في الويكند ب 400درهم

[بنت جميرا]

السلام عليكم ورحمة الله وبركاته

اليوم الله يسلمكم سرت دبي مول اتسوق وياهليه امايه وخواتي
ويوم خلصنا قلنا بنطلب كوفي تيك اوي (منقود نيلس في الكوفي شوبس )خخخخ

عاد الله يسلمكم هاذا الكوفي شوب اسمه moreفي اللور جراوند وانا اطلب اشوف ساااتووول من الاجانب كل الجنسيات والفضووووووول جتلني خخخخخ ويوم اتخبرت قالوا

هذا الكيو لحجز تذاكر برج خليفه واليوم لانه ويكند التذكره باربع اميه خييييبه العربيه ارخص بتوديكم المدينه ههههههههههههههه

عاد معظمهم حجزوا التذاكر حق باجر بأميه بس

واترشيت امايه نسير قالت :حشا علينا هب مينن نحن بيطيح لبنا اللفت قبل لانوصل في القمه ههههههههههههههه

وسلامتكم

[العنود]

ههههههههههههههه
تسلمين

[%غمـــازة%]

[align=center]

400 !!

أحسه وااااااااااااايد

زين خبرتيني ،، بروح خلال الإسبوع أحســــــن .. ..

thanks عالمعلومـــــــة .. ..

[/align]

[عيمانيه اسبشل]

وين انا وين برج دبي مالي غير برج عيمان ابلااااش ههه

[الأغين]

الأسباب تنظيمية أكثر من كونها تجارية

موقع برج خليفة في مكان حيوي في دبي وأغلب الزوار يفضلون الويك إند للخروج والترفيه

ولو ظلت التذاكر في الويك إند مثلها مثل باقي الأسبوع .. بيصير تزاحم شديد في هالمنطقة..

بنظري القرار في محله ...!

[بنت جميرا]

الأسباب تنظيمية أكثر من كونها تجارية

موقع برج خليفة في مكان حيوي في دبي وأغلب الزوار يفضلون الويك إند للخروج والترفيه

ولو ظلت التذاكر في الويك إند مثلها مثل باقي الأسبوع .. بيصير تزاحم شديد في هالمنطقة..

بنظري القرار في محله ...!

ماشاء الله عليك
تفكير سليم كيف مايا في بالي ؟

[alawy911]

حتى ها البرج دخوله بـ تذاكر

[دبلوماسي]

ههههههههههههههه مشكوره

[بوحارب الفلاسي]

انا اشوف انه الاسعار في المتناول مب الا في برج دبي

عندنا الفنادق الراقيه في بوظبي تكلفتها تزيد في الويك ايند

عن بداية الاسبوع ، مب شرط عسب الازدحام بس

انه هالاماكن ترويج للسياحه ف اذا ظلت نفس الاسعار ماشي فايده ولا شي

عائد من ورا هالاماكن ومعروف انه الواحد اللي يبا

يستانس بيدفع

وبرج خليفه مكان يستاهل ان الواحد يدفع فيه

وان شاء الله تعالى لي زياره قريبه له

[بني ياسية]

أنا كنت ناوية اعزم ال 11 نفر الي فبيتنا على حسابي نسير نتقزر في برج خليفة في الويكند، بس ما دام ان الوضع جي بوديهم حديقة بني ياس والدخول بدرهم في جميع أيام الأسبوع .