الفـرق بيـن موبـايـل البنت وموبـايـل الولد..!؟

[~{فيونكهـ وصلآويهـ]

الفرق بين موبايل البنت وموبايل الولد


اولا نبدأ بموبايل البنات


(( الشكل الخارجي ))


اللون احمر او وردي او ابيض

اكسسوارات حتى في الموبايل <<<<<الحمد لله ههههه

ملصقات حروف وغيرهن وغيرهن


(( الشاشه ))


خلفيه خطيــــــــرة من قدهن البنات( قلوب ، دباديب ، ورود: ،...الخ)>>>>>لاتعليق

(( الأسماء ))


تريزه راعية الشباصات والخرز

ام احمد راعية الدخون والعطور

حنان شقير صالون

ام محمد للحناء

مكتب الخادمات

مدام عزه (مناكير وبنت عمها المناكير ...والله ما اعرف كيف يقولونها ههههههه)

ام هلال..(طبها هذي الجاره العزيزه اللي تعطيها النشره اليوميه اللي تصير في الحاره )

عزيزه (هذي عاد طباخة البيت ...اللي تجي تطبخ وتروح ههههه)


(( المسجات ))


كلها مسجات حب وغرام وغزل (يعني كله رومانسي برومانسي ) هههههههه

(( المنبه : ))


ماشاء الله عليها تضبط المنبه على الساعة 7:00 الصبح

(( مدة بقاء الموبايل ))


ما شاء الله كل 6 شهور تجديد الموبايل ( تهتم بالموبايل اكثر من اسنانها ) هذا اذا ماكان كل شهر

(( مكان وضع الموبايل ))


طول اليوم في اليد ،،، بس الفتره اللي تكون فيها نايمه ،،يكون الموبايل تحت المخده ههههههههههه



احم احم لاتضحكون يا شباب جايكم الدور ....

نبدأ بالشباب ::

(( الشكل الخارجي ))


رضوض وتكسير

اللون صار رمادي من كثر الرمي


(( الشاشه ))


غير انها مكسره ..طبعا بتكون سوده

خلفيه تخوف و احيانا تكون من دون خلفيه


(( الأسماء ))


محمد راع الكراج

ابوعوض الحلاق

حسين الكافيتيريا

موسى راع المغسله

مصطفي الكواي

علي راع المقهى

الصناعية ((موتهم الاولاد شيء اسمه صناعيه ،،،ماشاء الله مداومين هناك اكثر من ما مداومين في اشغالهم))

حمدان راع الدكان


((-الاصدقاء- ))

بو كرش

بو ضرس

بو كشه

بو صلعه

القصير

الجبنه

سنفور بيبي ( هذا اللقب حق اللي يرجع البيت الساعة 9:00 يعني ولد امه)

الكيكه

التكسي


(( المسجات ))


كلها سب وضراب ...ونكة وتطنيز >>>>على فكره هذي مسجات العزابي

اما مسجات العاشق الولهان ...تختلف عن هذي 360 درجه ههههههههههههه


(( المنبه )):


ماشاء الله عليه مايضبط المنبه الا على الساعة 3 او 4 العصر ههههههههه

الحمد لله ....سهر الليل ورقاد الصبح


(( مدة بقاء الموبايل ))


تتراوح المده مابين السنتين الى الثلاث سنوات

هذا اذا ما ضاع الموبايل >>>>>كيف يتحملون الاولاد مقابلين نفس اللوك ثلاث سنوات


((مكان وضع الموبايل ))


في السياره طول اليوم او في الجلسه اللي يجلسون فيها الشباب

وقت النوم ....تعرفون وين الاولاد وقت النوم يحطون الموبايل

وقت النوم يتبرون الاولاد من شيء اسمه موبايل ،،،ليش،،؟!؟!

علشان الوالده الله يطول في عمرها ماتقومهم بالموبايل وتحشرهم من كثر ماتدق علشان
يقومون يصلون هههههههههههه :..يعني يحطونه في مكان بحيث مايسمعون صوت الموبايل



اتريــااا ردودكــمـ ..

[رمساويه بالروح]

اولا نبدأ بموبايل البنات


(( الشكل الخارجي ))


اللون احمر او وردي او ابيض(تليفوني اسود)


اكسسوارات حتى في الموبايل <<<<<الحمد لله ههههه

ملصقات حروف وغيرهن وغيرهن (انا ما محطيه شي عيالي ما يخلوا شي)




(( الشاشه ))


خلفيه خطيــــــــرة من قدهن البنات( قلوب ، دباديب ، ورود: ،...الخ)>>>>>لاتعليق(الخلفيه صوره عيالي )

(( الأسماء ))


تريزه راعية الشباصات والخرز

ام احمد راعية الدخون والعطور

حنان شقير صالون

ام محمد للحناء

مكتب الخادمات

مدام عزه (مناكير وبنت عمها المناكير ...والله ما اعرف كيف يقولونها ههههههه)

ام هلال..(طبها هذي الجاره العزيزه اللي تعطيها النشره اليوميه اللي تصير في الحاره )

عزيزه (هذي عاد طباخة البيت ...اللي تجي تطبخ وتروح ههههه)

(ما عندي هاي الاشياء الاسامي الي بتلفوني كلهم ربعي )
(( المسجات ))


كلها مسجات حب وغرام وغزل (يعني كله رومانسي برومانسي ) هههههههه
(الحمد الله مسجاتي كلها دينيه )
(( المنبه : ))


ماشاء الله عليها تضبط المنبه على الساعة 7:00 الصبح
(وقته على الساعة6 وقت صلاه الفجر)
(( مدة بقاء الموبايل ))


ما شاء الله كل 6 شهور تجديد الموبايل ( تهتم بالموبايل اكثر من اسنانها ) هذا (هذا الشي صح لان الموبايل مابيتم عندي عيالي بيكسروه)
(( مكان وضع الموبايل ))

اما مكان الموبايل مفرور كل مكان

شكرا يا حلوه على الموضوع بس حبيت اوضح عن تليفوني
واسمحيلي اذا طولت عليج

[ميووومه]

[align=center]
ههههههههههههههه حلوووووووووووووووووه المقارنه صدقتي ياختي

تسلمين عالطرح وبانتظار جديدج يالوصلاوية
[/align]

[فديتني شيطونه]

[شمس البحرين]

هههههههههههههههه حلوه المقارنة


بس معلومات واقعية اميه بالمية ،،، سالفة تحت المخدة شكله الكل يسويها ومن ضمنهم انا

[سفاحة الرمس]

صح اللــــي قلتيييييييه صـــح ،، لكـن هذآآ >> (( الشكل الخارجي )) رضوض وتكسير . . اناا اشووووووف فوناااااات الشبااااااب جنها يديده والله هـع







وثآآآآآآآآآآآآآنكس ع الموضووووع

[~{فيونكهـ وصلآويهـ]

يسلموووووووووووو على مرووركـــن حبيباتـــــــــــــــــي ..

نورتوووو صفحتــــــــي بتوااجدكــــــن .. ^.^

[الشريرة]

خخخخخخخخخخخ


ثااانكس ع الموضووع سو ناايس هه

[عاشقة القمم]

نـص الأمـور صـح ونصهـآ غلـط ~> بس الأغلـب صـح صـح


[[ فونـي أحمـر ،، الخلفيـة صـورهـ أخـوي ربـي يحفظـه ،، بالإجـآزآت أضبط المنبـه السـآعـة 7 ،، المسجـآت اللـي عنـدي كوكتيـل ،، يـوم أنـآم أحطيـه تحـت المخدهـ ]]





~ْ|| تسلميـن إختـي ع الطـرح ||ْ~

[RAKBOY783]

خخخخخخخخخخخخخخخخخخخ

يعطيج العافيه اختي ع الموضوع