شكوي

[قد الحب]

السلام عليكم ورحمه الله جميعا...

عندي شكوي بسيطه الا وهي...

الصراحه ليش يوم ارد بقسم الحوار والمناقشه ماينحط الرد ويحتاج الى يوم تقريبا اما في قسم المجلس المنوع بثانيه يطلع الرد

وفي مجلس الحوار والمناقشه نزلت 3 مواضيع صار لهم اسبوعين مانزلو ولما راسلت الاداره ما اقنعني ردهم ويوم قررت اكتب نفس الموضوع في المجلس المنوع نزل على طول...

يعني انا مب عارفه الصراحه وين اكتب مواضيعي البعض منها يحتاج الى قسم المناقشه بس انتو اتخلوني اضطر اكتبها في المنوع لان لو كتبتها في المناقشه ماتنزل

هل هذا الشي راجع للمشرف اللي يحتاج وقت ليطلع عليها ولا شو بالضبط

اذا تم الحال جيه انا مارح اكتب ولاشي بهذا المنتدى

وهل هالشي يصيرلي انا بس ولا باقي الاعضاء نفس حالتي

[غريمة الشوق]

هلا اختي
الي اعرفه انه الاعضاء الجدد اصحاب العضوية الفضية مو مسموح لهم المشاركه في بعض الاقسام
او بمعنى اصح تقدرين تشاركين بس ما تظهر ردودج الا اذا ترقيتي للعضوية الذهبية


بس شوفي هالرابط وانشالله يفيدج
http://www.alrams.net/forum/showthread.php?t=87

وانشالله الادارة راح يردون عليج


والسموحه منج

[بن خلف]

نعم اختي اصحاب العضويه الفضيه لازم يتم التدقيق على مشاركاتهم قبل النشر في 3 مجالس الي ذكرتييهم

اتمنى تشوفين الرابط و بتفهمين القصد

http://www.alrams.net/forum/showthread.php?t=87

بن خلف

[قد الحب]

انا والله مش مقتنعه بهاي الامور يعني نحن شو منكتب غير مواضيع مفيده وحتى الردود بس دام هاي اوامر المنتدى رح نمشي عليها وامرنا لله

مشكورين ورح اضطر ما اكتب بهاي المجالس

والسموحه منكم

[العتيبي]

انا والله مش مقتنعه بهاي الامور يعني نحن شو منكتب غير مواضيع مفيده وحتى الردود بس دام هاي اوامر المنتدى رح نمشي عليها وامرنا لله

أختي بغيت اوضح شي لج

انا معاج .. فيه اقسام تكون مراقبه للاعضاء اللي الادارة ما تعرف هويتهم .. علشان نبعد عن الحظر و المشاكل و غيرها

يمكن انتي مب راعية مشاكل بس غيرج يدور على المشكله و يحاول يكبرها

فليش نعطيهم المجال في هذا الشي ..

علشان جيه نحن حطينا هذي الخاصيه و انا اعتبرها افضل خاصية موجوده في المنتديات الاخبارية و الحواريه

و ان شاء الله اختي مواضيعكم تنعرض اول بأول بأسرع وقت ممكن ..بس مرات فيه مواضيع ما تتوافق مع هدف الموقع المنشود له فياريت ما تواخذونا على هذا الشي .. و ما تزعلون و أعرفوا ان رضاكم هم هدفنا ههه

و ان شاء الله اكون وصلت لج المعلومه اختي

و السموحه

العتيبي

[قد الحب]

انا معاك اخوي العتيبي بس المفروض تخصص هالشي للناساللي مش قد الثقه يعني انا عضو نشيط ولا مره سويت مشكله يعني افرض مشاركاتي وصلت لل 800 وظليت بالعضويه الفضيه بعد بتم على نفس الحال طيب انتو عارفيني بالمنتدى وعارفين مواضيعي وردودي انا اتوقع هالشي لازم يصير للاعضاءالجدد...مشكورين

[soso]

هي والله وانا بعد وصلت مشاركاتي للألف و بعد طلبت استوي عضو ذهبي من كم من شهر والين الحين ما سويتوا لي واشوف اعضاء جدد مسوين اشمعنى

انا لا ..؟!!!!!!!!!!!!!!!!!!!!!!!!!!!!!!!!!!!!

بس قولوا لي السبب ..خلاص انتوا تعرفوني وتعرفون كيف مواضيعي وانا بعد ها مشكلتي ان مواضيعي ما تظهر في بعض الاقسام..والسموح