لناس وناس ..

[عاشق سمعه]

انا حبيت اتكلم بموضوع جدا مهم في هذا المنتدى الا وهو التغطيه الاعلاميه للبطوله
الصراحه المنتدى مغطي مباريات فرق في الثانوي ومو مسوي سالفه لفرق ثانيه
مثلا امس لعبت مباراتين
الاخوان المشرفين في المنتدى غطو مباراة وحده بس
هذا الشي مو عادل بحق الجميع يعني انته ياتغطي لمباريات كلها يا انك ماتغطي مباراة وتخلي مباراة
ملاحظه: كلنا ترانا ابناء الرمس واتمنى انا هالسوالف ماتخرب بين اهل الرمس ..

[أبو الغزلان]

زين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[P_S_R24]

والله صدق كلامك يا أحمد حياي

يمكن علشان أصحاب المنتدى ربيعهم راعي فريق فلان و علشان جيه يالسين يغطون فريقه

على العموم كلنا ربع و اخوان

[رفيع الشان]

والله صدق كلامك يا أحمد حياي

يمكن علشان أصحاب المنتدى ربيعهم راعي فريق فلان و علشان جيه يالسين يغطون فريقه

على العموم كلنا ربع و اخوان

ثمن كلامك يا هذا..!!

[ملك بدون مملكه]

لا مب صدق كلامك ومب معاك مووووول ...

بالغرفه اشوف كل المواضيع من المشرف قلم رصاص ولا موضوع ثاني من اي حد ....غير الراصد موضوعين

واييد وحده ماتصفق ..والريال وراه دوام وانشغالات كم بيغطي وكم بيكتب ....؟

الغرفه انحطت لاخبار الدوري وشو فيها لو اي حد سار وصور وكتب ..يعني ما بينزل موضوعه؟؟ ..ترا تنزيل المواضيع مب حكر على حد او مشرفين

غريب امركم صراحه ...خلاص تعودتو على قلم رصاص ولا واحد يبا يتعنى ويحط موضوع بدل ما تقولون مشكور وماقصرت

مسوي هالشئ من نفسه وتطوع قولو الحمدلله والي يبا يغطي فريقه ولا غير فريقه عنده الكيمره يصور ويكتب ماشوف فيها سالفه ولا تعب

بس بنظري هالموضوع مب بمحله وانظلم قلم رصاص ..

تحياتي

[عاشق سمعه]

الموضوع مب جي يا اخ ملك بدون مملكه
قلم رصاص ما قصر حط كله لمباريات هو بروحه مايقدر يغطي كل لمباريات لازم حد يساعده في التغطيه
بس هالمقصود
للعلم انا ماقصدت قلم رصاص ولا اي عضو في المنتدى ..

[Bo 3@bdallah]

انا ماعرف شسالفه بالضبط
لكن حبيت اخبركم انه الشخص اللي كان يغطي المباريات
كان متواجد في مطعم المشاهير
لانه الفريق اللي راعينه مطعم المشاهير كان متواجد هناك
فالريال سار يغطي اللاعبين ..

ثانيا الريال اللي كان يغطي متطوع
يعني مب ملزوم يغطي وكان فاعل خير من نفسه
يعني ما نلومه لو قصر فالتغطيات ..


خلاص من اليوم ورايح ماشي تغطيات للمنتدى
اللي يبي يشوف المباراه يحضر بنفسه ..
الريال انسحب ..

والسموحه

[faza3]

الصراحه انا موب وياك يا أحمد حياي وانا ان شاء الله بحاول اني اغطي المباريات الي اقدر عليها وبوافيكم الاخبار ان شاء الله

[إدارة 6]

الموضوع مغلق