ضحكات الشباب<<تموووووووت من الضحك
هذه بعض الضحكات لمعشر الشباب فكل شاب يرد يعرف وش هي ضحكته:دحين كل شاب يعدل ضحكته خايف من الفضيحه هههههههه
هههههههههههههههه
صاحب الضحكة هذي وسيع صدر ... حبوب ... طيوب ... بس مجامل بشكل كبير .. مسالم وعلى نياته .. دايم مبسوط وبارد ... اشين ما فيه يضحك في مواقف غلط!!
ههههههههههاي اهم شئ الياء
انسان شايف نفسه متكبر .. ضحكه قليل .. متسلط ويحس بالنقص .. ثقيل دم .. احسن طريقه للتعامل معه .. هو السفه والتـزليب وعدم رفعه من الارض.
ها ها ها ها ها ها بنفس الترتيب
انسان مرتب .. يعني اذا دخلت غرفته ما تلقى شئ على الارض مرمي .. كل شئ مرتب ومنظم حتى الضحكة .. مثقف ويلبس نظارات 15 بوصة .. يعني نظارته اكبر من وجهه .. ما يضحك كثير بس يبتسم دايم .. شكله كذا يخليك ترتاح له وتشكي له .. لو ما لقيت الحل اهم شئ ترتاح.
نيا ها ها ها
انسان شرير .. يموت في النذاله والشر .. قمة الوناسة عنده انه يرج ببسي ويعطي احد يفك له .. عيونه يطلع منها شرار .. مركب ضروس ذهب عشان اذا ضحك تلمع.. احسن طريقه للتعامل معه العمل بالمثل "ابعد عن الشر وغني له" .. لكن مهما حاولت الابتعاد عنه هو يبيجيك لانه يموووت بالنذالة .. لكن انتبه تعطيه فرصه .. لانه لو ما قهر احد يصدع راسه .. الله يعين اللي حوله عليه.
هههاااهاهاههههاااههه بالحوسة ذي
انسان مضيع بمعنى الكلمة .. يعني لو تساله عن اسمه قال ممكن الاتصال بصديق .. العلك ما يطيح من فمه ويقعد يمعط فيه بعد يعني يمسك طرف العلك بسنه والطرف الثاني بيده وهات يا تمعيط يا يلوي فيه ويسوي فيه حركات بهلوانية .. انسان لو تصفق فيه وتهزئه ما درا عنك يحسبك تتكلم عن ولد الجيران .. الدنيا قامت ولا قعدت عنده .. الشئ الوحيد اللي يستفزة انك تتكلم على امه أو ابوه .
هه هه هه هه
انسان متردد.. يفكر 60 مرة قبل لا يسوي الشئ .. رومانسي .. يراعي مشاعر الاخرين .. خدوم يحب يساعد حتى لو ما يقدر يدبرها .. ان صادفك هالنوع تمسك فيه بيدينك ورجولك لان هذه النوعية نادرة .
كـــعـــكـــعــــكــــعــ ـــكــــعـــكـــــعـ ــــك ــــــع
انسان دب يتراوح وزنه ما بين 100 _ 150 كيلو متر مكعب .. استمد ضحكته من كثر الاكل .. كريم جدا لحد الاسراف خصوصا اذا السالفة فيه اكل .. ما يطلع من البيت الا جيوبه مليانه .. علب ببسي فصفص فش فاش .. اللي يجلس معه يزيد 5 كيلو بالساعة .
هع هع هع هع اللي بالمنتديات
هذي الضحكة ضحكة واحد مقرف .. وافضل طريقة للتعامل معه .. ابتعد عنه مسافة 100 قدم على الاقل .. تحس انه لا ضحك ودك تصطره طراق على وجهه .
هي هي هي هيهاي .. بصوت خفيف احيانا
انسان طالما كان يحلم ان يكون له شان في الحياة .. واهم امانيه ان يكون لابس صح كل يوم وتكون قصة شعره مختلفه عن امس .. كثيرا ما كان يجلس مع البنات حينما كان صغير فاستمد الضحكة من كثر ما يجلس معهن .. افضل الطرق للتعامل معه : قدر الاستطاعة لا تحاول انك تصادقه لانه بيخربك ويخرب رجولتك ..
رد مع اقتباس
المشاركة الأصلية كتبت بواسطة أمير الكوميديا
