بوادر انفراج في أزمة الرابطة وفارس عوض

[بوحارب الفلاسي]

بعيدا عن العواطف فارس عوض ومع الاسف الشديد كان مخطئ هالمره ومن يخطئ يستحق العقوبه

يجب علي كمعلق رياضي صااحب تاريخ ان احترم تاريخي و لا اخترق القوانين مستند على شهرتي

وجمهوري و تاريخي ونجااحي وغيره ..

لما اخطأ فارس عوض مره مرتين ثلاث تم تنبيهه انذار و را انذار وانذار وما التزم ظل يدخل غرف اللاعبين ملازما اياهم

ويعطل عمل مراقبين المباريات وغيره وغيره وغيره وطفح الكيل و عاقبوه بعد كم بيتحملونه العرب ؟؟

انت ياي لشغلك وشغلك هوه التعليق وموضح شوه اللي لك وشوه اللي عليك

في لوايح وشروط وبنود واضحه للعيان تقوم تسوي اللي في راسك؟ هو يعرف القوانين مب انه يسير على عماه

و هم شهر ماشين معاه ب اسلوب ودي و مايابه الطيب ، مشوا معاه بالقوه لان الموضوع صار مايتحمل السكوت

محد يرضى بجيه ف ما كان فيه حل غير قرار رسمي صارم و هذا اللي استوى يوم منعوه من التعليق

وسحبوا بطاقته ، لو كانوا ما عطوه انذارات متكرره بنقول ظلم لكن توصلك انذارات و تضرب بها عرض

الحائط ياخي ليش ؟؟

هذي التصرفات من وجهة نظر شخصيه مرفوضه و حتى ولو كنا جمهور لفارس ولا لغيره مانرضى

بالغلط والحق حق .. يعني خبر مثل هذا منتشر في كل الجرايد عن ريال بحجم فارس عيب والله !!

اتمنى انفراج الازمه وعودته الحميده بقوه وبجديه والتزام اكثر .. لاتهدم مابنيته يافارس عوض خصوصا انك قدوه لجيل من النشئ

صغار معجبين فيك وانت يمكن تعرف ف المراهق اللي كان يقلد تعليقك من يسمع بالخبر اتخيل يقلد سلوبك

ف التعامل ف اما اعتدلت واما اعتزلت ..

علما انني من متابعينه ومن معجبينه ولكن ليش نشوّه الحقيقه الصح يبقى صح والخطا يبقى خطا ..

والعقوبه مايت من فراغ اصلا لو كانت العقوبه من فراغ ماكان بيسكت كان بيقصد اكبر شنب ف البلاد ..

هيه نعم وانا ريال ماعرف اجامل يسمحليه واسمحوليه ..

[ياسر الشحي]

سوالف يهال والله اتمنى ان فارس يرجع باسرع ممكن