ناقشوا ويانا الموضوع.. ليش الشباب..>>

[الغاويه]

السلام عليكم ورحمة اللهـ وبركاتهـ

مسا الخير

شحالكم ، عساكم الا بخير ..

المهم خلوني ادخل في الموضوع على طول..

ليش الشباب يحبون يتعبون قلوب البنات؟

يلحون عليهم لين يردون يمسج - عقب باتصال - عقب تتوالى مكالمات الحب والغرام..

ويوم بعد يوم يمتلي قلب فلانه بحب فلان .. و الحين يصير العكس

يبتعد شوي عنها.. عشان تتعلق فيه بزياده.. و يحاول ياخذ منها اكثر شي يروم عليه..

واذا مثلا - حس انها ما بتعطيه شي (اكيد فاهمين قصدي) يبتعد ويدور على صيدة يديدة.. من غير ما حتى يخبرها انه طاب خاطره منها.. ويخليها تحاتي


ليش الشاب يكلم البنية بالفون ويعطيها هدايا ويقدم لها اغراءات مادية او معنوية.. و يوم تفتح معاه موضوع الزواج يقولها انا ما اتزوج وحدة اكلمها بالتلفون ولا اظهر وياها..

ليش يا الرياييل جذه تسوون ب القوارير :P >> عيبتني

وطبعا انا اتكلم مب عن كل الشباب.. لكن اللي يحسون انهم من هالنوع يتفضلون يجاوبون على اسئلتي


ومانبي الخلاف ف الراي يفسد الود اللي بين اعضاء المنتدى =)

[ابتسامة رضا]

وعليكم السلام ورحمة الله وبركاته

أول شيء البنت لازم تحترم نفسها وتصون عمرها وما تعطى ويه لشباب اما إذا بتكلم وبتقول بس هذا حبيبي وتنصدم

يوم بتركها وعقب خلاص بتصير تعودة بتكلم غيرة وغيرة

وبهذى التصرفات تنزل من قيمتها وتكون عاصية لربها ف كيف ربها بيوفقها وتستاهل يدوسها الشاب لأن

ما أعتقد تستاهل تكون ام لعيالة والله يهديكم وسمحيلي يمكن ما يعيبج ردي

[الغاويه]

وعليكم السلام ورحمة الله وبركاته

أول شيء البنت لازم تحترم نفسها وتصون عمرها وما تعطى ويه لشباب اما إذا بتكلم وبتقول بس هذا حبيبي وتنصدم

يوم بتركها وعقب خلاص بتصير تعودة بتكلم غيرة وغيرة

وبهذى التصرفات تنزل من قيمتها وتكون عاصية لربها ف كيف ربها بيوفقها وتستاهل يدوسها الشاب لأن

ما أعتقد تستاهل تكون ام لعيالة والله يهديكم وسمحيلي يمكن ما يعيبج ردي

بالحل اخويه 0 مسموخ0

بالعكس انا اوافقك الراي.. ان البنت ما تكون صيد سهل

لكن مثل ما يقولون كثر الدق يفج اللحام.. والبنات بطبيعتهم يميلون للكلام الرقيق..

وخاصه ف سن المراهقة تكون يمكن محتاجة لهالكلام.. فاذا لقت اللي تحسبه يحبها.. وهي بعدها توها قليله خبره فالحياه و الحب وهالخرابيط.. لكن بتتعلق به بسهوله.. وعقب بيهدها

انزين من اول ليش تلح عليها وانا احبج وانا صادق وانا ما يملا عيني غيرج.. ومناك يعرف 100 وحدة وكلهم قايلهم نفس الرمسه

ويوم بتتعلق فيه.. يقولها مثلا كيف تحبيني وما تطلعين ويايه؟ او تهاديني واهاديج؟


من جهة ثانيه شي شباب صح دخلوا من الباب الغلط لكنهم يحاولون فالنهاية انهم ما يجرحون البنية او ياذونها.. واذا حسوا ان البنت اخلاقها زينه ممكن يتقدمون رسمي

الحين بتقولون كيف اخلاقها زينه وترمس واحد

انزين تراني قلت لكم ان البنت قلبها قلب عصفور >> حلووووه <<

وبسهوله تتعلق بالناس


ووووو


ماعرف شو بعد خلاص سطلت

حد يرمس ويانا

[ميمي فلاحيه]

عندي وايد اشيا ابا اقولها بس متلخبطه وايد وماعرف كيف ابدا ,المشكله يعرفون انه كله خرييييييييييييط يقصون ع بعض ,,انا قبل اقول كله م الشباب بس الحين بما انه انا فالجامعه ,,واختلط بأنوااع من البشر ,,اسمع سوالف تشيب الراس من البنات ,,يارب تهديني وتهدي شباب امة محمد _صلى الله عليه وسلم_وتثبتنا....

[المتميزة]

السلام عليكم

شكرا ع الطرح ..

باقول وجه نظري ..

ربي اعطى البنت عقل ,, ليش تعطي قلبها لواحد ما يستاهل ..

القلب لو انكسر صعب ينجبر و الكل يعرف دا الشيء ...

اعطي قلبك لليستاهل .. و انتم كماان يا شبااب
زي ما في شباب

لاعابين في بنات لعابات .. يا شباب لا تخلوا الكلام الحلو يغطي ع عقلكم

و يا خذكم بعيييد عن الواقع ..

ربي يحفظ شباب و بنات المسلمين



و شكرا