بسم الله الرحمن الرحيم
السلام عليكم و رحمة الله وبركاته
علومكم ؟؟ عساكم بخير
1- هل تؤيد بقاء ميتسو ؟
انا عن نفسي ما اايد و اللي يقول ميتسو مدرب كبير اقوله الفريق هو اللي يلعب مب المدرب
2- هل مستوى منتخب الامارات مقنع ؟
بجاوب بطريقه غير مباشرة (( لو يتبدل اسمه لمنتخب اسماعيل مطر ابرك ))
3- هل تريد مشاركه منتخب (( اسماعيل مطر )) فالمونديال ؟
منتخب يعتمد على لاعب واحد و الدفاع على ارضه وبين جماهيره ماظن بيوصل لشي
-----------------------------------------------------------------
الموضوع الاساسي :
خلونا نفترض الحين ان المنتخب توفق و تاهل للمونديال
شو تتوقعون الخطة اللي بيلعب فيها ميتسو ؟؟؟؟
طبعا بيرد الفريق كامل دفاع و بيحط اسماعيل مطر بروحه داخل
و بننرش بالسبع و الثمن و بنطلع و وجيهنا اسود من السواد نفسه
و طبعا بيطلعون قوم المنتخب و الكتاب و اللعيبه و الجمهور و البرامج و المحللين و بيقولون بكل بساطة : المهم وصلنا المونديال
ليش تفكيرنا صار محدود ؟؟؟؟
يعني المنتخبات الاوروبيه احسن عنا بشو ؟؟؟؟؟
لو بتقولون اللياقه ترى المونديال بعد سنتين و اظن اكثر من كافيه لبناء لياقه ( متوسط بناء اللياقه 6 شهور للاعب المصاب ) <<< لاحظو المصاب يعني السليم اقل بحوالي شهر او شهرين لو مب اقل
ليش نخلي الغرب يوصفنا بالفشل؟؟؟ ليش ؟؟؟
يعني الحين المركز الاخير يفرح ؟؟؟؟
لا والله انه مايفرح الا (( الفشله ))
و حتى الثاني مب زين , ليش مانكون الاول ؟؟؟
مقل ما قال الشاعر ( ياسر التويجري ) :
إن لم يكن مركزي بالصف الاول امام *** ما عاد تفرق معي لو كنت قبل الاخير
بتقولون عندك البرازيل و الارجنتين و...الخ ,, و تبانى نشل الكاس ؟ تستهبل انت ؟
بقولكم عادي
فنزويلا فازت ع البرازيل 2-0 من كان يتوقع ؟؟؟
تركيا فازت على كرواتيا بعد مالحقو على نفسهم فآخر ثواني المباراة
روسيا فازت على هولندا 3-1 من كان يتوقع ؟؟؟
من كان يتوقع فرنسا تغادر البطولة من التصفيات ؟؟؟؟
كرة القدم تعطي لمن يعطيها , و تسحر من يسحرها بروعتها و جمالها
همسة اخيره (( نبغى منتخب عنده ولاء و ليس طمعا للمال ))و عسى يكون فالمنتخب 11 اسماعيل مطر مب الا 1
و فالختام لا يسعني غير السلام
و السلام عليكم ورحمة الله وبركاته
رد مع اقتباس
