المشاركة الأصلية كتبت بواسطة $$درع البلاد$$
السلام عليكم ورحمة اللـَّہ وبركاته
حلمت اليوم الاربعاء 19 / 5 / 2010.
حلمت انـي فـي عمارة كلها باكستانيين وكنت أطلع وأنزل منْ الطوابق
عقب كأني فـي مدرسة وكان مطلوب منا انسوي مشروع للتخرج وإنا نوزع علـى طاقم العمال الهنود
مثل الاستبيان مجموعة ملفات واسئلة لازم يجاوبون عليه ورحت اوديلهم الاسئله والملفات وكانت اشياء
مزحومه ورحت لواحد منْ العمال وكان شكله افريقي اسمر وطويل وضخم الجثة وقعدت معاه علـى طاولة
صغيرة حطيته الملفات كلها تبع العمال وفيها الاسئلة وهدايا مجانية وقال جت عندي وحدة غيرج وعطتني اكثر منْ
هالملفات والاسئلة وهدايا مجانية وقال جت عندي وحدة غيرج وعطتني أكثر منْ هالملفات والاسئلة!!
وانا حسيت باحباط بس قلتله ماعليه خذهم وبيي أخذهم منكم وقت ثاني!
وعقب رحت الطابق اللـي فوق وكانوا البنات مسوين حفلة عيد ميلاد لوحده بس گآنّ ضخم جدا بلالين فـي كل مكان
وزينة واكل وكيك كَنُتً اجوف الاحتفالية منْ الطابق اللـي فوق وهم تحت فـي الساحة وكان روعه تحمست ونزلت
للساحة اجوف الزينة والحفل وكان اليوم الختامي للمدرسة! عقب شفت اختي عايدة وقعدت معاهم عقب قعدت فـي
طاولة مـع اخوي عبدالحميد وواحد يبين عمره اشوي كبير يعني أخر الثلاثين او الاربعين! بس گآنّ جنتل وابيض ولحيته
مخضبه ببياض وكان قاعد مجابل عبدالحميد والاثنين ساكتين! وأنا بينهم وشفت الشيخ عبدالله بن زايد قاعد يرزف بالخيزران
بدون موسيقى ولا شـي بروحه وهمست لعبدالحميد هز راسه بالرفض وهمست للريال الابيض قلتله قول للشيخ يرقص يمني
وهز راسه بالنفي؟ وحسيت انهم خايفين منه وانا قعدت اطالع عبدالله بن زايد! وبخاطري اجوفه يرقص يمني!
عقب صديت وراي لّقْيٌـتُ مثل العمود الطويل اللـي يسلخون فِیہ لحم الذبايح وبعدين قربوا جدر كبير وفيه لحم ماشيه!
ماميزت لحم شو بالضبط اذا كبش او عجل او غيره المهم لحم ماشيه مقطع! عقب يت اختي عايدة وقربت الجدر وطلعت الذبيحة
وكانت مطبوخة ولونها مثل لون الككاو واستغربت قلت معقولة تحول االلحم لككاو ويت اختي عايدة ولحست اللحم وكان ككاو؟.
وعيبها طعمه! وكان شكله عجل فِیہ علـى بطنه شكل شريط مذهب او خط عريض مذهب! وتشبهلي شكل الذبيحة وكأنها حيوان
فرعون بالشكل النهائي! وكنت اجوف عبدالحميد والريال الابيض ساكتين بعـد!
ويزاكم اللـَّہ خير
