رحلتنا لاحد حدايق بريطانيا ..

[ملك بدون مملكه]

alton towers ..حديقه تقع جنوب منطقة مانشتر .....

سرنا نتكشت كانت لنا اجازه اسبوع .. قررنا نسير هالحديقه .نعق هموم الدراسه والغربه والارف.. بصراحه وايد روعه وكبيييره

ماعتقد بيوم واحد يكفي تحوطها كلها ..ومن كبرها شئ مكان تقدر تحجز مثل فندق...

ماخلينا لعبه ما لعبناها طلعت روحنا بس وناسه .. فيها كل شئ اقسام متاحف شئ بيوت جديمه ذكرتني بالرمس الجديمه سكيك ومتكسره بس طبعا احلا هم نظيفه سكيكهم عشب ومرتبه

ومناظر حلوه ماتفيجت اصور وايد .. واذا تبا تسير من مكان لمكان تركب تلفريك ..من غير المطاعم

كرهت الزحمه نتم نتريا باللعبه ربع ساعه لين يوصل دورنا

وانا يبت لكم بعض الصور طبعا من تلفون يمكن ماتكون اوكي ..بس مانسيتكم لازم اراويكم

شئ صور وايد بس الاكثر فيها الشباب ..شرات الهنود نتصور بكل مكان ...ف ما بقدر انزلها

اخترت كم صوره واتمنى تعجبكم .. ولا تعلقون على تصويري ..ما يخصني بهالشئ ...
وماقدرت انزل اكثر كان النت بطئ

ها نبذه عنها والي يبا يعرف عنها اشياء وايد يدخل هالوقع دخلو خذو لكم نظره ..www.altontowers.com



طبعا ماندل شئ الا بالنفكيشن... نحن بالدرب الحين




عيبني منظر funnal >>>بس ماعرف شو ها بالدرب شفتهم















شرايكم بالعصفور وهوه يسبح ....











السموحه على تواضع الصور ...

للي ماشافو الصوره مب مني الموقع الي مسوي منه تنزيل مادري شو فيه خبل فيني ..

[Galaxy]

.
.
.
.
.

ما طلعت الصور ...

[رمساوي وكلي فخر]

اي نبذه الله يخليك الموقع كله بالانجليزي ههه بس عيبتني الصور اللي فالموقع وبالنسبه لصورك ماظهرت جيك على مركز التحميل

[ملك بدون مملكه]

...الحديقه في بريطانيا ... تباهم يحطون موقع باللغه العربيه ... الله يهديك بس .........

.....الحين شو رايك بالصور قول يا رمساوي ...........

السموحه منك .....

[Galaxy]

.
.


طلعـــــــــت الصور ..


وااااااااايد حلوووووووه ... وناسسه .. ابا اسير

تسلم أخوي عالصـــــــور ..

.
.

[ملك بدون مملكه]

... جهزي عمرج هالصيف .....وخبري الوالد ..وان شاء الله ما بيقصر ........

شكرا على المرور ........

[رمساوي وكلي فخر]

يه يه يه يه يه شو هالصور ياسلام والله ذكرتني بحديقة صقر هههههههههههههههههههههههه خطير انت لكن ماقلت لي بسلفك كيمرتي بتكون الصور احلى يلا عيل شدو حيلكم بالصيف السفره على حسابك ههه عيبني النفكيشن كيف ملصق بالجامه ههه

[ملك بدون مملكه]

افا عليك ...جهز عمرك... والتذكره بحسابي ....بس عقب ماتقول ملل وابا ارد البلاد من لحين اقولك ....

انا اتريا حد اييني اهنه ما بصدق .......يفداك النفكيشن ... بس شو تباه وين بتسير فيه النخيل ولا ضايه .....

اهنيه شوارعهم فوق بعض ولو ما عدنا ها جان ضعنا ...

وبنصير شرات شحفان القطو ..... وبنقول نحن والعلم عند الله ضعنا .....

شكرا على المرور رمساوي .........

[عيون راك]

الصرااااااااااااااااحه روووووووووووووعه..

يسلمو ع الصور الحلوة..

[ملك بدون مملكه]

شكرا على المرور عيون راك ..........................