صمت الشفايف

[حروف ونقاط]

صمت الشفايف...
.
أترككم مع القصيده.. علها تنال إعجابكم....
.
.:
.:
.:
:.
:.

صمت الشفايف

همس لي بوحدتي صمت الشفايف...... وقلبي محتضن يا نـاس خـوفه

ونادتنـي الشفايف ليـش خــايـف...... وليش الـقـلـب متبني عـزوفه

وليـش الـروح عـافـت هالـولايـف...... وليش الدمـع مـايشرح ظروفه

وجـيـت أرد ومـر الفـكـر طـايـف...... وهلّ الشعر يـقـطـر مـن حروفه

وعيني والنـظر والــدمــع شايف...... حروفٍ من عـنـا قلـبـي وجوفه

تشاكي من جـفـا سيــد الوصايف...... ملكني مـن جـمـال في وصوفه

وحسنٍ يا بـشــر مــاهــوب زايف...... شكى شوف النظر من شح شوفه

تحـمـل خافـقـي كـل الـكـــلايف...... وروحي في هواه أمست شغوفه

رجـيـتـه رجــوةٍ كـلـها حـسـايف...... رجيت الـبـدر لا يـطول خسوفه
سكبت الدمع مــن عيني ذرايف...... ونبـض القلـب سمّعني دفـوفه

وانـا والحـزن وجـروحـي حــلايف...... وقـلـبـي بايـتٍ يـصفـق كفـوفه

وهـمـي والهـوى فيني نـصـايف...... وانا في الحـب واحـد من ألـوفه

تجـرعت العـنـا بكـل الصـنـايـف...... ومن ذاق الهوى يرضى بصدوفه

وهذي محنتي ماهي بـطـرايف...... ودربـي يالـمــلا كــلٍ يطــوفه

وشعــري قـلـتـه ومـاني بضايف...... وبيت الشعر قـد أعـلـن وقـوفه

وقلت العـــذر يا صمت الشـفايف...... تــرا اللـي صابنـي كـلٍ يعـوفه

وســــوالـــم

[صمت الشفايف]

احم احم
همس لي بوحدتي صمت الشفايف...... وقلبي محتضن يا نـاس خـوفه
الفتلي شعر خخخخخخخخخ
ربي يسلمك خيو من كل شر نتريا يديدك

[حروف ونقاط]

[align=center]

القصيده تمت كتابتها في شهر أغسطس 2007

شاكر لج مرورج أختي صمت الشفايف

^.^

^.^
[/align]

[صمت الشفايف]

احم احم
جان يحترق ويهي
جامل ياخي قول لج
المهم الله يعطيك العافيه
اكتب قصايد زياده
نبا نقرا *_*

[حروف ونقاط]

ليس القصد هو المجامله أو خلافه

المقصد هو توضيح الأمور والبعد عن الشبهات...
حيث جاء (صمت الشفايف) متشابها مابين إسم قصيدتي والإسم المستعار الخاص بك

فـ وجب التنويه على هذه الأمور فقط

لكن.. القصيده كتبت لكل من يقرأها (ويسمعها (قريبا))
فكيف إذا كان إسم القصيده يحمله شخص ما..؟؟

[صمت الشفايف]

انا اعرف ان القصيده ما انكتبت لي
وعرف انه كتبتها بسنه 2007 مثل ما قلت
بس انا حبيت اتغلس
تشاااو

[عاشقة القمم]

حلوه حلوه
تسلم الأيادي اللي اكتبت

[حـلاوهـ]

علامه حرفك اينقط حسايف ،، على اللي بالجفا شانت وصوفه

مثل ما جابته لدربك صدايف ،، تأمل تلتقي بناس ن عطوفه


+++

حرووف ونقــــاط ..

صــحـ الســــــانكـ مليــــــــاار وفالك البيرق ،،

ما شا الله عليك ،، ابدعت لا هان قدرك ..

سجـــل اعجاابي الشديد بحرووفك

دامـ حرفك ونقاط قلمك ،،

ودمت بكل ود ..

و اسمحلي ع المداخله المتواضعه اللي ما تساوي قطره من بحوورك

<< عاد مادري ضبطت الوزن ولا خخخـ

[حروف ونقاط]

حــلاوهـ

مشكوره على مرورج الطيب

والصراااحه.. أبدعتي في كلماتج وصح لسانج
.
.
تأملت اللقا بسيد الوصايف.....وقلبي بالأمل يرفع كفوفه
وشعري أكتبه والكل شايف....من الأشواق تتناثر حروفه.
.
.
^.^

[حروف ونقاط]

إماراتيه لين الموت...
.
انتظروا الجديد مني دائما