رحلتي إلى صلالة ..

[خجل أنثى]

السلام عليكم

حبيت أعرض لكم رحلتي إلى صلالة
بسم الله نبدأ ......

ساعة الانطلاق : 4 العصر
المركبة : باص
الركاب : عائلة خالتي , وانا واختي , وبنات خالتي الثانية >> حلاتها جمعة البنات الضحك زيادة والخبال دبل هههه ..

وصلنا منطقة أدم اللي قررنا نريح فيها الساعة 10ونص ,, منطقة أدم تقع بين مسقط وصلالة ..


هذي الاستراحة اللي قعدنا فيها




وهذي غرفة البنات بعد ما قمنا من الرقاد طبعا وهذا واضح من الترتيب




بعد ما ريحنا قمنا من الفجر عشان نكمل طريجنا لصلالة الساعة 5 نحن فالباص متجهزين للإنطلاق
وهذي صورة الصحراء وقت الفجر



ريوقنا عدس وخبز





بعدها كملنا طريقنا لصلالة
وتحمدوا لنا بالسلامة نحن البنات بما إن نحن قاعدين فآخر كرسي فالباص والشارع المكسر فالدقات اللي تيينا أقوى اللي دقت ظهرها وانا دقيت ايدي
بس الله سلمنا والحمدلله عدينا الطريق على خير
كل التعب اختفى لما وصلنا على مشارف صلالة







والمناظر الخلابة اللي استقبلتنا فيها صلالة
بعد ما ريحنا فالشقة وتغدينا طلعنا نتمشى
اشترينا موز ونارجيل










جوفوا اللوز كيف حلو بس لا يغركم الشكل ترا فيها دوود





بعد التمشي رجعنا الفندق عشان نريح ونقوم اليوم الثاني ونكمل رحلتنا
فاليوم الثاني زرنا كل العيون لدرجة اني ما اتذكر اسمائهم
هذي بعض الصور من اماكن العيون





















بعد ما زرنا العيون وقرصتنا البعوض سرنا فوق الجبل عشان نطير طائراتنا الورقية
هذي طيارتي أنا ما شاء الله علي




بعد يومنا الطويل رجعنا الشقة
بس نحن البنات ما نعرف نيلس مكانا لاازم نطلع وكان حذالنا فندقنا بعض المحلات فنزلنا نتسوق فيها ,, وبما إن باجر راح نرجع البلاد فمرينا السوبر ماركت عشان نشتري مؤونتنا .. ما خلينا شي ما اشتريناه







بعد ما اشترينا رجعنا الفندق ورقدنا
واليوم الثاني الصبح ركبنا الباص راجعين لبلادنا وكان الجو ضباب لدرجة إن السيارة اللي جدامنا ما تبين



ولله الحمد عدينا منطقة الضباب بسلام
طبعا ما خلا الباص من حشرتنا ومن ضحكنا ومن أناشيدنا
وأحلى نشيدة كانت
( دريولنا عاش عاش
دريولنا بيب بيب )
ههههههههههههههههه

مسوين دعاية
( مع فيمتو سوا حلوين )
كنا مثلجينه من فليل واستوت لنا انفجارات فالباص ونحن نفتحه وتوصخنا ههههه



وكوب خالتي انكسر ههههههههه



وبعد جي كملنا طريقنا وريحنا فمسقط وفاليوم اللي بعده كملنا طريقنا وصولا إلى رأس الخيمة بالسلامة ..

وانتهت رحلتنا بسعادة ..
أتمنى أعجتكم رحلتي
وسامحوني إذا طولت عليكم

أختكم : خجل أنثى ^^

[وادي الخليج]

رحلة جميلة باجواء رائعة

شكرا على الصور

[خجل أنثى]

شكرا على مرورك ( وادي الخليج )

[almalsoona]

الحمد الله على السلامه اول شي..

ماشاء الله رووعه التصوير تسلميين..
رحلتج جميله والحمد الله انج استانستي فـيها..

[عشِـِـِقـِـِـۓ الرمـِـِس]

.. اول شــي الحمــدلله ع السلـآمه ..

.. مـآشـآءالله اصلـا صلـآله منطقــه ولـآ ارووع ..

.. فـ اكيـــد الصـــور بتكوون حلـــوهـ ^^ ..


~> و بخصووص الحلويآآت و الفيمتو ~> مب تعــذيب لنـآ لـانه نحن صيـآم ..


.. ع العموم تسلمين ع الطـــرح ..

.. عسآج ع القـــوهـ ..

[خجل أنثى]

الحمد الله على السلامه اول شي..

ماشاء الله رووعه التصوير تسلميين..
رحلتج جميله والحمد الله انج استانستي فـيها..

الله يسلمج ..
مرورج الأروع ^^

[خجل أنثى]

.. اول شــي الحمــدلله ع السلـآمه ..

.. مـآشـآءالله اصلـا صلـآله منطقــه ولـآ ارووع ..

.. فـ اكيـــد الصـــور بتكوون حلـــوهـ ^^ ..

~> و بخصووص الحلويآآت و الفيمتو ~> مب تعــذيب لنـآ لـانه نحن صيـآم ..

.. ع العموم تسلمين ع الطـــرح ..

.. عسآج ع القـــوهـ ..

الله يسلمج ..
ههههه الله يقويج .
مرورج أسعدني ^^

[متسلق الجبال]

وعليكم السلام ورحمة الله وبركاته


الحمد لله على سلامتكم أختي الكريمة

وأجواء خضراء جميلة لصلالة

والسنة هذه بكر موسمها الخريفي أكثر عن قبل ماشاء الله والكل يمدحها

عسى قضيتم وقتا ممتعا بأجوائها وطبيعتها الخلابة



وكأنها في أوروبا



شكرا للطرح الجميل عن هذه البقعة الساحرة من شبه الجزيرة العربية

تحياتي الله يحفظك

[خجل أنثى]

الله يسلمك
ولله الحمد كانت الأجواء تجنن ..

مشكور اخوي متسلق الجبال على المرور ..
ويحفظك ..))

[MiNoOo 87]

عليكم السلام و الرحمـــــــه ..

الله ذكريــــــــــــات و الله صلالـــــــــــه ..

ما شاء الله .. وناســه و الله ..

الله يحفظـكم جميع يـــــــــارب ..

تسلم يمنـاج على مشاركتنــا للصـور ..

أترقب يديدج دوم ..

ربي يحفظـــــــــــج ..