وين بيوفر الريال وهذي اسعار العبي

[ولد المطر]

بسم الله الرحمن الرحيم الحمد لله رب العالمين والصلاة والسلام على سيدنا محمد صلى الله عليه وسلم
اما بعد دخلت ويا الحرمه محل للعبي علشان اتفصل عباه ويو م شفت الاسعار شي ما يصدق ليش هالاسعار الغاليه مدري صورت العبايه واكسسواراتها وابغي رايكم تسوى 5000درهم ولا انا مسرف

[الطنيجي ستارليت]

الله كريم
الحياة حلوه

[أسيرة الشوق]

لا أخوي ما تسوى و لا حتى تسوى 500 درهم ...

أصبحنا الآن مستغلين في كل شيء و أصحبنا نجري خلف الموضة التي أتمنى منكم أخواني و أخواتي أن تفكروا و أن تنظروا لأنفسكم لأننا في نظر بائعي المحلات ساذجين أخواني أعزكم الله و رفع من قدركم...

إننا أمامهم ذلك البنك المتحرك الذي لا تهمه المادة قدر السلعة التي يرغب في الحصول عليها...

فلذلك هم يبالغون في رفع الأسعار و ها نحن نشتري بدون مفاصلة لأن همنا ليس إرضاء نفسنا و لكن الآخرون من حولنا..

إن اجتمعت الأيادي و قررت بأن تصد عن ذاك المحل الفلاني الذي يبيع بذلك المبلغ و قدره كذا و كذا صدقوني إخواني لن تصل تلك السلعة حتى بخسمئة درهم و لكن هناك أناس مقتدرون يستطيعون الشراء بذلك المبلغ نسأل الله لنا و لهم الهداية فأصحاب المحلات عندما يرون أولئك الناس يشترون بتلك المبالغ يضنون أن الجميع يستطيع الشراء بذلك المبلغ و لو كنا مقتدرين فيجب علينا أن نحافظ على هذه النعمة التي أنعمها الله علينا و أن نستغلها أحسن استغلال لكي لا تكون نقمة علينا...

دمتم بحفظ الله و رعايته،،،

[عيون راك]

هع..هع..

يستااهلون البنيااات..

بس مب جنه وااايد..!!

[جروح]

حرام عليييه والله والله ماتسووووووى مووووووووووووول موووول

يعني هذي الاكسسورااات بحصلها برع ارخص

والله عبااايه مال الاعرااس مااتوصل لهالمبلغ وحط في بالك ان عبايات الاعراااس كلها شغل في شغل

الله المستعااان

[ملــ الورود ــكه]

أممممم

ما تسوى هالسعر... لانه ديزاينها جدا عاااادي وهالموديل موجول في معظم المحلات ورخيصه بعد...هذا رايي

[Her Highness]

لا طبعا ماتسوا شو 5000


ويبا راعي المحل ؟؟


ليش ان شاء الله ليكون مخيط بخيوط من ذهب او الاكسسوارات من ذهب

[غريمة الشوق]

حشى 5000 ليش ؟؟!!!

ما تسوى ..ولا فيها شي زود....والله ما فصلت بها السعر

وين هالمحل براك ...انا سمعت انه الخيايط عندكم تفصيلهم للعبي رخيص هب شرات دبي

[شيخه بمعانيها]

في الوقت الحالي الغلاء ما خلى شي حتى العبايات اللي كان سعرها بالساااابق ما يتعدى الــ 500 درهم الحين صارت توصل 5000 ولو قلت ليش هالسعر وليش غاليه قالولك والله نحن مستخدمين كريستالات سوارافيسكي وهذي أصليه وجيمتها غاليه

بلى سوارافيسكي وبلا بطيخ

والله من كثر الموديلات اللي ظهرت صرت اشوف كل الموديلات قديمه حتى لو كانت توها جديده،، وتسير محل تحصل العبايه قيمتها 2000 درهم وهي مافيها شي ولو سرت انت فصلتها بمحل ثااني انت تتعامل معاه والله بيسويلك ياها بالضبط وسعرها ماراح يتعدى الـ 500 درهم واسأل مجرب

صح الانسان ما يقصر على عمره وما يبخل لكن في هالامور والله حرام لنه الموضه تتغير وطبيعة النفس ملوله وتحب التغيير يعني حرام افصل عباه بـ 2000 درهم وانا ادري اني عقب شهر ولا شهرين بالكثير بسير افصل غيرها

من رايي انه الوحده لو عجبها موديل تحفظ طريقته وتسير تسويه عند محل تتعامل معاه وبيطلع لها ارخص بوااااايد ويمكن يطلع بثلث السعر الاصلي وهي المستفيده اولا واخيرا


أخوي الصور اللي انت حاطها بالفعل ما تسوى 5000 ولا يقصون عليكم


تقبل مروري

[soso]

والله لا انا مفصلة عباة أحلى من هاي والله ما يت فوق 500 والله العظيم .. وها من بخل والشح الناس بها الأيام ...

والله اموت ولا اشتريها بروح محل ثاني ولو كان بعيد بس شو ها البخل لو جي صدقوني الله لا يبارك فيهم ..

والله يهدي الجميع آمين ..