
خليفه .. مااااااااااااالت ماااااااااااالت ما عندي سالفه شوووو .. خلص قررت اسويلها دليت ..
عبدالله .. الله يكون في عون كل يوم بنت ..
خليفه .. هيه مستمتع بحياتي .. مب شراتك ..
عبدالله.. اشفيني انا ..
خليفه مااااشي ... بس وين ساير ومع منووو وليش وكيف .. وراك تحقيق .. ههههه
عبدالله .. لااااااااا ...
خليفه .. ويشوف ساعته .. بل بل بل . .
عبدالله .. اشفيك خير ان شاء الله ..
خليفه .. تاخرنا عن القمر.. ولو غاب شووو بصير فيني ..
عبدالله .. وانا على بالي عندك سااااااااالفه ..
خليقه . ابسرعه انسير ..
عبدالله .. يالله العاشق الولهان ..

ناطره ردودكم ..

وتعليقاتكم .. لو مب عاجبتنك .. ما بكمل واتعب نفسي ..

[Just_me]

قصة حلوة خيتو

واصلي ومنها للافضل ان شاء الله

وعادي ترا تكون بداية من عندنا من المنتدى

بانتظار يديدج

وشكرا

[خيماوية دلع 99]

مشكور ... على الرد ..

اول شخص بعد اربع مشاهدات ..

[Just_me]

مشكور ... على الرد ..

اول شخص بعد اربع مشاهدات ..

العفو اختي

وحاولي تعودي نفسج على هالشي

عادي تشوفين ثلاثين اربعين مشاهدة ورد واحد يعني في ناس ما تحب الشعر والقصص وجيه

فعودي نفسج من الحين

ولا تشلين بخاطرج لو محد رد عليج

وشكرا

[بنت جميرا]

ماشاء الله ياختيه عندج اسلوب حلو في الكتابه
والفكره فعلا حقيقيه
بس اعترض على البنت يوم قالت عادي اا بوصلك !!!!!!
عنبو ماشي حيا ؟؟بس صدقج هاذا الواقع البنات الله يهيهن ارخص بعمارهن بعض البنات طبعا

اسلمتي ونتظر يديدج ياكاتبتنا الواعده

[خيماوية دلع 99]

ثاااااااااااااااااااانكس ثاااااانكس على الردود

وان شاء الله نشوف بيوم الردود نفس المشاهدات .. ولو رد بكلمه ..

بحطي الجزء الثاني انا للحين كاتبه 3 اجزاء ..

[خيماوية دلع 99]

هذه الجزء الثاني ..

في هالوقت كانت سالم ماخذ ميرووووه يوصلها المدرسه عقب يسير مدرسته .. وفي الطريج ..
ميروووه .. اشرايج تاخرين طلعت اليوم ..
ميرووووه .. افاااا افااااا وين كلمه الريايل ..
سالم .. وشوووو دخل الريايل الحين ..
ميروووه .. ليش انت هب ريال ..
سالم .. لااااااااا .. اشرايج انتي .. ارمسي عدل لاااااا اعطيج رااااشدي ..
ميروووه .. والريال المفروض يكون عند كلمته ..
سالم .. خلص خلص .. ما يسوى علينا .. بنوديج ..
ميروووه .. فديت اخوي انا ..
سالم .. وقت المصلحه فديته .. ووقت الشده تهديد ..
ميروووه .. ههههههه .. سوووووووالف ..
سالم .. عيل جي السوالف جدام ابوي ..
ميرووووه .. سالم اشوي اشوي مب جنك مسرع ..
سالم .. تاخرنا وانا عندي امتحان من اول اليوم الله يااااااااخذه من مدرس ..
ميروووه .. سالم انتبه انتبه ..
سالم كان مسرع وطلعه سيارة جدامهم .. وتعرضوا لحادث ونقلوهم لمستشفى ..
.................................................. ..................
على مكتب مزون .. السلام عليكم ..
مزون ... وعليكم السلام ..
خليفه .. ان شاء الله ما تكون تاخرنا ..
مزون .. لاااا .. ومعاملتكم جاهزة ..
عبدالله .. انزين وعقب شو مطلوب منااا ..
مزون .. اتسير الدور الثالث اول مكتب على ايدك اليمين .. مكتب الاخت ام كايد ... وهي بتكمل لك الباقي..
خليفه .. وما لنا رجعااا هنيه ..
مزون .. من عندي خلصتوااا .. والباقي اهناك ..
خليفه .. افاااا افاااا .. ياليتك تخلصين كل اشغالنااا ..
مزون .. عفوا .. ما سمعت ..
عبدالله .. ولا شي مشكوره ويزاج الله خير ..
خليفه .. مع السلامه ..
مزوق ..الله معاك .. وعيونهاااا كانت على عبدالله الشاب الوسيم .. اللي الوحده ما تقدر اتشل عيونهااا من عليه ..
قعدت مزون على مكتبهااا تفكر بالانسان المحترم باسلوبه والوسيم بشكله.. الواثق من نفسه وبعمرها ما شفة شاب بها الرزانه والثقه ..
ويقطع حبل افكارهااا التلفون ..
مزون .. الووووووو
.... مزون وتسمع صوت يصيح ..
مزون .. اماااايه اشفيج .. خوفتني ..
نوره .. اخوج سالم وميروووه سووه حادث ..
مزون .. تنش من مكتبهااا مصدومه ...امااايه عسى خير صار لهم شي ..
نوره .. ما اعرف انا الحين سايره مع السايق المستشفى واتصلت لج ..
مزون .. باي مستشفى ..
نوره .. مستشفى .....
مزون .. ان شاء الله اامااااية الحين بيج
نوره .. منووو بيبج .. حمود بالكليه ..
مزون .. انا بتصرف ..
نوره .. خلص ابنيتي .. واشوي اشوي على نفسج ..
مزون .. ان شاء الله ..
....................

وتطلع مزون من الدوام ابسرعه .. وتوقف اول تاكسي اتشوفه وعلى طوووووووووول على المشفى
وبوصول مزون توصل امهااا.. ويسيرون على طول يسالون عن سالم وميرووووة ..
والحمد الله بثنينهم ما عليهم شر .. بس مجرد اصابات بسيطة ..
تدخل الام الغرفه على اعيالهاااا ..
وتصيح من فرحتهاااا انهم ابخير .. وتبوسهم على راسهم ..
ميروووه .. اماااايه لا تصيحين حنااا ابخير ..
سالم .. السموووحه امااايه .. انا اللي خليه هالدموع تنزل بسببي ..
مزون ..اذكرو الله .. والحمد الله على سلامتكم ..
نوره .. مزون فديتج .. اتصلي على ابوج خبريه .. انا ما عرفة شووو اسوي وكيف اتصرف ..
مزون .. ان شاء الله ..
طلعت مزون بالممر عسب تكلم ابوهاااا ,.. وفجاأ تشووووف .. علي ..
علي شاب متوسط الجمال .. موظف عندهااا بالدوام .. ومعجب بمزون .. ومتزوج وعنده والد وبنت ..
علي .. عسى خير ..
مزون .. وهي ما اطيق علي بسبب حركاته معاهااا .. ماشي ..
علي.. عيل شووو اتسوين بالمشفى ..
مزون .. اخواني مسوين حادث وعندهم ..
على .. سلامات ما يشوفون شر .. تستاهلون السلامه ..
مزون .. الله يسلمك ..
علي .. يشوف مزون بنظرات غريبه ..
مزون .. ما اداني تصرفاته بالمره .. وتقوله .. عن اذنك ..
علي .. اذنج معاج الغلاااا كله ..
مزون .. تشوفه بنظرات احتقار .. وتسير الصوب الثاني ..
وتقول بقلبهاااا ياليتك مثل عبدالله باحترامه ونظراته .. وراحت تتصل الابوهاااا ..
الووووو ..هلا بابي .. اشحالك .. ترى سلوم وميروووه سوه حادث ونحنا بالمشفى .. لا لا تخاف ما عليهم شر .. هييييييييه اماية اهنيه .. خلص عيل ناطرينك .. لااا الحين بسير اشوف الدكتور لو يرخصهم .. لا حمود نتصل له بس ما يشله .. اكيييييييييد سايلنت بالكليه تراه ..
سكرة من ابوها وسارة عند الدكتور ..
............................
تدخل على الدكتور .. وتقوم من غير ما تقول شي مصدومه ..
شااافة عبدالله عنده ..
الدكتور .. تفضلي اختي امري ..
مزون .. دكتور بس حبيت اسالك لو بترخص سالم ومنيره اللي سوه حادث الصبح ..
عبدالله . . سلامات ما تشوفون شر ..
مزون .. الله يسلمك ..
الدكتور .. ان شاء الله بيظهرون ما عليهم شر .. بس المطلوب الرعايه والاهتمام والتغذيه الجيده ..
مزون .. ان شاء الله ..
وتطلع من الغرفه .. وعيونهااا ما تبغي اتفارق عبدالله ..
وبينهااا وبين نفسهاااا .. اشفيني انااا .. ولا مره قعدت افكر جي .. بس يا ناس هو حلووو ومادب وينحب من اول نظره ..
وتقطع افكارهااا ياربي انا بشووو افكر واخواني بالمشفي .. خلي عنج هالخرابيط احسن ..
وسارة عند سالم ومزون ..
بعد ساعه من القعده والسوالف .. يدخل بومحمد ..
السلام عليكم ..
الجميع .. وعليكم السلام ..
بو محمد الحمد الله على السلامه ..
ميروووه وسلوم .. الله يسلمك ..
بو محمد .. شو صار .. وكيف استوى الحادث ..
ميروووه .. طلعت سياره جدامنا وانصدمنا فيهاااا ..
بو محمد .. سلووووم كنت مسرع ..
سلوم .. لالالالالالا .. كنت اسوق اشوي اشوي بس ارتبكت وما عرفة كيف اتفادهاااااا ..
بو محمد .. كل شي ببين عقب ..
ميرووووه .. خلص مليت متى بنظهر ..
نوره .. بلللللللللللل .. بعدج ما كملتي جم الساعه ..
ميروووووه .. امااااية انتي اتعرفين انا ما احب اقعد وااااااااااايد ..
بومحمد .. الله يكون في عونج ابنيتي ..
دخل الدكتور عليهم .. واذن لهم بالخروج من المستشفى ..
.................................................. ....
محمد كان بالكليه ومب عارف بلي صار الاخوانه ..
عادل .. الحمد الله على السلامه ..
محمد .. الله يسلمك .. ليش ..؟؟
عادل .. ليش ما دريت ..
محمد .. شو وووو مستوي .. قوووول ..؟؟؟؟
عادل .. اخوانك امسوين حادث ..
محمد .. متى .. ليش محد خبرني .. صار فيهم شي ..
عادل .. شو تلفونك اكيييييييييييييد متصلين وانت ما رديت ..
محمد اطلع تلفونه .. بلللللللل 10 مرات متصلين ..
عادل .. شفت .. والحمدالله .. مافيهم الا كل خير ..
محمد .. السموووحه انا لازم اسير ..
عادل .. الله معاااك ..
في الطريج يتصل محمد بمزون ..
مزون .. هلا محمد وينك ..
محمد بالكليه وناسي تلفوني على السايلنت ..
مزون .. زين عيل شفته ..
محمد .. شو حال ميروووه وسلوم ..
مزون .. وانت شووو عرفك ..
محمد .. اربيعي خبرني .. وهذه شي ينخش ..
مزون .. الحمد الله ابخير مجرد اصابات بسيطه .. ونحنا سايرين البيت عند ابوي ..
محمد خلص عيل انا ياينكم ..
مزون .. مع السلامه ..
.................................................. ......
خليفه قاااعد مع ربعه بالميلس وعنده عبدالله ..
عبدالله .. تلفون حشرنا ... رد عليه ..
خليفه .. هذي ريم ومابا اكلمهااا ..
عبدالله .. رد عليها .. وقولها انك مشغول ..
خليفه .. ما برد خلها تولي ..
عبدالله .. البنت تحبك وما عليها زود .. ليش ما تخذهاااا ..
خليفه يطالع عبدالله بنظرات غريبه .. انا خلووووف الحلوووو اخذ هذي .. تخسي هي ..
عبدالله .. هههههههه وليش اشفيها ..
خليفه .. كل يوم مع وااااحد .. هذه اللي قاصر ..
عبدالله .. وانت مب ناوي اتكمل نص دينك ..
خليفه .. بعدني اصغير .. خلني اعيش حياتي ..
عبدالله .. الله يرزقك بالذريه الصالحه ..
خليفه .. امين .. بس اهم شي تكون طررررر ..
عبدالله .. ههه الجمال مب كل شي الاخلاق اهم ..
خليفه .. ما قلنا شي بس بعد يبالي وحده حلوه اقبلهاااا ..
عبدالله . . خلص عيل بترخص انا ..
خليفه .. توه الناس وين .. ؟؟
عبدالله .. تاخرت ..
خليفه .. هذي حيات المتزوجين ..
عبدالله .. وشفيهم بعد ..
خليفه .. ماشي سلامتك ..
عبدالله .. مع السلامه ..
خليفه .. الرب لك حافظ ..
...................................
ابيت بو محمد كل واااحد سار غرفه يرتاااح عقب ذاك اليوم الطويل ..
مزون ابغرفتهااا سرحانه ..
ميروووه .. مزون اشفيج ..
مزون .. بصراااحه ..
ميروووه .. هييييييييييييييييه ..
مزون .. ياني واحد اليوم الدوام ودخل خاطري ..
ميروووه .. خخخخخخ .. دخل خاطرج مره وحده ..
مزون .. لو تشوفينه .. اخلاق وادب وغاااوي ..
ميروووه .. كلهم جي .. اونهم حبابين ومحترمين.. وهم من تحت لتحت ...
مزون .. الا هذا .. احساسي ما يخيب ..
ميرووه .. مزون لا تحلمين واااايد .. وتذكري .. احمد ..
مزون .. افففففففف ....لا تذكريني ..
ميروووه .. باقي له اشهر وبيرد ..
مزون .. الله كريم ..

من هو احمد ..؟؟
ومنو اللى خذ قلب مزون بهالسرعه .. ؟؟

[Just_me]

ما شاء الله عليج اختي

بس لو تكتبينه بموضوع مستقل احسن

وشكرا

[خيماوية دلع 99]

ما شاء الله عليج اختي

بس لو تكتبينه بموضوع مستقل احسن

وشكرا

مشكور ع التواجد ..

انا للحين ما خلصة كتابتهاا
انا يوم اكون فاااضية بدوامي اكتب .. وبسسسسسس ...

[خيماوية دلع 99]

وفي صباح يوم الجمعه الكل كان راااااقد .. ابيت بو محمد ..

بو محمد .. صباااح الخير ..

نوره .. صبااح النور .. اشحالك ..

بو محمد .. الحمد الله .. اشلون لعيال ..؟؟

نوره .. الحمدالله .. والحين رااااقدين ..

بومحمد .. طول الاسبوع دوامات وهذه يوم راحتهم .. خليهم رااااقدين .. بس وعيهم عند الصلاه .. اليوم جمعه ..

نوره .. ان شاء الله ..

شوي .. وينزل محمد من فوق .. السلام عليكم ..

الالثنين .. وعليكم السلام ..

نوره .. شووو مقومنك من الصبح .. ليش ما ترقد ..

محمد .. عندي اشوية اشغال بخلصهااا وبرد ارقد ..

نوره .. على خير انشاء الله ..

ميروووه اتزاعق .. قامووو الجميع ابسرعه لهاااا ..

بومحمد .. اشفيج عسى خير ..

ميروووه ... بل كلكم .. ماشي بس كنت .. ؟؟

محمد .. الله ياخدج خوفتينا .. ما تعرفين تنادين بصوت واطي ..

ميرووووه .. لااااا منو بيسمعني ..؟؟

نوره .. خير بنتي شووو بغيتي ..

ميروه .. اربيعتي بتزورني .. جهزو اعماركم ..

محمد .. شووووو بنفرش لها الارض زهور وورود ..

ميروووه .. حمود بلا مصخره .. ما ارضى عليهااا تراني ..

محمد .. ان ما عندي سالفه يوم ارمس وحده خبله شراتج ..

ميروووه .. انزين يصير خير ..

محمد .. يالله انا بطلع امااااية تمرين على شي ..

نوره .. سلامتك .. الله معاااك ..

وطلع محمد متكشخ على الاخر وناطر اربيعه يمره ..

سمع صوت سياره نش من مكانه ساير صوب الباب .. اول ما فتح الباب انصدم ..

شااااف بنت طويله القامة لهااا عيون وساااع .. تبهر من يشوفهاااا ..

البنت .. السلام عليكم ..

محمد وهو مرتبك .. وعليكم السلام .. اتفضلي ..

عهود .. مشكور اخوي ..

دخلت عهود وكانت معاهااا وحده ثاااانيه بس هب بجمالهااااا ..

محمد قعد يفكر امنوووو هالبنت ..؟؟

وسار بشغله ..

عهود السلام عليكم ..

نوره وعليكم السلام .. هلا ابنيتي اشحالج .. هلااا عنود اشحالج انتي ..

عنود .. ابخير .. خالتي .. ميروووه اشحالهااا ..

نوره .. الحمد الله ...

عنود .. خالتي .. هذي اختي عهود ..

نوره .. هلا والله .. السموحه بنتي اشجالج ما عرفتج وشحالج اهلج ..

عهود الحمد الله .. وامي اتسلم عليكم وتتحمد لك بالسلامه ..

نوره .. الله يسلمهااا ويسلم غاليهاااا ..

مزون .. هلا والله هلاااااا ..

عهود انصدمه ..

مزون .. لا تكوني ما عرفتيني ..

عهود .. مزون .. وتبتسم .. اشحالج ..

مزون .. الحمد الله .. عاااااااش من شافج ..

عهود .. عاااشت ايامج .. يالله بعد هالعمر اشوفج ..

مزون .. الدنيا اصغيره ..

نوره .. ما شاء الله تعرفون بعض..

مزون وتضحك .. امااايه انا وعهود كنا ايام المدرسه مع بعض وبعدهااا افترقناااا ..

نوره .. الله لا يفرقكم ويجمعكم على الخير ..

الجمين .. ان شاء الله ..

ميروووه .. تسمعهم وتزاعق من غرفتها اااااااااااااااااااااي .. نستوني شووووو ..

عنود .. فديت اربيعتي انااااا بسير لهاااااا ..

دخل الجميع على ميروووه .. السلام عليكم ام السانين .. ميروووه وعليكم السلام هلااا والله ..

عنود .. الحمد الله على السلامه .. ماتشوفين شر ..

ميروووه .. الله يسلمج ..

عهود .. سلامات ..

ميروووه .. الله يسلمج .. انتي عهود .
.
عهود .. هيييييييييه .. ليش سامعه عني ..

ميروووه .. هههههه هيييييييييه .. وااايد عنود تتكلم عنج ..

نوره .. بخليكم تاخذون راحتكم ..

عهود .. تفضلي خالتي ..

مزون .. عهود اشرايج .. نطلع بالحديقة نتكلم من متى هب شايفين بعض ..

عهود .. اوك ..

عنود .. احسن احسن .. بناخذ راحتناااا ..

ميروووه ..بينا اسرار .. هههه

وتطلع مزون مع عهود .. بالحديقه ..

عهود .. ها مزون خلصتي دراسه ..

مزون .. خلصه وصار لي سنه اداوم ..

عهود .. كيف جي .. ؟؟

مزون .. كنت ادرس وتوظفة بنفس الوقت ..

عهود .. احسن لج .. انا دايخ راسي ادور على شغل هب لاقيه ..

مزون .. لو عندج واااسط .. بتمشين على طووول ..

عهود .. الله يرزقناااا بحلاله ..

مزون .. انزين وشوووو اخبارج بعد .. ؟؟

عهود .. ماشي والله .. شو صار بموضوع احمد ..

مزون تتنهد .. ما اعرف للحين ما رد ..

عهود .. ما بافي له شي صح ..

مزون .. جم الشهر وبرد ..

عهود .. مزون احمد ولد عمج ويباج من كنتو اصغار ..

مزون .. بس احمد مغازلتي ومب امخلي بنت بحالهااا .. وانا ما احبه ..

عهود .. نحنا بمجتمع ما يعرف الحب ولا غيره .. نمشي على العادات والتقاليد ..

مزون .. هذا بالاول .. نحنا الحين بعصر ثاااني ..

عهود .. مهما كان هالعصر ما بغير العادات والتقاليد ..

مزون ... خليهااا ع الله .. شو اخبار محمد ..؟؟

عهود .. وتدمع عينهاااا ..

مزون .. اشفيج عهود ..

عهود .. محمد الله يرحمه ..

مزون .. منصدمه .. توفي متى .. وكيف ..؟؟

عهود .. محمد تعرض لحادث قبل الملجه باسبوع وتوفى على طول ..

مزون .. الله يرحمه ويكون في عونج ..

عهود .. هالشي صار له سنه ونص ..

مزون .. وشووو ما نويتي ع الزواج عقبهااا ..

عهود .. وااايد تقدموا لي بس قلبي مع محمد .. واندفن معاااه ..

مزون .. الله يرزقج ولا تفكرين جي .. هذا الدنياااا ..

عهود .. ما اظن بفكر بالزواج من بعده ..

مزون .. لا تحطين هالافكار براسج ..

يقطع حديثه دخول محمد .. السلام عليكم ..

عهود تمسح دموعهاااا .. وعليكم السلام ..

محمد لاحظ هالدموع .. السموووحه على لازعاج ..

مزون .. لا ازعاج ولا شي ..

عهود كانت ساكته ومحمد يشوفها بنظرات الاعجاب ..

مزون .. شووو وااايد بتم واقف ..

محمد حس بالاحراج وسار ..

عهود .. حرام عليج احرجتيه ..

مزون .. لا احراج ولا غيره ..

تطلع عنود من باب الصاله وتناديهم ..

عهود .. خير عنود اشفيج ..

عنود .. تاخرنا وامي حشرتني بالفون ..

مزون .. تشوف الساااعه .. مر الوقت ابسرعه وما حسيناااا ..

عهود .. القعد معاج ما تنمل بس لازم اسير .. السموحه وبينا فون ..

مزون .. ان شاء الله ..

.....................................

خليفه قااااعد يفكر بمزون والاول مره يحس بشي اتجاه بنت .. بالعاده كل بالبنات سوى .. وحده داخل بحياته والثانية طالعه .. الحياة حلوووه .. وبسسسسسسسسسسسسسس .. هذه نظرته للمستقبل .. بس بينه وبين نفسه انا الحين 29 سنه يعني هب اصغير والمفروض اللي بسني يتزوج وكون عنده اعيال .. الين متى بظل عزابي .. ؟؟؟ وتم يفكر يفكر الين ما حس بالرقاد ونااااااام ..

...............................

ريم كانت بالمول مع ربيعاتهاااا .. وشافة عبدالله مع زوجته واعياله الثلاث .. راحه صوبهم .. للعلم ريم بنت حلوووه بس ما يهمهاااا شي عااادي عندهااا اي شي ترى الاخ هب مواطنه (( مع احترامي للجميع )) ومحد يعرف بها الشي الكل عى باله مواطنة من شيلتهااا ع نص الراس والعباااه الحاملة كل الالوان والاشكال وكلامها اماراتي بكل معناه ..
ريم .. السلام عليكم ..

الجميع .. وعليكم السلام ..

ريم .. اشحالك عبدالله ..

عبدالله .. وهو كان معصب .. الحمد الله .. خير تامرين على شي ..

ريم .. سلامتك .. بس كنت ابغي اسألك عن خليفه ..

زوجه عبدالله كانت ساكته وااااااااااااااااصل حدهااا من تصرف ريم ..

عبدالله .. ما اعرف عنه شي ..

ريم .. تراني اتصل له وما يرد .. لا يكون مستوي له شي ..

عبدالله .. لاااا خليفة ابخير ويسرج حاله .. وانا مالي شغل بلي بينكم .. لا تدخلين بها الامور لو سمحتي ..

ريم .. خلص انا ساير وسلم عليه وااااااااااايد وااااااااااااايد .. وخله يرد علي فوناتي ..

عبدالله .. ان شاء الله ..

وسارة ريم .. وخلت عبدالله بحاله .. زوجته ترمقة بنظرات غريه .. قطع الشر وقالهاااا ..
انا ما يخصني بشي .. هذي اربيعة خلوووف ...

زوجته .. وهي شووو عرفهاااا بك ..

عبدالله .. شافتني كذا مره معااااه .. وبقلبه يقول انا اليوم شو بفكني .. الله يهديك خلوف حطيتني بموقف لا احسد عليه ..

زوجه .. يالله نسير ..

عبدالله .. توه الناس لعيال بعدهم ما استانسواااا ..

زوجه .. عصبت وقامت من مكانهاااا ..

عبدالله اخذ لعيال وراح السيارة ماله نفس لمشاكل ومرته من النوع الواااااااااااااايد غيور وما تتفاهم .. وزواجهم كان عن طريق الاهل
بس عبدالله كان يحبهااااا وعنده الجواهر الثلاث اللي يموت فيهم .. حمود وعمور وعلوه ..

.................................................. ..........

مزون كانت قاعده بالصاله تشوف التلفزيون ..

وشوي تشوف حمود عندهاااا ..

مزون .. غريبه اليوم ما ظهرت مكان هب عوايدك ..

محمد .. مالي خلق شي احس نفسي تعبان اشوي ..

مزون .. سلامات ما تشوف شر .. ايب لك شي ..

محمد .. لا مشكوره فديتج ..

مزون .. فديييييييييييييييييتج .. هب العواااايد .. شوووو السالفه اليوم ..؟؟؟؟

محمد .. ويبتسم ابتسام غريبه .. ماشي ..

مزون .. بخاطرك شي قووول ..

محمد .. صراااحه ..

مزون .. هيييييييييييييه .. قووووووول ..؟؟

محمد .. منو اللي كانت الصبح عندنااااا ..

مزون .. اهاااااااا .. عهود قصدك ..

محمد .. اسمهااا عهود .. عااشت الاساااامي ..

مزون .. لا تخاف اخوي مب شرات ناااسك .. ولا تحطهااا ابالك ..

محمد .. شووو تقصدين .. انا ما قلت شي ..

مزون .. ربيعاتك ..

محمد .. اسكتي لا يسمعج احد.. هذيل الغير فرند بس

مزون .. شوووو تبغي بالضبط ..

محمد .. صراااحه البنت عجبتني .. وابا اكمل النص الثاني لي ..

مزون .. تشوووف محمد بنظرات استغراب اول مره تسمع هالرمسه ..

محمد .. ليش اطالعيني جي .. قلت شي غلط ..

مزون .. لااااا .. بس كيف بتصرف عليهااا انا شاء الله ..

محمد .. شووو تقصدين ..

مزون .. بتاكلهااا بروجمتات .. وبتسكنا بموترك ..

.... خخخخخخخخخخخخخخخخخ

محمد يصد ورا عسب يشوف منو اللي يضحك ..

سالم .. انا انا ..

محمد .. وحمى تاخدك .. انت من متى قاعد ..

سالم .. من اول الحديث ..

محمد .. اسكت وما يخصك بشي ..

سالم .. اخوي بيتزوج واسكت .. وانا متى بعد ..

مزون .. شووو انت ناوي تتزوج بعد ..

سالم .. ابعيد الشر .. شوووو ابغيهاااا ..

محمد .. المهم فكنا وروح جابل ادروسك احسن لك ..

سالم .. احم احم .. منو يتكلم ..

محمد .. بتقوم او اقووووووووووووم لك ..

سالم .. خلص خلص بسير.. بس لا تنسون خبرونا بالتفاصيل ..

محمد .. والله فااااااضي ..

مزون .. اخوي البنت ما تصلح لك ..

محمد .. وليش ..

مزون .. وانت بعدك ما تشتغل وما اظن حد يرضى يزوج بنته لطالب على مقاعد الدراسه ..

محمد .. مو مشكله من باجر بدور لي وظيفه .. الف مكان ومكان بحصل .. وشركات ابوي موجوده وما بقصر ..

مزون .. شووو الاحلى تصرف من جيبك . . او تعتمد على غيرك ..

محمد .. لضرورة احكام ..

مزون .. فكر عدل قبل لا تنوي اي شي ..

محمد .. صراااحه انا البنت حطيتهااا ابالي .. وما بغير رايي ..

مزون .. كيفك ..

محمد .. انزين ليش ما تجسين نبضهاااا ..

مزون . .شوووو دكتوره قالوووو لك ..

محمد .. بس عااااااااااااااد لا تتمصخرين ..

مزون .. محمد الزواج مب بيوم وليله فكر وعقب بنتفاهم ..

محمد .. يالله انا بسير احط راسي الصبح وراي كليه وانتي دوام بعد ..

مزون .. هيييييييييييييييه .. اسير ارقد احسن ..

محمد .. تصبحين على خير ..

مزون .. وانت من اهله ..

وسار كل واااحد غرفته ..

ميرووووووووووووه كانت قاااعده عالمسن وترمس اربيعاتهاااا ..

مزون .. ميروووه يالله ابا ارقد ..

ميرووووه .. توه الناس بعده وقت ..

مزون .. تراج ما تسيرين المدرسه .. والصبح ارقاد وانا عندي دوام ..

ميروووه .. خلص خلص .. برقد .. وباجر بسير المدرسه ..

مزون .. زين زين ..

.................................................

في بيت عبدالله ..

زوجته ساره .. عبدالله وديني بيت هلي ..

عبدالله ويبطل اعيووووووووووووني على الاخر ... ليشششششششششششششششششش.؟؟؟؟؟؟؟

ساره .. بس تعب منك ومليت ..

عبدالله .. انا شووو سويت ..؟؟

ساره .. عبدالله انت ما خذيتني عن حب ولا تباني وتخوني ..

عبدالله .. لاااا .. هذي هب كلام .. وانا يوم خذتج كنت راضي فيج .. والله رزقنااا بهالعيال .. شو ذنبهم على ابسط الامور تزعلين وتسيرين بيت اهلج ..

ساره .. انا بسير بيت هلي وانت تهنى مع راعيه المول ..

عبدالله .. اهااااااااا .. حطي عقلج براسج وفكر زين .. ريم ربيعه خلوووف وانا والله ما يخصني فيهااا ..

سارة طنشة كلام عبدالله اخذخ اعيالهاااا وراحه مع اخوهااااا بيت اهلهااا .. قعد عبدالله بالصاله يفكر بحياته ..

سارة ما تتفاهم بالمره وعلى ابسط الاشياء تزعل انا ما مقصر معاها بشي .. شووو اسوي يا ربي .. وشوي يسمع صوت التلفون ..

الوووووووووووو ..

عبدالله .. هلا هلا ..

خليفه .. افااااا اشفيك اتقولهااا من غير نفس ..

عبدالله .. ماشي .. بس مضايق اشوي ..

خليقه .. خير اشفيك عبدالله ..

عبدالله .. المره شله اغراضها وسارة بيت اهلهااا ..

طبعاااا عبدالله وخليفة رابين مع بعض ويعرفون كل شي عن بعض ..

خليفة .. وشووو صار هالمره بعد ..

عبدالله .. شافة ريم بالمول وكلمتني وزعلة ..

خليفة .. ريم .. هلانسانه ما اعرف شووو اسوي معاااها .. بس لازم اتفاهم واوقفهااا عند حدهااا .. ما خلة حد ما سألته عني ..

عبدالله .. شووو صاير معك بعد ..

خليفة .. كل واااحد يتصل من الشباب ريم تسأل عنك وريم تسأل .. طفرررررررت ..

عبدالله .. قلتك البنت تحبك وخذهاا ..

خليفة .. تخسسسسسسسسسسسسسسسسسسسسسسسسي .. هيه ..

عبدالله .. كيفك ..

خليفة .. السموحه عبدالله .. خربت عليك مع زوجتك ..

عبدالله .. عاااااااااااادي متعود عليهااا ..

خليفة .. الله يكون في عونك ..

عبدالله .. وعون الجميييييييييع .. يالله بخليك الحين بسير ارقد الصبح دوام ..

خليفة .. بااااي ..

...................................................

مزون طالعه من البيت وسايره دوامهاااا بسيارتهااااا .. وفي الطريج توقف السياره ..

مزون .. الله ياخذك من هندي اتصلح شي ويخرب شي .. شوووو اسوي انا الحين ..

اشوي وتوقف موتر عدلهااااااااا ..

وينزل واااااحد وسيم منهاااا .. شاب اسمراني .. بعيون عسليه وساااع ..

مزون .. تبطل عيونهااااا مصدومه ..

.............. السلام عليكم .. اشحالج ..

مزون .. وتتكلم بارتباك .. وعليكم السلام .. اشحالك انت ..

..... ..... عسى خير اشفيها سيارتج ..

مزون .. ما اعرف ..

............... ممكن اشوفهاا لج ..

مزون .. اتفضل ..

............ اقوووووووول .. خذي سيارتي الحين ..

مزون .. لا لا ..بتصل لمحمد بوصلني ..

........... مافي داعي محمد بالكليه وانا موجود الحين ..

مزون .. وسيارتي ..

............ انا بتصرف فيهااا ..

مزون .. خلص عيل بخليك تاخرة على دوامي ..

وتروح ابسرعه وتتصل لعهود ..

الووووو ..

عهود .. هلا مزون اشحالج ..

مزون .. الحمد الله .. اشحالج انتي ..

عهود .. طيبه طاب حالج ..

مزون .. آآآآآآآآآآآآآآآآآآآآآآه يا عهود .. تدري منو شفة ..

عهود .. امنووووو ..؟؟؟

مزون .. احمد ..

عهود .. شووووووووووووووو .. ومتى رد .. وكيف .. ؟؟

مزون .. ما اعرف متى رجع اكييييييييييييد عندعنده اجازه ..

عهود .. وين شفتيه .. كلمتيه .. خبريني بالتفاصيل ..

مزون .. سيارتي وقفة على بنص الشارع وهو وقف لي يوم شافني .. عطاني سيارته وسرت ..

عهود .. والحين شو بتسوين ..

مزون .. ما اعرف ..

عهود .. خلي كل شي ع الله والمكتوب بصير ..

مزون .. والنعم بالله ..

...................................................

بومحمد بالبيت ينادي نوره ..

نوره .. لبيه .. امرني ..

بو محمد .. ما يامر عليك ظالم .. بس اخوي البارحه كلمني عن مزون ..

نوره .. مزون واحمد ..

بو محمد .. هيييييييييه ..

نوره .. انزين .. هو خلص دراسته ..

بو محمد.. باقي له كم الشهر وبيرجع .. والحين موجود بالديره عنده اجازة اسبوعين ..

نوره .. وشوووو بتقول لمزون ..

بومحمد .. يوم بترد من الدوام نتفاهم ..

نوره .. بس مزون رافضه الفكره من البدايه ..

بومحمد .. هذه اخوي وصعب ارده ..

نوره . وبنتي ما اقدر اجبرهااااا ..

بومحمد .. الله كريم ..

...............................................

عبدالله تم راااقد بالبيت وما سار الدوام بسبب تصرف زوجته كان ضاااايق من الدنيا وماله نفس بشي .. ويرن تلفونه ويرد ..

الووووووووووووو ..

يسمع صوت هااادي ورقيق .. السلام عليكم ..

عبدالله .. وعليكم السلام هلاااا .. امنو معااااي .. ؟؟

.............. هلا فيك زود .. عفوا هذه مب تلفون فتون ..؟؟

عبدالله .. لا اختي غلطانه ..

................ السموحه ..

عبدالله .. مسموحه بالحل ..

.......... مع السلامه ..

عبدالله .. الرب لج حافظ ..

وشوي ويسمع جرس الباب .. ويسير عنده .. يبطل الباب يشوف خلووووف ..

هلا هلا هلا الغااااايب ..

عبدالله ... هلا والله ..

خليفه ..اشحالك ..

عبدالله .. الحمد الله .. تفضل ..

خليفة .. زاد فضلك ..ونقص زعلك ..

عبدالله .. هههههههههه

خليفة .. الدنيااا ما تسوي تسوي بنفسك جي ..

عبدالله .. يا اخي مليت ولصبر احدود ..

خليقة .. اصبر هذه مفتاح الفرج ..

عبداالله .. ع اتفه الاسباب تزعل وتسير .. الين متى بظل انا ع هالحال .

خليفة .. اذكر الله .. انتو بينكم اعيال .. راعوهم اشوي ..

عبداالله .. آآآآآآآآآآآآآآآآآآآآآآآآآآآآخ آآآآآآآآآآآآآآآآآآآآآخ وهذه اللي امصبرني اعيالي ..

خليفة .. حول تفهمااا وتوضح لها اللي بخاطرك ..

عبدالله .. الحياة اخذ وعطى وهي على الدقه بتتنرفز ..

خليفة .. يالله .. شو تسوي بعد هذا نصيبك ..

عبدالله .. اشرايك نطلع مليت من القعده ..

خليفه .. وين بسير ..

عبدالله .. ما ادري ..

خليفة .. بخذك مكان تنسى فيه اهموم الدنياااا ..

عبدالله .. يالله ..

خليفة .. لحظه اول شي جهز لك جنطه الاسبوع ..

عبدالله .. كيف .. وليش .. والدوام ..

خليفة .. الحين بنمر الدوام وبنخذ اجازة اسبوع ..

عبدالله .. اوك ..

وطلع خليفة وعبدالله وسارو على جزيره .. بعيد عن الازعاج الى الراحته النفسيه والشواطى الحلوووة .. ولاسترخاء ..

...........................

محمد كان سرحان طول لكلاس .. عااادل .. حمود اشفيك ..

محمد .. ولا شي بس انا قررت ادور لي وظيفة ..

عادل .. اصبر ترانا باخر سنه .. خلص وعقب دور ..

محمد .. لا من الحين بدور لي ..

عاادل .. على خير ان شاء الله ..

ومحمد طووووووول الوقت كان سرحان بعهود .. ويبغي ايسوي المستحيل بس عسب يوفر لها مسكن وعيشه هنيه رغم ان ابو رجل اعمال معروف .. عهود دخلت قلب محمد على طول بهدوئهااا وبساطتهااا وجمااااااااااالها اللي انبهر فيه امحمد ..

............

مزون رجعة من الدوام على الغدى ..

بو محمد .. مزون .. ابغي اتكلم معاج بموضوع ..

مزون .. تفضل ابوي امرني ..

بو محمد .. احمد يبغيج ..

مزون .. وما تقدر تبلع اللي بحلجهاااا .. هاااااااااااااااا

بو محمد .. بنتي ولد عمج رايدنج ..

نوره .. خلي الموضوع لبعد الغدى ..

بو محمد .. فكري بالموضوع ..

مزون .. ان شاء الله ..

ميرووووووه .. الله يكون في عونج اختي ..

مزون .. عقب عقب .. نتكلم ..

خلصوووو غدى وكل واحد سار داره .. سلوووم الكل بيتزوج بالبركه ..

ميروووه .. اسكت لاااااا .. انت بعدك ما تعرف احمد ..

سالم .. يمكن انصلح حاله عقب ما سافر ..

ميروووه .. ما اظن ..

مزون .. والدمعه على خدهااا .. انا ما ابغي احمد .. شووو اسوي ..

ميروووه .. عادي .. اختي ما بتاخذينه لو ما تبغي .. محد بيجبرج ..

مزون .. بس ابوي ما ابغيه يزعل مني ..

انسي السالفه الحين .. وارقدي .. تعبانه تراج ..

سالم .. خلص انا ساير غرفتي ..

ميروووه .. فارج وفكنى من حشرتك ..

مسحته مزون دمعتهاااا وظلت بفراشهاااا طول اليوم ..

...............

خليفه .. هاااااا عبود اشرايك ..

عبدالله .. صراحه الجو حلوووه والمكان احلى وتحس بالاسترخاء ..

خليفة .. لازم افكار خلوووووووف دوم غاويه شراته ..

عبداالله .. بسك عاااد ..

خليفة .. وااااي الحب يتصل ..

عبدالله .. امنووو بعد ..

خليفة .. وحده يديدة .. بعدهااا الحين نازله الاسواق ..

عبدالله .. الله يكو ن في عونك .. كيف اتلحق عليهم ..

خليفة .. عااادي اربيعك .. شاطر ومخطط ذكي ..

وسار يكلم اربيعته وترك عبدالله بالشاليه قاعد صوب البحر ..

وشوي يسمع تلفونه ..

يشوف مسج من رقم غريب .. آآه من قلب حبك وعشقك حتى الجنون .. روحي هامت في روحك وكتبت لك اسمى الحروف ..

قلب تعلق بك وما عرف كيف الخلاص .. وعين تدمع وجرح ينزف لبعدك ..تعال ضمني بين الاجفان والضلوع واكتب على صفحه

القدر واكسر كل القيود ..

يرد عليه بمسج ..يلي ترسلي حروفك مب ناوي تكشفلي من تكون ..

يرد عليه الرقم الغريب .. اخاااف لو كشفة من اكون تحكم علي بالبعد وتميحني من قلبك الحنون ..

عبدالله .. لا تخاف وترسم البعد اول الطريج .. افتح لي قلبك وانا لك اصون ..

.......... عاااهدني بقلب يحب وما يخون وينثر على دربي احلى الورود ...

عبدالله .. عهدا علي احفظك بس على حيرتي ترد وتقول ..

................ انت تامرني يا بعد هالكون

عبدالله .. جاوبني من تكون ...؟؟؟؟


........... خلي عندك صبر والمكتوب بيظهر وببان بيوم ..

يرد عليه .. بمسج ... وظل على هالموال يتبادلون مسجات وعبدالله مب عارف امنو ..