أبا طريقة مناسبة لترك تدخين الشيشة

[مايد راك]

السلام عليكم ورحمة الله وبركاته :
أحاول وأحاول وأحاول ترك تدخين الشيشة بس ما تطلع عندي أي نتيجة أحاول أشغل نفسي بالرياضة أو النت أو غيره من الأشياء إلي تلهيني ودون فايدة
وتعبت وأنا أدور حل وأتمنى ألقا حلول مناسبة منكم
وتعرفون أن رأس الخيمة ما فيها أماكن ترفيهية مناسبة وما أحب شي أسمه مراكز وسينما أتخيلوا
والسموووووحة أخواني وأخواتي

[%غمـــازة%]

السلام عليكم ورحمة الله وبركاته

أول شـي،، حابة أهنيـك على هالخطوة الرائعة

بداية التوقف هو البحث عن وسيلة مناسبة.. ..

أظن انك ما ترح تشيش بروحك صح؟ لازم معاك ربعك،،، حاول انك تبتعد عنهم شـوي وما تروح معاهم اماكن الشيشة
لا تقول ما بشيش بس بطالعهم،،، الريحة بتجذبك

اشترك فنــادي ،، التزم فيه ،، صدقني بترجع البيت هلكـــان من التعب

فالإجازة كون مع أهلك،، مع ربعك الغيـــر مدخنين للشيشة

خطوة خطوة و إن شاء الله بتنجح

أتمنى يكون معاك شخص يتابع معاك و يشدك للطريق الصح.. ..


طمنا عنك .. .. و اخوانك واخواتك كلهم بيساعدونك


ربي يحفظك .. ..

[مايد راك]

مشكورة أختي غمازة
وأنا أشتركت كذا مرة بصالات رياضية بس حدي حدي إذا كثرت شهرين وبس !
ودام العزيمة موجودة بأذن الله بشد حيلي ولازم أفكر بالصحة قبل كل شي
مرة ثانية أشكرج وما قصرتي والله يعطيج الصحة والعافية

[%غمـــازة%]

السلام عليكم ورحمة الله وبركاته

أهنيك على عزيمتك و إصرارك

في حل ثانــــــي ،، مب لازم تلتزم بالنــادي ( أكيد بيكلف ماديا" )


خصص وقت معيـــن يوميـا" اذا تقدر ،، و تمشى عالبحر / الكورنيـــش / عند بيتكم،، عادي بملابس الرياضـة

شوف كيف الأجانـــب تحصلهم دوم يتمشون لاهمهم برد ولا حـــــــر !

يوفرون فلوسهم و يتمشون فالطبيعــــــــة بالهواء الطلق

جرب،،، و خبرنــــــــا



في امــــــــــــــــان الله

[بنت جميرا]

ياربي ان شاء الله يفكك من هالبلا ويقويك ويقوي عزيمتك ويخلف عليك بشي اخير منه
مااملك الا اني ادعيلك كل ماذكرت
وان شاء الله تبشرنا قريب ياربي

[ياليت للحب قاضي]

^_^ الله يثبت ع عزيمتك خيوو اهنيييك ع هالشي ~

وأن شاءالله لو كانت عزيمتك قويه اتم قويه لين تترك هالشي ~

اول شي يوم تبي تترك هذا شي فكر بصحتك فكر ان اذا ترك هذا شي عشاانك انت عشان اهلك فكر بأهلك وبأمك وبأبوك فكر انهم يوم يجوفنك تترك هذا شي بيستانسون ع شانك لان هذا شي مضرر لصحتك ومحد ما يبا صحته

انت مجرد تفكر بالنااس لي تحبهم بتترك هالشي يعني منو اهم منو أهلك منو اهم من صحتك , شو اهم من صلاتكم وقرآه للقرآن هذا كله يخليي قلب قوي وعزيمتك ع الشي اقوى ..~


لا تفكر ان الشي لي تبي توصله صعب مافي شي صعب انت تقدر وعزيمتك قويه . .!

بس قول انا اقدر بترك هذا شي وهذا شي مب صعب>> بس صعب اخسر صحتي لان مافي شي اهم عن الصحه صح ولا ..^^~


ابا اسمع الاخباار الطيبه منك ^^

الله يقوي عزيمتك ~


والسمووحه ~

[مايد راك]

مشكورين أخواتي
ويارب يحصل تغير أنا من البارحة بديت
والسمووووحة

[فارس الامل]

أظن ان كلام أخواتي كان بما فيه الكفايه . ولكن سأتركك مع الواقع المؤلم ، وسأترك لك مشاهدة الأثار السلبية بنفسك لتتحسس ما يدمره التدخين أو التشيش في جسمك .... (قم فقط بكتابة صورة رئة مدخن) على موقع البحث جوجل واترك لك الحكم إن كنت ستقرر بعدها التوقف أم الاستمرار.. معذرة عن عدم وضعي الصور .. خشية ان يتقزز أحد الاعضاء من منظرها... واتمنى لك الثبات

[ميمي فلاحيه]

ان شالله تودرها ودام تبا تودرها بتودرها انشالله ,,جاهد نفسك كل ما بغيت اتشيش اتذكر انك اقوى من ان تغلبك شيشه ,,الصراحه تسد الخنقة اللي تسويها والله يوفقك ,,ولا تنسى الانسان هو اللي يتحكم في رغباته هب العكس والله يعينا ع الصيف والملل

[مايد راك]

كل الشكر لأخوي فارس الأمل وللأخت ميمي فلاحية وشكرا لنصائحكم والله يعطيكم الصحة والعافية
** دمتم بحفظ الله ورعايته **