لو كنت

[العم ذهب]

لو كنت مدير النادي الي اتشجعه شو تقدم للفريق وشو بتسوي
هل ستستقطب لعيبه ام ستهتم بالمراحل السنيه
شو بتسوي مثلا؟

[ملك بدون مملكه]

الموضوع سالفته طويله ........ بس انته عطيت بشكل عام ....

يعني بمثل وضع نادينا .... صعب جدا ...لازم تتوفر الماده قبل ..ونحن ماعدنا ميزانيه ولا دعم ...

اهم شئ الكادر الاداري المتكمن الفاهم المتعلم المثقف القادر على حمل المسؤوليه ..ويكون بقلبه حب اسم النادي والنادي....

عقب بيي الاهتمام اول شئ المراحل السنيه ..مدربين اكفاء و توفير الراحه ..والاهتمام فيهم بالدراسه وعقب الاخلاق وعقب اللعب ...

تثقيفهم .....

تطوير النادي بكل شئ المباني الملاعب ...زرع اسم النادي بقلب اللعبيه ..لازم يكون اللعب بروح تحب الفانيله وشعارها ..بروح قتاليه غيووره تتطلع للفوز

يكون الكادر الاداري اييد وحده بينهم الحب والموده والاخلاص والتفاني ...وكل الفرق تكون اييد وحده

الكلام وايد ..وماتخيلت عمري مدير ولا يخصني بس احس هالاشياء لازم تكون مهمه بكل نادي ..لكي يكون ناجح...

بالتوفيق لنادينا .....

[وحداويه]

هلا
اول شي مستحيل طبعا تكون حرمه مديره نادي ريايل بس ان احس انها قدها
يعني خل يجربون الحريم يمكن يقدرون يسون شي ما يسونه الريايل

ههههههههه الفكره تضحك صح

المهم لو كنت مديرة نادي اللي انا اشجعه انا اوافق اخوي ملك بدون ممكله بافكار

يعني لازم لازم اني ازرع اسم النادي وحبه فيهم
وابين لهم انهم ناس قادرين على الفوز بسهوله

اتمكن من روح الفريق نفسه اخليهم او احسسهم انهم يد وحده يهتم كل واحد منهم لثاني
اشاركهم باللعب والسوالف والتدريبات بعد

اسويلهم دورات تدريبه خارجيه او حتى داخليه
احوال قد ما اقدر اني اخليهم يلعبون مع انديه من مختلف المستويات والدرجات طبعا ودي

قبل كل مباره بحاول اني ابعد عنهم اي شي يمكن انه يضيع تركيزهم وانا صار يكون في معالجه سريعه للوضع علشان اللعيبه يدشون اللعب وهم مرتاحين

بحاول قد ما اقدر اني ما اغير لهم المدرب عشرين الف ممره فالسنه لانهم بهالحاله تيشتون
فاذا المدرب غلط بشي بنحاول انعدل معاه الغلط مب نشله ونيب واحد يديد كل مره

اكيد اذا فازو يكون هناك دعم مادي(ومب بس بيزات وسياير في اشياء ثانيه بعد ) او معنوي لهم

وطبعا طبعا انه هذا لازم يكون بتوافر الماده فالبدايه حتى لو كانت جليله بس اتكفى لان اللعيبه هم اللي بيزيدونها بتجاحاتهم انشالله

اوووووف انا وااايد حلمت

السموحه طولت عليكم